android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Chotila: ચોટીલાના સુરઈમાં જુગાર રમતા છ શખ્સો પકડાયા
calendar_today May 24, 2026

Chotila: ચોટીલાના સુરઈમાં જુગાર રમતા છ શખ્સો પકડાયા

ચોટીલા : ચોટીલા પોલીસ સ્ટેશનના સ્ટાફને પેટ્રોલિંગ દરમિયાન બાતમી મળી હતી કે તાલુકાના સુરઈ ગામે સીમ વિસ્તારમાં રાત્રીના લાઈટના અજવાળે જુગાર રમવામાં આવી રહ્યો છે. એથી સુરઈ ગામની સીમમાં દરોડો પાડતા છ લોકો જુગાર રમતા પકડાયા હતા. પોલીસે જુગાર રમતા ઝડપી પાડેલા શખ્સોમાં મુકેશ ભનુભાઇ પરમાર, જગા હમીરભાઇ કંબોયા, દીપક ઉર્ફે દીપુ ગાંડાભાઈ બોરસણીયા, સવજી મશરૂભાઈ નાંડોળીયા, શીવરાજ આપાભાઈ તેમજ prવિણ કનુભાઈનો સમાવેશ થાય છે. પોલીસે દરોડામાં સ્થળ પરથી રોકડ રકમ રૂપિયા 14,150 અને પાંચ મોબાઇલ ફોનનો મુદ્દામાલ જપ્ત કરી તમામ વિરૂધ્ધ જુગારધારા હેઠળનો ગુન્હો દાખલ કરેલ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dholka: ધોળકામાં વસ્તી ગણતરીની કામગીરી માટે કર્મચારીઓને તાલિમ અપાઈ
calendar_today May 24, 2026

Dholka: ધોળકામાં વસ્તી ગણતરીની કામગીરી માટે કર્મચારીઓને તાલિમ અપાઈ

ધોળકા તાલુકામાં વસ્તી ગણતરીની કામગીરીને સફ્ળ અને સુચારૂ બનાવવા માટે શિક્ષકો અને નિયુક્ત કર્મચારીઓ માટે વિશેષ તાલીમ કાર્યક્રમનું આયોજન કરવામાં આવ્યું છે. તાલીમ મામલતદાર લલીતભાઈ ડાભી અને ચીફ્ ઓફ્સિર પ્રાર્થનાબા રાઠોડના માર્ગદર્શન હેઠળ યોજાઈ રહી છે. તાલીમ કાર્યક્રમમાં તાલુકાની વિવિધ શાળાઓના શિક્ષકો અને વસ્તી ગણતરી સાથે સંકળાયેલા કર્મચારીઓ ભાગ લઈ રહ્યા છે. તાલીમ દરમિયાન વસ્તી ગણતરીની સમગ્ર પ્રક્રિયા, ઘર-ઘર સર્વેક્ષણ દરમિયાન ધ્યાનમાં રાખવાની બાબતો અંગે વિસ્તૃત માર્ગદર્શન અપાયું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Tharad: વાવ-થરાદમાં પ્રમુખ, તો બનાસકાંઠા જિ.પં.માં ઉપપ્રમુખ તરીકે મહિલા ઉમેદવાર
calendar_today May 24, 2026

Tharad: વાવ-થરાદમાં પ્રમુખ, તો બનાસકાંઠા જિ.પં.માં ઉપપ્રમુખ તરીકે મહિલા ઉમેદવાર

નવરચિત વાવ-થરાદ જિલ્લા પંચાયતની પ્રથમ ચૂંટણીમાં પ્રમુખ અને ઉપપ્રમુખ સહિતના હોદ્દેદારોની વરણી પ્રક્રિયા આજે ઉત્સાહપૂર્ણ માહોલમાં સંપન્ન થઈ હતી. આ ચૂંટણીમાં ભારતીય જનતા પાર્ટીએ સ્પષ્ટ બહુમતી સાથે પંચાયત પર પોતાનો દબદબો કાયમ રાખવા સત્તાના સૂત્રો હસ્તગત કર્યા છે.વાવ થરાદ જિલ્લા પંચાયતની બેઠકોની યોજાયેલ ચૂંટણી બાદ પ્રમુખ અને ઉપપ્રમુખની ચૂંટણી ગત રોજ જિલ્લા પંચાયત ખાતે યોજાઈ હતી જેમાં ભાજપ અને કોંગ્રેસના 30 સદસ્યો ઉપસ્થિત રહ્યા હતા. વાવ-થરાદ જિલ્લા પંચાયતની ચૂંટણીમાં ભાજપે શાનદાર પ્રદર્શન કરતા કુલ 20 બેઠકો પર વિજય મેળવ્યો હતો, જ્યારે વિપક્ષ કોંગ્રેસના ફળે 10 બેઠકો આવી હતી. આમ, સ્પષ્ટ બહુમતીના આધારે ભાજપે પંચાયતમાં પોતાની મજબૂત બોડીની રચના કરી છે.આ વખતની પ્રમુખ પદની બેઠક એસ.સી. (SC) અનામત હોવાથી, મલુપુર બેઠક પરથી વિજેતા બનેલા જનપ્રિય મહિલા આગેવાન રત્નીબેન હરચંદભાઇ પરમારની પ્રમુખ તરીકે અને ઉપપ્રમુખ જગદીશભાઈ ચૌધરીની સત્તાવાર વરણી કરવામાં આવી છે.નવનિયુક્ત હોદ્દેદારોને સ્થાનિક આગેવાનો, કાર્યકરો અને સમર્થકો દ્વારા ફૂલહાર પહેરાવી, મોં મીઠું કરાવીને ઉજવણી કરવામાં આવી હતી અને વિસ્તારના વિકાસ કાર્યોને વધુ ગતિ આપવા માટે શુભેચ્છાઓ પાઠવવામાં આવી હતી. શાસનને વેગ આપવા માટે સર્વાનુમતે નીચે મુજબના સક્ષમ હોદ્દેદારોની વરણી કરવામાં આવી હતી. આ પ્રસંગે મહામંત્રી ડૉ. કરશન પટેલ. પૂર્વ પ્રમુખ ગુમાનસિંહ ચૌહાણ. મહામંત્રી ઉમેદદાન ગઢવી. સહિત ભાજપના આગેવાનો અને સબંધિત અધિકારીઓ ઉપસ્થિત રહ્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward