android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad ટ્રાફિક પોલીસ એક્શન મોડમાં: વાયરલ વીડિયોના આધારે બે કારચાલકો સામે ગુનો દાખલ
calendar_today May 23, 2026

Ahmedabad ટ્રાફિક પોલીસ એક્શન મોડમાં: વાયરલ વીડિયોના આધારે બે કારચાલકો સામે ગુનો દાખલ

અમદાવાદ શહેરમાં સોશિયલ મીડિયા પર રીલ બનાવવા માટે જાહેર રસ્તાઓ પર સ્ટંટ અને બેદરકાર ડ્રાઈવિંગ કરવાના બનાવોમાં વધારો થઈ રહ્યો છે. તાજેતરમાં શહેરમાં કેટલાક યુવકો નંબર પ્લેટ વગર કારનો કાફલો કાઢી રસ્તા પર સ્ટંટ કરતા જોવા મળ્યા હતા. આ સમગ્ર ઘટનાનો વીડિયો સોશિયલ મીડિયામાં વાયરલ થતાં ટ્રાફિક પોલીસ હરકતમાં આવી હતી. વાયરલ વીડિયોમાં યુવકો જાહેર માર્ગ પર ટ્રાફિક નિયમોની અવગણના કરતા અને જોખમી રીતે વાહન ચલાવતા જોવા મળ્યા હતા, જેના કારણે અન્ય વાહનચાલકોના જીવ પણ જોખમમાં મુકાયા હતા.વાયરલ વીડિયો આધારે પોલીસે બે કાર ડિટેઇન કરી ‘એ’ ટ્રાફિક પોલીસ સ્ટેશને વાયરલ વીડિયોના આધારે તપાસ શરૂ કરી હતી. તપાસ દરમિયાન પોલીસે બે કાર ડિટેઇન કરી કાર્યવાહી હાથ ધરી હતી. પોલીસ તપાસમાં જીત અશોકભાઈ પટેલ અને મીત રમેશભાઈ સોલંકી નામના યુવકોની સંડોવણી સામે આવી હતી. બંને યુવકો દ્વારા નંબર પ્લેટ વગર કાર ચલાવી જાહેર માર્ગ પર સ્ટંટ કરાયા હોવાનું સામે આવ્યું છે. પોલીસના જણાવ્યા મુજબ સોશિયલ મીડિયા પર લોકપ્રિયતા મેળવવા માટે યુવકો આ પ્રકારની જોખમી હરકતો કરી રહ્યા છે, જે ટ્રાફિક અને જાહેર સુરક્ષા માટે ગંભીર ખતરો બની રહી છે. મોટર વ્હીકલ એક્ટ હેઠળ કાર્યવાહી અમદાવાદ ટ્રાફિક પોલીસે બંને કાર ચાલકો સામે મોટર વ્હીકલ એક્ટની કલમ 207, 177 અને 181 હેઠળ કાર્યવાહી કરી છે. પોલીસે જણાવ્યું છે કે શહેરમાં ટ્રાફિક નિયમોનો ભંગ કરનારાઓ સામે ઝીરો ટોલરન્સની નીતિ અપનાવવામાં આવી રહી છે. જાહેર રસ્તા પર સ્ટંટબાજી, રેસિંગ અને બેદરકારીપૂર્વક વાહન ચલાવવાના બનાવોને અટકાવવા માટે હવે વધુ કડક મોનીટરીંગ કરવામાં આવશે. પોલીસે યુવાનોને સોશિયલ મીડિયા માટે જોખમી હરકતો ન કરવા પણ અપીલ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ahmedabad જિલ્લા એસપીએ 7 પોલીસ ઇન્સ્પેક્ટર (PI)ની આંતરિક બદલીના આદેશ કર્યા જાહેર
calendar_today May 23, 2026

Ahmedabad જિલ્લા એસપીએ 7 પોલીસ ઇન્સ્પેક્ટર (PI)ની આંતરિક બદલીના આદેશ કર્યા જાહેર

અમદાવાદ ગ્રામ્ય પોલીસ તંત્રમાં વહીવટી હલચલ જોવા મળી છે. જિલ્લા પોલીસ અધિક્ષક દ્વારા આંતરિક બદલીના આદેશ જારી કરવામાં આવ્યા છે. કામગીરીને વધુ અસરકારક બનાવવા અને વહીવટી વ્યવસ્થામાં સુધારો લાવવા માટે આ નિર્ણય લેવામાં આવ્યો હોવાનું જણાવાયું છે. તેમજ પોલીસ તંત્રમાં નિયમિત રીતે થતી આ પ્રકારની બદલીને રુટિન એડમિનિસ્ટ્રેટિવ પ્રક્રિયા તરીકે પણ જોવામાં આવી રહી છે.7 પોલીસ ઇન્સ્પેક્ટરની બદલી કરાઈ જિલ્લા એસપી દ્વારા કુલ 7 પોલીસ ઇન્સ્પેક્ટર (PI)ની આંતરિક બદલી કરવામાં આવી છે. આ બદલી હેઠળ વિવિધ પોલીસ સ્ટેશનોમાં ફરજ બજાવતા અધિકારીઓને નવા સ્થાને નિયુક્ત કરવામાં આવ્યા છે. તંત્રના જણાવ્યા મુજબ આ વહીવટી હલચલ કાયદો અને વ્યવસ્થા વધુ મજબૂત કરવા તેમજ કામગીરીમાં ગતિ લાવવા માટે આ બદલીઓ કરવામાં આવી છે. વહીવટી વ્યવસ્થા વધુ મજબૂત કરવાની કવાયત પોલીસ વિભાગના સૂત્રોના જણાવ્યા મુજબ, આ બદલીનો હેતુ જિલ્લાના વિવિધ વિસ્તારોમાં પોલીસ કામગીરીને વધુ સુચારુ બનાવવાનો છે. નવા સ્થળે નિયુક્ત થયેલા અધિકારીઓને તાત્કાલિક ફરજ સંભાળવા સૂચના આપવામાં આવી છે. ગ્રામ્ય વિસ્તારમાં કાયદો-વ્યવસ્થાની સ્થિતિ વધુ મજબૂત બનાવવા માટે આવા ફેરફારો મહત્વપૂર્ણ ગણવામાં આવી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Twisha Sharma Caseમાં સુપ્રીમ કોર્ટે લીધો સુઓમોટો, સોમવારે થશે મહત્વપૂર્ણ સુનાવણી
calendar_today May 23, 2026

Twisha Sharma Caseમાં સુપ્રીમ કોર્ટે લીધો સુઓમોટો, સોમવારે થશે મહત્વપૂર્ણ સુનાવણી

ટ્વીશા શર્મા મોત કેસમાં સુપ્રીમ કોર્ટે સુઓમોટો લીધી છે. આ કેસની સુનાવણી હવે સોમવારે હાથ ધરવામાં આવશે. સુપ્રીમ કોર્ટે કેસની ગંભીરતાને ધ્યાનમાં રાખીને આ નિર્ણય લીધો છે. કેસની સુનાવણી ભારતના મુખ્ય ન્યાયાધીશ સૂર્યકાંતની અધ્યક્ષતાવાળી બેન્ચ કરશે, જેમાં જસ્ટિસ જોયમાલ્યા બાગચી અને જસ્ટિસ વિપુલ એમ પંચોલી પણ સામેલ રહેશે.ગંભીર આક્ષેપોનો પણ ઉલ્લેખ કરવામાં આવ્યો સુપ્રીમ કોર્ટ રજિસ્ટ્રીએ મુખ્ય ન્યાયાધીશ સમક્ષ રજૂ કરેલા નોટમાં મીડિયા રિપોર્ટ્સ અને અન્ય પરિસ્થિતિઓના આધારે તપાસની નિષ્પક્ષતા પર પ્રશ્નો ઉઠાવવામાં આવ્યા હોવાનું જણાવાયું છે. નોંધમાં ઉલ્લેખ કરવામાં આવ્યો છે કે 33 વર્ષીય કોર્પોરેટ પ્રોફેશનલ અને પૂર્વ અભિનેત્રી ટ્વીશા શર્માનું 12 મે 2026ના રોજ ભોપાલ સ્થિત સાસરીયામાં મોત થયું હતું. પરિવારજનોએ આરોપ લગાવ્યો છે કે સાસરી પક્ષના ન્યાયિક ક્ષેત્ર સાથેના સંબંધોના કારણે તપાસ પ્રભાવિત થઈ શકે છે. નોંધમાં માનસિક હેરાનગતિ, દહેજની માગ અને સંસ્થાગત કવર-અપ જેવા ગંભીર આક્ષેપોનો પણ ઉલ્લેખ કરવામાં આવ્યો છે. સમગ્ર કેસ પર દેશભરના લોકોની નજર મૃતકાના પરિવારજનોએ કેસની સુપ્રીમ કોર્ટની દેખરેખ હેઠળ તપાસ કરવાની માગ કરી છે. આ મામલે અગાઉ હાઈકોર્ટમાં પણ અરજી કરવામાં આવી હતી. મધ્યપ્રદેશ હાઈકોર્ટે તમામ શંકાઓ દૂર કરવા માટે ટ્વીશાનો બીજો પોસ્ટમોર્ટમ કરવાની જરૂરિયાત વ્યક્ત કરી હતી. તે બાદ AIIMSના નિર્દેશકને સ્વતંત્ર નિષ્ણાતોની ટીમ બનાવી ભોપાલ જઈને બીજો પોસ્ટમોર્ટમ કરવાની સૂચના આપવામાં આવી હતી. હવે સુપ્રીમ કોર્ટ દ્વારા સત્તાવાર રીતે સુઓ મોટો અરજી નોંધાયા બાદ સમગ્ર કેસ પર દેશભરમાં નજર ટકેલી છે અને સોમવારની સુનાવણી મહત્વપૂર્ણ માનવામાં આવી રહી છે. આ પણ વાંચો : Chinaની કોલસા ખાણમાં 90 લોકોના મોત, વડાપ્રધાન મોદીએ શોક વ્યક્ત કર્યો

Read Full Story arrow_forward