android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surendranagar News : સાયલાથી પકડાયેલા નકલી DySP સોહિલખાનના એક દિવસના રિમાન્ડ મંજૂર
calendar_today May 24, 2026

Surendranagar News : સાયલાથી પકડાયેલા નકલી DySP સોહિલખાનના એક દિવસના રિમાન્ડ મંજૂર

રાજ્યમાં નકલીની ચાલી રહેલી ભરમાર વચ્ચે રાજકોટ રેન્જ આઇ.જીની ટીમ દ્વારા સાયલામાં રહેતા અને નકલી ડીવાયએસપી બની રોફ જમાવતા એક ઇસમને દબોચી લીધો હતો.રાજકોટ રેન્જ આઇ.જી સહિતનાઓ દ્વારા આધારભૂત બાતમીના આધારે સાયલામાં રહેતા સોહિલ પઠાણને ઈન્ટરનેટના માધ્યમથી સોશ્યલ મીડિયાના વિવિધ માધ્યમોમાં લોકો સાથે છેતરપિંડી આચરવાના ઇરાદાથી DySP તરીકેના ખોટા આઇ કાર્ડ બનાવી સાયબર ક્રાઇમ આચરતા ઝડપી લેતા ચકચાર મચી જવા પામી છે. પોલીસે આરોપીને સાયલાથી પકડ્યો આરોપી સોહિલ બિસ્મિલ્લાખાન પઠાણ દ્વારા નકલી ડીવાયએસપી ની ઓળખ ઉભી કરી બેંક એકાઉન્ટ અનસીઝ કરવા એક મહીલા પાસેથી બાવીસ હજાર રૂપિયા પડાવ્યા હોવાનો પણ ખુલાસો થયો છે. ત્યારે એસ.બી.પઠાણ DySPની નકલી ઓળખ ઉભી કરનાર આરોપી સોહિલે અન્ય કેટલા લોકો સાથે છેતરપિંડી આચરી છે. અગાઉ તેણે કોઈ ગુના આચર્યા છે કે નહીં તે બાબતે પોલીસે તપાસનો ધમધમાટ શરૂ કર્યો છે. ત્યારે આ બનાવની તપાસ સાયલા પીઆઇ વાય.જી.ઉપાધ્યાયને સોંપવામાં આવી હતી.સાયલા પોલીસ દ્વારા ઝડપાયેલ બોગસ DySP સોહિલની વધુ પૂછપરછ માટે રીમાન્ડ અર્થે ન્યાયધીશ પાસે રજૂ કરતા કોર્ટે એક દિવસના રીમાન્ડ મંજૂર કર્યા છે. સોશ્યલ મીડિયામાં પોલીસની આઇડી બનાવી આરોપી સોહિલે પોતાની ઓળખ દાહોદ લોકલ ક્રાઈમ બ્રાન્ચના તત્કાલીન પીઆઇ તેમજ એટીએસના ડીવાયએસપી તરીકેની સોશ્યલ મીડિયામાં ખોટી ઓળખ ઉભી કરી કોઈ વ્યક્તિને પોતાની માયાજાળમાં ફસાવવા પોલીસ અધિકારી તરીકે મારી મદદની જરૂર હોય તો સંપર્ક કરવાનું જણાવી છેતરપિંડી આચરતો હોવાનો પણ પર્દાફાશ થયો હતો.આરોપીએ આવી રીતે કરેલ પ્રચાર કરી બેંક એકાઉન્ટ સીઝ થયેલ મધ્યપ્રદેશની એક યુવતીને ખાતું ચાલુ કરાવી આપવાનો વિશ્વાસ કેળવી બાવીસ હજાર રૂપિયા ઓળવી લીધા હતા. નકલી આઈ કાર્ડ સહીતના બોગસ દસ્તાવેજો મળી આવ્યા. રાજકોટ રેન્જ આઇ.જી ની ટીમે ઝડપેલો નકલી ડીવાયએસપી સોહિલ પઠાણ શિક્ષિત હોવા સાથે હાલમાં કોઈ કામધંધો ના કરતો હોવાની વિગતો બહાર આવી છે ત્યારે પોલીસ દ્વારા આરોપી પાસેથી એસ.બી.પઠાણ ડીવાયએસપીનું નકલી ઓળખપત્ર,દાહોદ થી કચ્છ માં બદલીનો બોગસ ઓર્ડર,ઓન ડ્યુટી પાસ,ગુજરાત પોલીસ નું dyspનું પોતાનું નામ,બક્કલ નંબર સહિતની વિગતો લખેલ એકાઉન્ટ અન સીઝ કરવાનો ખોટો લેટર સહિતનો મુદ્દામાલ જપ્ત કરાયો હતો. આ પણ વાંચોઃ Gujarat Weather : ગરમીમાં રાહત મળવાના કોઈ સંકેત નહીં, રાત્રે પણ ગરમ પવનો ફૂંકાશે

