વાંચો 24 મેના રોજ બનનારી મહત્વની ઘટનાઓ વિશે
ગુજરાત અને દેશભરમાં 24 મેના રોજ અનેક મહત્વની રાજકીય, સામાજિક અને ખેલજગતની ગતિવિધિઓ જોવા મળવાની છે.અમદાવાદમાં દેશના મુખ્ય 'કોમનવેલ્થ ખેલ દિવસ'ની ઉજવણી 24 મેના રોજ દેશભરમાં 8000થી વધુ સ્થળોએ કોમનવેલ્થ ખેલ દિવસ ઉજવાશે. વર્ષ 2030ના કોમનવેલ્થ ગેમ્સના યજમાન અમદાવાદમાં મુખ્ય કાર્યક્રમ યોજાશે. કેન્દ્રીય ખેલમંત્રી મનસુખ માંડવિયા ગાંધીનગર સ્પોર્ટ્સ ઓથોરીટી ઓફ ગુજરાત ખાતે એથ્લેટ્સ સાથે ખાસ મુલાકાત કરશે. આ કાર્યક્રમમાં ગુજરાતના નાયબ મુખ્યમંત્રી હર્ષ સંઘવી પણ ઉપસ્થિત રહેશે. સુરતમાં 'જમનાબા વિદ્યાર્થી ભવન'નું લોકાર્પણ અને સરદાર પટેલની ભવ્ય પ્રતિમાનું અનાવરણ સુરતના વાલક પાટીયા પાસે સુરત સૌરાષ્ટ્ર પાટીદાર સેવા સમાજ દ્વારા નિર્મિત જમનાબા વિદ્યાર્થી ભવનનું 24 મેના રોજ સાંજે 5 વાગ્યે મુખ્યમંત્રી ભૂપેન્દ્ર પટેલના હસ્તે લોકાર્પણ થશે. પરિસરમાં 31 ફૂટ ઊંચી અને 9 ટન વજનની ભારત રત્ન સરદાર વલ્લભભાઈ પટેલની કાંસ્ય પ્રતિમાનું અનાવરણ નાયબ મુખ્યમંત્રી હર્ષ સંઘવી કરશે. આ સાથે જ 54 ફૂટ ઊંચા સ્તંભ પર રાષ્ટ્રધ્વજ લહેરાવવામાં આવશે. અમદાવાદના એસ.જી. હાઇવે પર વાહનચાલકોને મોટી રાહત અમદાવાદના સૌથી વ્યસ્ત પેલેડિયમ મોલ ટ્રાફિક જંકશનને ડિઝાઇનમાં ફેરફાર કરી 24 મેની સવારથી 'કેપ્સ્યુલ મોડ' માં ખુલ્લો મુકાશે. બોટલનેક હટાવી દેવાતાં હવે વાહનચાલકોને ટ્રાફિક જામમાંથી મુક્તિ મળશે. સુરત SGCCIની ચૂંટણી SGCCI ચૂંટણી: 86 વર્ષના ઇતિહાસમાં પહેલીવાર કોર્ટ મેટર બાદ સુરત SGCCIની ઉપ-પ્રમુખ પદની ચૂંટણી 24 મેના રોજ યોજાશે. જેમાં રવિ રાજદેસાઈ અને નીતિન ભરૂચા વચ્ચે સીધો મુકાબલો છે. ધોરાજીમાં હિમાલય બારૈયાને શ્રદ્ધાંજલિ ધોરાજીમાં આંગડિયા પેઢીના વિવાદમાં જીવ ગુમાવનાર કોળી સમાજના યુવાન હિમાલય એચ. બારૈયાનો શ્રદ્ધાંજલિ કાર્યક્રમ યોજાશે. જેમાં કેબિનેટ મંત્રી કુંવરજીભાઈ બાવળિયા અને વિમલભાઈ ચુડાસમા હાજર રહેશે. રાષ્ટ્રીય અને આંતરરાષ્ટ્રીય સ્તરના મહત્વના સમાચાર માર્કો રુબિયોનો ભારત પ્રવાસ: અમેરિકાના વિદેશ મંત્રી માર્કો રુબિયોના ભારતના પ્રવાસનો બીજો દિવસ છે. તેઓ 25 મેના રોજ આગ્રા-જયપુર જશે અને 26 મેના રોજ ક્વાડ (Quad) દેશોના વિદેશમંત્રીઓની બેઠકમાં ભાગ લેશે. અમિત શાહનો કાર્યક્રમ: ગૃહમંત્રી અમિત શાહ દિલ્હીના લાલકિલ્લા મેદાનમાં 'જનજાતિ સાંસ્કૃતિક સમાગમ'ને સંબોધિત કરશે, જેમાં દેશભરમાંથી 1.5 લાખ આદિવાસીઓ ઉમટશે. રાજકીય બેઠકો: યુપી વિધાનસભા ચૂંટણી સંદર્ભે માયાવતીએ લખનૌમાં બસપાની બેઠક બોલાવી છે. જ્યારે ભાજપના રાષ્ટ્રીય અધ્યક્ષ નિતિન નવીન બેંગલુરુમાં કોર કમિટીની બેઠક સંબોધશે અને કડુ મલ્લેશ્વરા સ્વામીના દર્શન કરશે. પશ્ચિમ બંગાળ: ફાલતા વિધાનસભા પેટાચૂંટણીનું 24 મેના રોજ પરિણામ જાહેર થશે, જ્યાં 88.13 ટકા જેટલું બમ્પર મતદાન થયું હતું. IPL 2026: રવિવારના સુપર સન્ડે ધમાકા 24 મેના રોજ આઈપીએલમાં બે શાનદાર મુકાબલા રમાશે: બપોરે 3:30 વાગ્યે: મુંબઈ ઇન્ડિયન્સ વિરૂદ્ધ રાજસ્થાન રોયલ્સ (સ્થળ: મુંબઈ) સાંજે 7:30 વાગ્યે: કોલકાતા નાઈટ રાઈડર્સ વિરૂદ્ધ દિલ્હી કેપિટલ્સ (સ્થળ: કોલકાતા) આ પણ વાંચો - Surat News: કામરેજમાં પોલીસનું મોટું ઓપરેશન, 20 ફાર્મ હાઉસ પર રેડ
Read Full Story arrow_forward