android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ceiling Fanમાં કેમ હોય છે માત્ર 3 બ્લેડ? જાણો તેની પાછળનું વૈજ્ઞાનિક કારણ
calendar_today May 24, 2026

Ceiling Fanમાં કેમ હોય છે માત્ર 3 બ્લેડ? જાણો તેની પાછળનું વૈજ્ઞાનિક કારણ

ભૌતિકશાસ્ત્રના નિયમો અનુસાર, પંખામાં બ્લેડની સંખ્યા જેટલી ઓછી, હવાનો પ્રતિકાર ઓછો થશે. વિજ્ઞાનનો કમાલ દરેક ઘરમાં છતનો પંખો એક મૂળભૂત જરૂરિયાત છે. જે ઉનાળાની ઋતુમાં રાહત આપે છે. ભારતમાં મોટાભાગના છતના પંખામાં ફક્ત ત્રણ બ્લેડ હોય છે. તેનાથી વિપરીત, જ્યારે આપણે હોલીવુડ ફિલ્મો અથવા વિદેશી ઘરો જોઈએ છીએ. ત્યારે આપણે ચાર કે પાંચ બ્લેડવાળા પંખા જોઈએ છીએ. પંખાના બ્લેડની આ સંખ્યા કોઈ ભૂલ નથી. તેમાં વિજ્ઞાન, એન્જિનિયરિંગ અને દેશના બદલાતા વાતાવરણની ભૂગોળની સંપૂર્ણ સમજ સામેલ છે. જે તેની ગતિ અને પવનની ગતિ નક્કી કરે છે. પંખાના બ્લેડની સંખ્યાનો પડે છે ફરક ઠંડા દેશોમાં, મોટાભાગના લોકો એર કન્ડીશનર સાથે મળીને પંખાનો ઉપયોગ કરે છે. ચાર કે પાંચ બ્લેડવાળા આ વિદેશી પંખા આખા રૂમમાં ધીમે ધીમે હવા ફેલાવે છે. સતત તાપમાન જાળવી રાખે છે. પરંતુ તેઓ તીવ્ર પવન પૂરો પાડતા નથી. અન્ય દેશોથી વિપરીત, ભારત એક ઉષ્ણકટિબંધીય દેશ છે. જ્યાં ઉનાળા દરમિયાન તાપમાન વધી શકે છે. અહીં, પંખાનું પ્રાથમિક કાર્ય ફક્ત હવાનું પરિભ્રમણ કરવાનું નથી, પરંતુ પરસેવાનું બાષ્પીભવન કરીને શરીરને સીધું ઠંડુ કરવાનું છે. અવાજને પણ સીધી અસર બ્લેડની સંખ્યા પંખા દ્વારા ઉત્પન્ન થતા અવાજને પણ સીધી અસર કરે છે. જ્યારે ભારે ચાર કે પાંચ બ્લેડવાળા પંખાનો ઉપયોગ વધુ ઝડપે કરવાનો પ્રયાસ કરવામાં આવે છે. ત્યારે ભારે હવાના દબાણને કારણે તે ખૂબ જ જોરથી હિસિંગ અવાજ ઉત્પન્ન કરશે. ભારતમાં, લોકો રાત્રે સૂતી વખતે શાંત વાતાવરણ પસંદ કરે છે. ત્રણ બ્લેડવાળી ડિઝાઇન રૂમમાં સંપૂર્ણ હવા પરિભ્રમણ બનાવવા માટે બનાવવામાં આવી છે, જેમાં કોઈ પણ જોરથી કે ખલેલ પહોંચાડતો અવાજ ન આવે. આ પણ વાંચોઃ  અઠવાડિયામાં બે વાર મીઠાના પાણીથી સ્નાન કરો અને આશ્ચર્યજનક ફેરફારો જુઓ

Read Full Story arrow_forward
Valsad News: કલવાડા ગામે રોડ ક્રોસ કરતા બાઈક ચાલકને કારે મારી જોરદાર ટક્કર, લાઈવ વીડિયો સીસીટીવીમાં થયો કેદ
calendar_today May 24, 2026