Read Full Story arrow_forward
Dang News: સાપુતારા ખાતે વેકેશનના ધસારાને પગલે પેટ્રોલ પંપ પર લાગી લાઈનો
calendar_today May 24, 2026

Dang News: સાપુતારા ખાતે વેકેશનના ધસારાને પગલે પેટ્રોલ પંપ પર લાગી લાઈનો

ગુજરાતના એકમાત્ર ગિરિમથક સાપુતારા ખાતે હાલ વેકેશનની મોસમ હોવાના કારણે પ્રવાસીઓનો ભારે ધસારો જોવા મળી રહ્યો છે. મોટી સંખ્યામાં સહેલાણીઓ પોતાના ખાનગી વાહનો લઈને સાપુતારા ઉમટી પડતા સ્થાનિક પેટ્રોલ પંપ પર વાહનોની લાંબી લાઈનો દ્રશ્યમાન થઈ રહી છે. વાહનોની આ લાંબી કતારોને કારણે સ્થાનિક નાગરિકો અને વાહનચાલકોમાં ઈંધણ ખૂટી જશે તેવી આશંકા સેવાઈ રહી હતી. જો કે, પેટ્રોલ પંપ સંચાલકોએ આ બાબતે સ્પષ્ટતા કરીને પ્રવાસીઓ અને સ્થાનિકોને રાહત આપી છે.જિલ્લાના તમામ પંપ પર સ્થિતિ સામાન્યસાપુતારાના પેટ્રોલ પંપ પર ભીડ વધતા પંપ સંચાલકોએ સત્તાવાર નિવેદન જાહેર કરીને જણાવ્યું છે કે, ડાંગ જિલ્લામાં પેટ્રોલ અને ડીઝલનો પૂરતો જથ્થો ઉપલબ્ધ છે. પ્રવાસીઓના અચાનક વધેલા ધસારાને કારણે સાપુતારા પંપ પર લાઈનો દેખાઈ રહી છે, પરંતુ તે માત્ર ટ્રાફિક વ્યવસ્થાના ભાગરૂપે છે. સમગ્ર ડાંગ જિલ્લામાં આવેલા તમામ ૯ પેટ્રોલ પંપો પર સ્થિતિ એકદમ સામાન્ય છે. જિલ્લામાં પેટ્રોલ, ડીઝલ કે સીએનજી ગેસ જેવા કોઈપણ પ્રકારના ઈંધણની કોઈ અછત કે કટોકટી નથી. નાગરિકોને પેનિક ન થવા અપીલ પંપ સંચાલકો અને વહીવટી તંત્રે સ્થાનિક લોકોને અફવાઓથી દૂર રહેવા અને બિલકુલ પેનિક (ચિંતાતુર) ન થવા માટે અપીલ કરી છે. હાલ ખેતીની સીઝન પણ નજીક આવી રહી હોવાથી ખેડૂતો માટે પણ પૂરતા પ્રમાણમાં ડીઝલનો સ્ટોક અનામત રાખવામાં આવ્યો છે, જેથી ખેતીકામમાં કોઈ અવરોધ ન આવે. પ્રવાસીઓ અને સ્થાનિક વાહનચાલકોને પોતાની જરૂરિયાત મુજબ જ ઈંધણ ખરીદવા અને ખોટો સંગ્રહ ન કરવા માટે વહીવટી તંત્ર દ્વારા સમજાવવામાં આવી રહ્યું છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gujarat News: NCRBના રિપોર્ટ પ્રમાણે રાજ્યમાં ગુનાખોરીનો દર ક્યાં પહોંચ્યો? જાણો શું છે કાયદો અને વ્યવસ્થાની સ્થિતિ
calendar_today May 24, 2026

Gujarat News: NCRBના રિપોર્ટ પ્રમાણે રાજ્યમાં ગુનાખોરીનો દર ક્યાં પહોંચ્યો? જાણો શું છે કાયદો અને વ્યવસ્થાની સ્થિતિ

નેશનલ ક્રાઈમ રેકોર્ડ બ્યુરો (NCRB) નવી દિલ્હી દ્વારા તાજેતરમાં પ્રકાશિત કરવામાં આવેલા ક્રાઈમ ઇન ઇન્ડિયા પુસ્તકના આધારે વર્ષ 2024 દરમ્યાન ગુજરાત રાજ્ય તેમજ ભારતના અન્ય રાજ્યોના ગુનાહિત આંકડાઓનું તુલનાત્મક વિશ્લેષણ જાહેર કરવામાં આવ્યું છે. આ સત્તાવાર આંકડાઓ સ્પષ્ટ કરે છે કે ગુજરાતમાં કાયદો અને વ્યવસ્થાની સ્થિતિ અત્યંત સુદ્રઢ અને સુરક્ષિત છે.વર્ષ 2024માં સમગ્ર ભારતનો સરેરાશ ક્રાઈમ રેટ 252.3 છે જેની સરખામણીએ ગુજરાતનો ક્રાઈમ રેટ માત્ર 227.7 છે.દેશના કુલ 36 રાજ્યો અને કેન્દ્રશાસિત પ્રદેશોમાં ગુજરાત 12મા ક્રમે આવે છે. ગુજરાત સૌથી સુરક્ષિત રાજ્યોમાં મોખરે ગુજરાતમાં દારૂ ગાળવા, વેચવા, હેરફેર કરવા કે પીવા સંબંધિત ગુનાઓમાં પોલીસ દ્વારા સ્વતઃ સંજ્ઞાન લઈને દર વર્ષે લાખોની સંખ્યામાં કેસો દાખલ કરવામાં આવે છે.NCRBના ડેટામાં જ્યારે કુલ ગુનાઓની ગણતરી થાય છે ત્યારે આ પ્રોહિબિશન હેઠળ નોંધાયેલા સ્પેશિયલ એન્ડ લોકલ લોઝના કેસો પણ તેમાં ઉમેરાય છે.ગુજરાત પોલીસની આ સક્રિય અને કડક ડ્રાઇવના કારણે ગુના નોંધણીની સંખ્યા ઊંચી દેખાય છે જે વાસ્તવમાં રાજ્યની સલામતી અને પોલીસની સજાગતા દર્શાવે છે.જો આ દારૂબંધીના કેસોને અલગ રાખવામાં આવે તો ગુજરાતનો વાસ્તવિક ગુનાઓનો રેટ રાષ્ટ્રીય સરેરાશ કરતા ઘણો વધારે નીચો છે. મહિલાઓ વિરૂદ્ધના ગુના મહિલા સુરક્ષા બાબતે ગુજરાત દેશના સૌથી સુરક્ષિત રાજ્યોમાં મોખરે છે. રાષ્ટ્રીય સ્તરે મહિલાઓ વિરૂદ્ધના ગુનાનો દર 64.6 છે, જ્યારે ગુજરાતમાં આ દર માત્ર 22.0 છે. આ કેટેગરીમાં ગુજરાત દેશમાં 33મા સ્થાને (ખૂબ નીચો ગુનાખોરી દર) છે. બાળકો વિરૂદ્ધના ગુના બાળકો વિરૂદ્ધ થતા ગુનાઓમાં રાષ્ટ્રીય સરેરાશ 