Ahmedabad : ઘીકાંટા કોર્ટ પરિસરમાં વકીલે અસીલને ગડદાપાટુનો માર માર્યો, વીડિયો વાયરલ
અમદાવાદની ઐતિહાસિક ઘીકાંટા કોર્ટ પરિસરમાંથી એક શરમજનક અને ચોંકાવનારી ઘટના સામે આવી છે. કોર્ટ કેમ્પસમાં જ એક વકીલે પોતાના જ અસીલ પર સરાજાહેર હિંસક હુમલો કરી દીધો હોવાનો કિસ્સો પ્રકાશમાં આવ્યો છે. કોર્ટ રૂમની બહાર કાયદાના રક્ષક ગણાતા વકીલે કાયદો હાથમાં લઈને અસીલને બેરહેમીથી માર માર્યો હતો. આ સમગ્ર મારામારીનો એક લાઈવ વીડિયો સોશિયલ મીડિયા પર વાયરલ થતાં કાયદાકીય આલમ અને સ્થાનિક લોકોમાં ભારે ચર્ચા જાગી છે.મેટ્રોપોલિટન કોર્ટના રૂમ નંબર 2 ની બહાર મારામારી મળતી વિગતો મુજબ, આ હિંસક ઘટના ઘીકાંટા મેટ્રોપોલિટન કોર્ટના રૂમ નંબર 2 ની બહાર ઘટી હતી જ્યાં વકીલે પોતાના અસીલ સાથે જાહેરમાં ઉગ્ર બોલાચાલી શરૂ કરી હતી. ઝઘડાનું મુખ્ય કારણ એ હતું કે અસીલે પોતાનો કેસ આ વકીલ પાસેથી લઈને બીજા વકીલને સોંપવાની તૈયારી કરી હતી. તું મારો કેસ બીજા વકીલને કેમ આપે છે? તું મારો કેસ બીજા વકીલને કેમ આપે છે? તેમ કહીને વકીલ ઉશ્કેરાઈ ગયા હતા. ગુસ્સા પર કાબૂ ગુમાવીને તેમણે કોર્ટ પરિસરમાં જ અસીલ પર હુમલો કરી દીધો હતો અને તેને ગડદાપાટુનો માર માર્યો હતો વીડિયો 15 એપ્રિલનો હોવાનો ખુલાસો આસપાસ ઊભેલા અન્ય વકીલો અને મુલાકાતીઓ આ દ્રશ્ય જોઈને સ્તબ્ધ થઈ ગયા હતા. ઘટના દરમિયાન ત્યાં હાજર કોઈ વ્યક્તિએ પોતાના મોબાઈલ કેમેરામાં આ સમગ્ર મારામારી કેદ કરી લીધી હતી, જે હવે વાયરલ થઈ રહી છે. પ્રાથમિક તપાસ અને સૂત્રો પાસેથી મળતી માહિતી મુજબ, આ વાયરલ વીડિયો 15 એપ્રિલનો હોવાનો ખુલાસો થયો છે. જો કે, વીડિયો અત્યારે સોશિયલ મીડિયા પર જોરદાર વાયરલ થઈ રહ્યો છે. આ પણ વાંચો---- Cockroach Janta Partyના સ્થાપકનું ઇન્સ્ટાગ્રામ અકાઉન્ટ હેક, ભારતમાં X હેન્ડલ પણ બંધ
Read Full Story arrow_forward