android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live: અમદાવાદ-મુંબઈ બુલેટ ટ્રેન પ્રોજેક્ટ: સાવલી શાફ્ટમાં 350 ટનના 'મેગા કટરહેડ'નું સફળ લેન્ડિંગ
calendar_today May 23, 2026

Gujarat Latest News Live: અમદાવાદ-મુંબઈ બુલેટ ટ્રેન પ્રોજેક્ટ: સાવલી શાફ્ટમાં 350 ટનના 'મેગા કટરહેડ'નું સફળ લેન્ડિંગ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 23 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Bhavya Scheme : રોજગાર અને મેન્યુફેક્ચરિંગને મળશે બુસ્ટર ડોઝ, કેન્દ્ર સરકારે લોન્ચ કરી 100 ઈન્ડસ્ટ્રીયલ પાર્ક વાળી 'ભવ્ય' યોજના
calendar_today May 23, 2026

Bhavya Scheme : રોજગાર અને મેન્યુફેક્ચરિંગને મળશે બુસ્ટર ડોઝ, કેન્દ્ર સરકારે લોન્ચ કરી 100 ઈન્ડસ્ટ્રીયલ પાર્ક વાળી 'ભવ્ય' યોજના

કેન્દ્રીય વાણિજ્ય મંત્રી પિયુષ ગોયલે શનિવારે ‘ભારત ઔદ્યોગિક વિકાસ યોજના’ (Bharat Industrial Development Scheme) માટે માર્ગદર્શિકા જાહેર કરવાની જાહેરાત કરી છે. આ યોજનાના અંતર્ગત કેન્દ્ર સરકાર દેશભરમાં 100 ઈન્ડસ્ટ્રિયલ પાર્ક સ્થાપવાની યોજના બનાવી રહી છે. મંત્રીના જણાવ્યા મુજબ આ યોજનાનું કુલ બજેટ 33,660 કરોડ રૂપિયા છે. તેનો મુખ્ય હેતુ રાજ્ય સરકારો સાથે મળીને પ્લગ-એન્ડ-પ્લે મોડલ પર આધારીત ઔદ્યોગિક પાર્ક વિકસાવવાનો છે, જેથી દેશમાં મેન્યુફેક્ચરિંગ અને રોકાણના નવા હબ ઉભા થઈ શકે. ઈઝ ઓફ ડૂઈંગ બિઝનેસને વધુ મજબૂત બનાવશે પીયૂષ ગોયલે જણાવ્યું કે આ યોજના ઈઝ ઓફ ડૂઈંગ બિઝનેસને વધુ મજબૂત બનાવશે અને રોકાણ માટે અનુકૂળ માહોલ તૈયાર કરશે. તેમણે ઉમેર્યું કે કેન્દ્ર સરકારને આશા છે કે રાજ્ય સરકારો પણ ઉદ્યોગોને પ્રોત્સાહન આપવા માટે સકારાત્મક વાતાવરણ ઉભું કરશે. આ યોજના અમલીકરણ તબક્કાવાર રીતે કરવામાં આવશે. પ્રથમ તબક્કામાં 20 ઈન્ડસ્ટ્રીયલ પાર્ક વિકસાવવામાં આવશે. ત્યારબાદ આગામી બે મહિનામાં વધુ 30 પાર્ક શરૂ કરવામાં આવશે. આ રીતે આગળના તબક્કામાં સમગ્ર દેશમાં 100 ઈન્ડસ્ટ્રીયલ પાર્ક તૈયાર કરવાનો લક્ષ્યાંક રાખવામાં આવ્યો છે. કેન્દ્ર સરકારે આપી મંજૂરી કેન્દ્ર સરકારે અગાઉ જ આ યોજનાને મંજૂરી આપી દીધી હતી અને હવે તેની માર્ગદર્શિકા જાહેર થતાં તેને અમલીકરણ તરફ મોટું પગલું ગણવામાં આવી રહ્યું છે. આ યોજનાથી રોજગારી સર્જન અને ઔદ્યોગિક વિકાસને નવી ગતિ મળશે તેવી અપેક્ષા વ્યક્ત કરવામાં આવી રહી છે. આ પણ વાંચો : West Bengal : જુલાઈથી શરૂ થશે આયુષ્યમાન ભારત કાર્ડ યોજના, મુખ્યપ્રધાન શુભેન્દુ અધિકારીએ કરી જાહેરાત  