42.3 સામે ગુજરાતનો ક્રાઈમ રેટ 25.8 છે અને ગુજરાત દેશમાં 29મા ક્રમે છે. હિંસાત્મક ગુનાઓ ખૂન, ખૂનની કોશિશ, બળાત્કાર, અપહરણ, લૂંટ અને ધાડ જેવા ગંભીર હિંસાત્મક ગુનાઓમાં રાષ્ટ્રીય સરેરાશ 52.9 ની સામે ગુજરાતનો ક્રાઈમ રેટ માત્ર 16.5 નોંધાયો છે, જેમાં ગુજરાત 31મા સ્થાને છે. શરીર વિરૂદ્ધના ગુના રાષ્ટ્રીય ક્રાઈમ રેટ 62.1 ની સરખામણીએ ગુજરાતમાં આ દર ઘણો ઓછો એટલે કે 24.7 છે. જે અંતર્ગત ગુજરાત 31મા ક્રમે છે. મિલકત વિરૂદ્ધના ગુના ચોરી, ઘરફોડ, લૂંટ અને ધાડ જેવા ગુનાઓમાં દેશનો સરેરાશ રેટ 57.9 છે, જ્યારે ગુજરાતનો રેટ 30.4 છે. ગુજરાત આ કેટેગરીમાં 23મા સ્થાને છે. ખૂનના ગુના વર્ષ 2024 માં ખૂનના ગુનાનો રાષ્ટ્રીય સરેરાશ ક્રાઈમ રેટ 1.9 છે, જેની સામે ગુજરાતનો ક્રાઈમ રેટ માત્ર 1.3 છે. આ ગુનાના ક્રાઈમ રેટમાં દેશના 36 રાજ્યો અને કેન્દ્રશાસિત પ્રદેશોમાં ગુજરાત 29મા ક્રમે છે. બળાત્કારના ગુના વર્ષ 2024 માં બળાત્કારના ગુનાઓનો ઓલ ઇન્ડિયા ક્રાઈમ રેટ 4.3 છે, જેની સરખામણીએ ગુજરાતમાં આ ક્રાઈમ રેટ ઘણો ઓછો એટલે કે 1.9 જેટલો નોંધાયો છે. 36 રાજ્યો અને કેન્દ્રશાસિત પ્રદેશોની સરખામણીમાં ગુજરાત આ કેટેગરીમાં 29મા ક્રમે છે. અપહરણ અને અપનયન આ પ્રકારના ગુનાઓનો સમગ્ર ભારતનો સરેરાશ ક્રાઈમ રેટ 6.8 છે, જેની સામે ગુજરાતમાં આ દર માત્ર 1.7 છે. આ ગુનાના ક્રાઈમ રેટમાં દેશમાં ગુજરાતનું સ્થાન 26મા ક્રમાંકે છે. ઘરફોડ વર્ષ 2024માં ઘરફોડના ગુનાનો ઓલ ઇન્ડિયા ક્રાઈમ રેટ 7.7 છે, જેની સામે ગુજરાતમાં આ દર માત્ર 4.1 રહ્યો છે. કુલ 36 રાજ્યો અને કેન્દ્રશાસિત પ્રદેશોમાં ગુજરાત આ ગુનાના ક્રાઈમ રેટમાં 27મા સ્થાને છે. આ પણ વાંચોઃ Valsad News: કલવાડા ગામે રોડ ક્રોસ કરતા બાઈક ચાલકને કારે મારી જોરદાર ટક્કર, લાઈવ વીડિયો સીસીટીવીમાં થયો કેદ

Read Full Story arrow_forward