UP માં વીજ કાપ મુદ્દે સીએમ યોગી લાલઘૂમ, ઉર્જા મંત્રી અને અધિકારીઓ સાથે કરી તાકીદની બેઠક
ઉત્તર પ્રદેશ (UP) માં હાલ આકાશમાંથી અગનગોળા વરસી રહ્યા છે અને ભીષણ ગરમીએ લોકોનું જીવવું મુશ્કેલ કરી દીધું છે. આવી કટોકટીની સ્થિતિમાં રાજ્યના અનેક શહેરો અને ગ્રામીણ વિસ્તારોમાંથી અઘોષિત વીજ કાપ (Power Cut) ની વ્યાપક ફરિયાદો ઉઠી રહી છે. વીજ પુરવઠો ખોરવાઈ જવાની આ ઘટનાઓએ ઉત્તર પ્રદેશના મુખ્યમંત્રી યોગી આદિત્યનાથને નારાજ કર્યા છે. જનતાને પડતી હાલાકીને પગલે સીએમ યોગી ભારે ગુસ્સામાં જોવા મળ્યા છે અને તેમણે વીજળી વ્યવસ્થાને તાત્કાલિક પાટા પર લાવવા કડક વલણ અપનાવ્યું છે. જનતા રસ્તા પર ઉતરી, સીએમ યોગીએ બોલાવી ઈમરજન્સી બેઠક મળતી માહિતી મુજબ, રાજધાની લખનૌ ઉપરાંત કાનપુર, અલીગઢ અને વારાણસી સહિતના અનેક મોટા શહેરોમાં વીજળી ગુલ થવાના કારણે લોકો ત્રાસી ગયા છે. ગરમીથી પરેશાન નાગરિકો અનેક જગ્યાએ વિરોધ પ્રદર્શન કરવા રસ્તા પર ઉતરી આવ્યા છે. રાજ્યમાં પરિસ્થિતિ વણસતી જોઈને મુખ્યમંત્રી યોગી આદિત્યનાથે કોઈ પણ જાતનો વિલંબ કર્યા વિના આજે ઉર્જા મંત્રી એ.કે. શર્મા અને પાવર કોર્પોરેશનના વરિષ્ઠ અધિકારીઓ સાથે એક ઉચ્ચ સ્તરીય ઈમરજન્સી બેઠક બોલાવી હતી. અધિકારીઓને કડક ચેતવણી: બેદરકારી સહન નહીં થાય બેઠક દરમિયાન મુખ્યમંત્રીએ સ્પષ્ટ શબ્દોમાં જણાવ્યું કે, ગમે તેટલી ગરમી હોય, ગામડાં હોય કે શહેરો, રાજ્યના તમામ નાગરિકોને શિડ્યુલ મુજબ અવિરત (તૂટ્યા વિના) વીજ પુરવઠો મળવો જ જોઈએ. સીએમ યોગીએ વીજ કંપનીઓ અને અધિકારીઓને ચેતવણી આપી છે કે ફીડર બગાડ અથવા સ્થાનિક ફોલ્ટના બહાના હેઠળ લાંબો સમય પાવર કટ રાખવાની બેદરકારી બિલકુલ ચલાવી લેવામાં નહીં આવે. ટ્રાન્સફોર્મર બગડવાના કિસ્સામાં તેને નિર્ધારિત સમય મર્યાદામાં જ બદલવાના આદેશ અપાયા છે, જેથી આ આકરી ગરમીમાં સામાન્ય જનતાને વહેલી તકે રાહત મળી શકે.આ પણ વાંચોઃ Pakistan ના ક્વેટામાં આત્મઘાતી હુમલો, સૈન્ય કર્મચારીઓથી ભરેલી ટ્રેન પર બ્લાસ્ટ, 23 ના મોત અને 53 ઘાયલ
Read Full Story arrow_forward