Valsad News: કલવાડા ગામે રોડ ક્રોસ કરતા બાઈક ચાલકને કારે મારી જોરદાર ટક્કર, લાઈવ વીડિયો સીસીટીવીમાં થયો કેદ

વલસાડ તાલુકાના કલવાડા ગામમાંથી એક અત્યંત ચોંકાવનારો અને કંપારી છૂટી જાય તેવો માર્ગ અકસ્માત સામે આવ્યો છે. કલવાડા ગામની સીમમાંથી પસાર થતા રોડ પર એક પુરપાટ ઝડપે આવતી કાર અને બાઈક વચ્ચે ગમખ્વાર અકસ્માત સર્જાયો હતો. આ અકસ્માત એટલો ભયાનક હતો કે કારની ટક્કર વાગતાની સાથે જ બાઈક ચાલક હવામાં આશરે 10 ફૂટ જેટલો ઊંચો ઉછળીને રોડ પર પટકાયો હતો. આ રુંવાડા ઉભા કરી દેનારી સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ છે, જેનો લાઈવ વીડિયો હાલ સોશિયલ મીડિયા પર ખૂબ વાયરલ થઈ રહ્યો છે.જોયા વગર અચાનક રોડ ક્રોસ કરવો ભારે પડ્યો મળતી માહિતી મુજબ, આ અકસ્માત બાઈક સવાર યુવકની ગંભીર બેદરકારીના કારણે સર્જાયો હોવાનું પ્રાથમિક દ્રષ્ટિએ સામે આવ્યું છે. વાયરલ સીસીટીવી ફૂટેજમાં જોઈ શકાય છે કે, એક બાઈક ચાલક રોડની બંને બાજુએ આવતા-જતા વાહનોને જોયા વગર જ અચાનક પોતાની બાઈક વળાંક લઈને રોડ ક્રોસ કરવા જાય છે. બરાબર એ જ સમયે સામેથી પોતાની ગતિમાં આવી રહેલી એક લક્ઝરી કારના ચાલકે બ્રેક મારવાનો પ્રયાસ કર્યો હતો, પરંતુ અંતર ઓછું હોવાના કારણે કાર બાઈક સાથે ધડાકાભેર અથડાઈ પડી હતી. હવામાં ઉછળેલા યુવકને ગંભીર હાલતમાં હોસ્પિટલ ખસેડાયો કારની સ્પીડ વધુ હોવાથી ટક્કર વાગતા જ બાઈક ચાલક હવામાં ફંગોળાયો હતો અને રોડ પર પટકાતા તેને શરીરે તેમજ માથાના ભાગે ગંભીર ઈજાઓ પહોંચી હતી. અકસ્માત થતાં જ આસપાસના સ્થાનિક ગ્રામજનો અને રાહદારીઓ તાત્કાલિક લોહીલુહાણ હાલતમાં પડેલા યુવકની મદદે દોડી આવ્યા હતા. ઈજાગ્રસ્ત યુવકને તાબડતોબ સારવાર અર્થે નજીકની હોસ્પિટલમાં ખસેડવામાં આવ્યો છે, જ્યાં તેની સારવાર ચાલી રહી છે. ઘટનાની જાણ થતાં જ પોલીસની ટીમ પણ દોડી ગઈ હતી અને સીસીટીવી ફૂટેજના આધારે અકસ્માતનો ગુનો નોંધી આગળની કાયદેસરની કાર્યવાહી હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dang News: સાપુતારામાં બેકાબૂ ટ્રકે ટ્રેક્ટર અને કારને કચડી, 7 ઘાયલ
calendar_today May 24, 2026

