android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surendranagar: વઢવાણ તાલુકા પંચાયત ખાતે કોંગ્રેસ દ્વારા ડીઝલના પ્રશ્ને વિરોધ પ્રદર્શન
calendar_today May 24, 2026

Surendranagar: વઢવાણ તાલુકા પંચાયત ખાતે કોંગ્રેસ દ્વારા ડીઝલના પ્રશ્ને વિરોધ પ્રદર્શન

સુરેન્દ્રનગર જિલ્લાની 10 તાલુકા પંચાયતોમાં શનિવારે નવા સુકાનીઓની વરણી થઈ છે. ત્યારે વઢવાણ તાલુકા પંચાયતમાં પ્રમુખ, ઉપપ્રમુખ, કારોબારી ચેરમેન સહિતનાઓની વરણી સમયે જ કોંગ્રેસ દ્વારા અનોખો વિરોધ કરાયો હતો. હાલ ડીઝલની અછત સર્જાઈ હોય તેમ ખેડૂતોને ડીઝલ માટે ધક્કા ખાવા પડતા હોવાથી વઢવાણ તાલુકા કોંગ્રેસ પ્રમુખ શકિતસિંહ ઝાલા, રણજીતસિંહ ઝાલા સહિતનાઓ ગધેડા અને ડીઝલના ખાલી કેરબા સાથે વઢવાણ તાલુકા પંચાયત કચેરી પહોંચ્યા હતા. હાલ ખેતીમાં વાવેતરની સીઝન ચાલુ હોય અને ખેડુતોને ડીઝલ ન મળતા હાલ કફોડી બની હોવાનું કહી વિરોધ પ્રદર્શન કર્યુ હતુ. અને ઢોલ સાથે સુત્રોચ્ચાર કરી કચેરી ગજવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ahmedabad: સાણંદના સનાથલ ગામે હત્યા કેસના આરોપીની બે કાર તેમજ રિક્ષામાં આગ ભભૂકતાં ચકચાર
calendar_today May 24, 2026

Ahmedabad: સાણંદના સનાથલ ગામે હત્યા કેસના આરોપીની બે કાર તેમજ રિક્ષામાં આગ ભભૂકતાં ચકચાર

સાણંદ તાલુકાનાં સનાથલ ગામે તાજેતરમાં બનેલ હત્યા કેસનાં આરોપીની ફોર વ્હીલ કાર તમેજ એક રીક્ષા તા.22 મીને શુક્રવારે રાત્રે 11 કલાકની આસપાસના સુમારે અચાનક સળગી ઉઠી હતી અને સાથે સાથે તેની બાજુમાં 25 વર્ષથી બંધ હાલતમાં પડેલ ઘર પણ સળગી ઉઠયું હતું. આમ રાત્રે અચાનક આગ લાગતાં ગામનાં માણસો એકઠાં થઈ ગયા હતા અને ફાયરવિભાગને જાણ કરતાં ફાયરબ્રિગેડે આવી આગ ઓલવવાની કામગીરી હાથ ધરી હતી. બનાવની જાણ અલ્પેશ ધીરૂભાઈ ચૌહાણ(ઠાકોર) દ્વારા ચાંગોદર પોલીસમાં કરાતાં પોલીસે બનાવ સ્થળે ગઈ તપાસની કામગીરી હાથ ધરી હતી. કોઈ અગમ્ય કારણોસર આગ લાગી હતી. જેમાં બે ફોર વ્હીલ તેમજ એક રીક્ષા અને બંધ પડેલ ઘર સળગ્યા હતાશુક્રવારે રાત્રિના સુમારે બનેલા આગનાં બનાવ અગે ચાંગોદર પોલીસ તપાસ અધિકારી એસ.એસ.રાઠોડનો સંપર્ક કરતા તેઓએ જણાવ્યું હતું કે રાત્રે કોઈ અગમ્ય કારણોસર આગ લાગી હતી. જેમાં બે ફોર વ્હીલર તેમજ એક રીક્ષા અને એક બંધ પડેલ ઘર સળગી ઉઠયાં હતા. ઘર હત્યા કેસના આરોપીનું છે કે અન્ય કોઈનું તેમજ બે કાર અને રિક્ષા પણ કોની હતી તે અંગેની માહિતી ન હોવાનું જણાવ્યું હતું. ત્યારે શુક્રવારે રાત્રે બનેલ બનાવની બીજા દિવસ સુધી માલિકોની પણ પોલીસને જાણ ન હોય તો પોલીસ આગળની તપાસ કેવી રીતે કરશે? ના અંગે અનેક તર્ક-વિતર્ક ઉઠવા પામ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ahmedabad: અમદાવાદ જિલ્લા પંચાયતના નવનિયુક્ત પ્રમુખ/ઉપપ્રમુખને માંડલ બેઠકના જિલ્લા સદસ્ય દ્વારા શુભેચ્છાઓ પાઠવાઈ
calendar_today May 24, 2026

Ahmedabad: અમદાવાદ જિલ્લા પંચાયતના નવનિયુક્ત પ્રમુખ/ઉપપ્રમુખને માંડલ બેઠકના જિલ્લા સદસ્ય દ્વારા શુભેચ્છાઓ પાઠવાઈ

માંડલ : અમદાવાદ જિલ્લા પંચાયતના પ્રમુખ, ઉપપ્રમુખ સહિતના હોદ્દેદારોના શુક્રવારે નામો જાહેર થયા બાદ તા.23મીને શનિવારના રોજ જિલ્લા પંચાયત ખાતે સત્તાવાર રીતે પ્રમુખ તરીકે સુરજીતસિંહ ગોહિલ અને ઉપપ્રમુખ તરીકે ભાવિબેન પટેલની વરણી કરાઈ હતી. જેની સાથે અન્ય હોદ્દેદારોની પણ વરણી કરાઈ હતી. ત્યારે જિ.પં. ખાતે નવનિયુક્ત હોદ્દેદારો માટેની પ્રથમ સભામાં ગ્રામ્યની તમામ બેઠકોના સદસ્યો અને ભાજપ કાર્યકરો, અગ્રણીઓ મોટી સંખ્યામાં ઉપસ્થિત રહ્યાં હતાં. જિલ્લાની માંડલ બેઠકના સદસ્ય ઈન્દુબેન મહેશભાઈ પટેલ અને માંડલ તાલુકા પંચાયતના પુર્વ પ્રમુખ મહેશભાઈ પટેલે પણ જિલ્લા પંચાયતના પ્રમુખ અને ઉપપ્રમુખને મળીને શુભેચ્છાઓ પાઠવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward