Raghav Chadhaને મળ્યું મહત્વનું પદ, નિભાવશે હવે ખાસ જવાબદારી
આમ આદમી પાર્ટી છોડીને ભાજપમાં જોડાયેલા રાજ્યસભા સાંસદ રાઘવ ચઢ્ઢાને રાજ્યસભાની પિટિશન કમિટીના અધ્યક્ષ તરીકે નિમવામાં આવ્યા છે. રાજ્યસભાના અધ્યક્ષ સી.પી. રાધાકૃષ્ણને કમિટીની પુનર્ગઠન પ્રક્રિયા બાદ આ નિર્ણય અંગે સત્તાવાર સૂચના બહાર પાડી છે. કમિટીમાં 10 સભ્યોને કરાયા સામેલ સૂચના મુજબ 20 મેથી અસરકારક રીતે રાજ્યસભાની પિટિશન કમિટીને ફરીથી ગઠિત કરવામાં આવી છે. આ અંતર્ગત કુલ 10 સભ્યોને કમિટીમાં સામેલ કરવામાં આવ્યા છે અને તેમાં સ્પષ્ટ રીતે જણાવાયું છે કે રાઘવ ચઢ્ઢાને અધ્યક્ષ તરીકે નિયુક્ત કરવામાં આવ્યા છે. કમિટીના અન્ય સભ્યોમાં હર્ષ મહાજન, ગુલામ અલી, શંભુ શરણ પટેલ, મયંકકુમાર નાયક, મસ્તાન રાવ યાદવ બીધા, જે.બી. માથેર હિશામ, સુભાષિષ ખુટિયા, ર્વંગરા નારજરી અને સંતોષ કુમાર પી.નો સમાવેશ થાય છે. રાઘવ ચઢ્ઢા પહેલા આમ આદમી પાર્ટીના રાજ્યસભા સાંસદ હતા આ સાથે જ રાજ્યસભા સચિવાલયે અન્ય સૂચનામાં જણાવ્યું છે કે મેનેકા ગુરૂસ્વામીને ‘કોર્પોરેટ કાયદા (સંશોધન) બિલ, 2026’ પર બનેલી સંયુક્ત સમિતિમાં સભ્ય તરીકે નિમવામાં આવ્યા છે. તે જ રીતે લોકસભા સચિવાલયે અલગ સૂચના જાહેર કરીને જણાવ્યું કે લોકસભા અધ્યક્ષ અરવિંદ સાવંતને પણ આ સંયુક્ત સમિતિમાં સામેલ કર્યા છે. ઉલ્લેખનીય છે કે રાઘવ ચઢ્ઢા પહેલા આમ આદમી પાર્ટીના રાજ્યસભા સાંસદ હતા, પરંતુ બાદમાં તેઓ ભાજપમાં જોડાયા હતા. તેમણે અગાઉ જણાવ્યું હતું કે પાર્ટીની નીતિઓ અને સિદ્ધાંતોમાં બદલાવ આવતા તેમણે આ નિર્ણય લીધો હતો અને હવે તેઓ રાષ્ટ્રીય હિતને ધ્યાનમાં રાખીને આગળ વધી રહ્યા છે. આ પણ વાંચો : Marco Rubio દિલ્હીની ગરમીથી થયા પરેશાન, જાણો સમય પુછીને શું કહ્યું?
Read Full Story arrow_forward