Read Full Story arrow_forward
Vadodara News: સાવલી-મુવાલ રોડ પર ટ્રક અને રિક્ષા વચ્ચે અકસ્માત, એકનું મોત
calendar_today May 23, 2026

Vadodara News: સાવલી-મુવાલ રોડ પર ટ્રક અને રિક્ષા વચ્ચે અકસ્માત, એકનું મોત

વડોદરા જિલ્લાના સાવલી પંથકમાં ઓવર સ્પીડિંગ અને બેદરકારીના કારણે વધુ એક જીવલેણ અકસ્માત સર્જાયો છે. સાવલી-મુવાલ રોડ પર બપોરના સમયે એક પેસેન્જર રિક્ષા અને પુરપાટ ઝડપે આવી રહેલી ટ્રક વચ્ચે જોરદાર ટક્કર થઈ હતી. આ ગમખ્વાર અકસ્માતમાં રિક્ષાનો કચ્ચરઘાણ વળી ગયો હતો અને એક વ્યક્તિનું ઘટના સ્થળે જ કરુણ મોત નીપજ્યું હતું. જ્યારે રિક્ષામાં સવાર અન્ય ત્રણ મુસાફરો ગંભીર રીતે ઇજાગ્રસ્ત થયા છે.બેઠક મંદિર પાસે કાળ ધસી આવ્યો ઘટનાની મળતી માહિતી અનુસાર, મુસાફરોને લઈને જઈ રહેલી એક ઓટો રિક્ષા જ્યારે સાવલી-મુવાલ રોડ પર આવેલા પ્રસિદ્ધ બેઠક મંદિર પાસેથી પસાર થઈ રહી હતી, ત્યારે સામેથી આવતી એક બેફામ ટ્રકે રિક્ષાને જોરદાર ટક્કર મારી હતી. અકસ્માત એટલો ભયાનક હતો કે, રિક્ષા પલટી મારી ગઈ હતી અને તેમાં બેઠેલા મુસાફરો લોહીલુહાણ હાલતમાં ચીસાચીસ કરવા લાગ્યા હતા. અકસ્માતને પગલે આસપાસના સ્થાનિક લોકો અને વાહનચાલકો તાત્કાલિક બચાવ કામગીરી માટે દોડી આવ્યા હતા. ઇજાગ્રસ્તોને સાવલી સરકારી હોસ્પિટલ ખસેડાયા આ દુર્ઘટનામાં ગંભીર ઇજાઓ થવાના કારણે એક વ્યક્તિએ ઘટના સ્થળે જ દમ તોડી દીધો હતો. જ્યારે અન્ય ત્રણ લોકો ભારે લોહીલુહાણ અને અર્ધબેભાન અવસ્થામાં મળી આવ્યા હતા. સ્થાનિકોએ 108 એમ્બ્યુલન્સને જાણ કરતા તમામ ઇજાગ્રસ્તોને તાત્કાલિક સારવાર માટે સાવલીની સરકારી હોસ્પિટલ ખાતે ખસેડવામાં આવ્યા છે, જ્યાં તેમની સ્થિતિ નાજુક હોવાનું જાણવા મળી રહ્યું છે. હાઈવે પર કલાકો સુધી ટ્રાફિક જામ, પોલીસ ઘટના સ્થળે અકસ્માતની જાણ થતાં જ સાવલી પોલીસનો કાફલો ઘટના સ્થળે પહોંચી ગયો હતો. હાઈવેની અધવચ્ચે જ અકસ્માત સર્જાયો હોવાના કારણે રોડની બંને બાજુ વાહનોની લાંબી લાઈનો લાગી ગઈ હતી અને ટ્રાફિક જામના દ્રશ્યો સર્જાયા હતા. પોલીસે ક્રેનની મદદથી અકસ્માતગ્રસ્ત વાહનોને સાઈડમાં કરાવીને વાહનવ્યવહાર પૂર્વવત કરાવ્યો હતો. પોલીસે મૃતકના શવને પોસ્ટ મોર્ટમ માટે મોકલી આપી અકસ્માત અંગે ગુનો નોંધી વધુ તપાસ હાથ ધરી છે. આ પણ વાંચો - Vadodara: શ્વાન કરતાં બિલાડી કરડવાના કેસોમાં તોતિંગ ઉછાળો, 4 મહિનામાં 4 હજારથી વધુ કેસ નોંધાયા

Read Full Story arrow_forward