Dang News: સાપુતારામાં બેકાબૂ ટ્રકે ટ્રેક્ટર અને કારને કચડી, 7 ઘાયલ

ગુજરાતના એકમાત્ર હિલ સ્ટેશન સાપુતારાના ઘાટ માર્ગો પર અકસ્માતોનો સિલસિલો યથાવત રહ્યો છે. ડાંગ જિલ્લાના સાપુતારા નજીક આવેલા મલેંગાવ નાકા પાસે એક બેકાબૂ બનેલા ટ્રકે ટ્રેક્ટર અને કારને અડફેટમાં લેતા ત્રિપલ અકસ્માત સર્જાયો હતો. આ ભયાનક અકસ્માતમાં સુરતથી સાપુતારા ફરવા ગયેલા પ્રવાસી પરિવારનો ચમત્કારિક બચાવ થયો છે.ટોલનાકા પાસે ટ્રક ચાલકે ગુમાવ્યો કાબૂ, ચાલક નશામાં હોવાની ચર્ચા ઘટનાની મળતી માહિતી અનુસાર, સાપુતારા મલેંગાવ નાકા અને ટોલનાકા નજીકથી પસાર થઈ રહેલી એક ટ્રકના ચાલકે અચાનક સ્ટેયરિંગ પરથી કાબૂ ગુમાવી દીધો હતો. બેકાબૂ બનેલી ભારેભરખમ ટ્રકે રસ્તા પરથી પસાર થતા એક ટ્રેક્ટર અને સુરત પાસિંગની કારને જોરદાર ટક્કર મારીને અડફેટમાં લીધા હતા. સ્થાનિક લોકોમાં ચર્ચા છે કે અકસ્માત સર્જનાર ટ્રક ચાલક નશાની હાલતમાં હતો, જેના કારણે આ હોનારત સર્જાઈ હતી. સુરતના પરિવારનો આબાદ બચાવ, ખેડૂતની હાલત ગંભીર આ અકસ્માત એટલો જોરદાર હતો કે, કારનો કચ્ચરઘાણ વળી ગયો હતો. જોકે, સદનસીબે કારમાં સવાર 2 મહિલા અને બે બાળકો સહિત સુરતના કુલ 7 પ્રવાસીઓનો આબાદ બચાવ થયો હતો, જેને પગલે પરિવારે રાહતનો શ્વાસ લીધો હતો. બીજી તરફ, અકસ્માતનો ભોગ બનેલા ટ્રેક્ટરના ચાલક (સ્થાનિક ખેડૂત)ને શરીરે ગંભીર ઈજાઓ પહોંચી હતી. જ્યારે અકસ્માત સર્જનાર ટ્રક ચાલકને સામાન્ય ઈજા થઈ હતી. હાઈવે પર ટ્રાફિક જામના દ્રશ્યો સર્જાયા ઘટનાની જાણ થતાં જ આસપાસના લોકો દોડી આવ્યા હતા અને 108 એમ્બ્યુલન્સ મારફતે બંને ઈજાગ્રસ્તોને તાત્કાલિક શામગહાન સરકારી હોસ્પિટલમાં ખસેડ્યા હતા. જ્યાં ટ્રેક્ટર ચાલક ખેડૂતની તબિયત વધુ લથડતાં તેને વધુ સારવાર માટે વલસાડની સરકારી હોસ્પિટલમાં રીફર કરવામાં આવ્યો છે. અકસ્માતને પગલે હાઈવે પર થોડો સમય ટ્રાફિક જામના દ્રશ્યો સર્જાયા હતા. સ્થાનિક પોલીસે ઘટના સ્થળે પહોંચીને વાહનો બાજુ પર ખસેડી વાહનવ્યવહાર પૂર્વવત કરાવ્યો હતો. ટ્રક ચાલક સામે ગુનો નોંધી આગળની તપાસ શરૂ કરી છે. આ પણ વાંચો - Dang News: સ્ટોબેરીની ખેતીથી ખેડૂતોની કમાણીમાં બમ્પર ઉછાળો, જાણો કેટલી થાય છે કમાણી?

Read Full Story arrow_forward