Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Dholka: કિર્તન એપાર્ટમેન્ટમાં ફાયર સેફ્ટી મુદ્દે તંત્રની નોટિસ

ધોળકાના કલિકુંડ રોડ પર સરસ્વતી સ્કૂલ પાછળ આવેલા કિર્તન એપાર્ટમેન્ટને લઈને ગુજરાત સ્ટેટ ફાયર પ્રિવેન્શન સર્વિસીસ, અમદાવાદ રિજિનલ ફાયર ઓફ્સિ દ્વારા તા. 8મીએ નોટિસ ફ્ટકારવામાં આવી છે. મિલકતની પ્રાથમિક ચકાસણી દરમિયાન ફાયર સેફ્ટી સર્ટિફ્કિેટ લેવામાં આવ્યું ન હોવાનું સામે આવતા તંત્ર દ્વારા નોટિસ અપાઈ છે.તંત્રની નોટિસમાં વધુમાં જણાવ્યા મુજબ, ફાયર સેફ્ટીની જરૂરી વ્યવસ્થા અને પ્રમાણપત્ર વિના મિલકતનો ઉપયોગ જાહેર જનતા માટે જોખમકારક બની શકે છે. જેને પગલે અગ્નિ નિવારણ અને જીવન સુરક્ષા અધિનિયમ-2013ની કલમ-6ની પેટા કલમ-3 હેઠળની સત્તાનો ઉપયોગ કરી મિલકતના વહીવટકર્તાને જરૂરી કાર્યવાહી કરવા તાકીદ કરવામાં આવી છે. આ ઉપરાંત નોટિસમાં કીર્તન એપાર્ટમેન્ટમાં ફાયર સેફ્ટીના જરૂરી સાધનો લગાવવા તેમજ ફાયર સેફ્ટી સર્ટિફ્કિેટ મેળવવા સ્પષ્ટ સૂચના આપવામાં આવી છે. એટલું જ નહીં નિયત સમયમર્યાદામાં જરૂરી પુરાવા રજૂ કરવામાં નહીં આવે તો અગ્નિ નિવારણ અને જીવન સુરક્ષા ઉપાય વિષયક અધિનિયમ-2013, નિયમો-2014 તથા વિનિયમો-2023 અન્વયે કાયદેસરની કાર્યવાહી કરવામાં આવશેની ચીમકી પણ વધુમાં અપાઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Surendranagar: લીંબડી હાઈવે પરની હોટેલના મેદાનમાં કેમીકલ ચોરીના કરતૂતને પોલીસે ઝડપ્યું

લીંબડી-અમદાવાદ હાઈવે પર કટારીયા ગામના ટોલનાકા નજીક આવેલ યુપી બીહાર ઢાબા હોટલના મેદાનમાં ટેન્કરમાંથી કેમીકલ ચોરીની બાતમી મળતા રાજકોટ રેન્જની ટીમે રેડ કરી હતી. જેમાં ટેન્કરના ચાલક સહિત 2 શખ્સોને રૂપીયા 45.29 લાખની મત્તા સાથે ઝડપી લેવાયા છે. રાજકોટ રેન્જની ટીમના યોગેન્દ્રસિંહ ચુડાસમા, ધર્મેન્દ્રસિંહ વાઘેલા, અજયવીરસિંહ ઝાલા, હીતેશભાઈ જોગરાણા સહિતનાઓને સુરેન્દ્રનગર જિલ્લાના લીંબડી હાઈવે પર પેટ્રોલીંગ દરમીયાન લીંબડીના કટારીયા ગામના ટોલનાકા નજીક આવેલ યુપી બીહાર ઢાબા હોટલના મેદાનમાં કેમીકલ ચોરીની બાતમી મળતા રેડ કરાઈ હતી. જેમાં હોટલન મેદાનમાં ઉભેલ ટેન્કરમાંથી પીપીમાં નોઝલ વાટે ઓઈલ ભરવામાં આવતુ હતુ. પોલીસે ટેન્કરના ચાલક રાજસ્થાનના માજીદ વાહીદ અલીની પુછપરછ કરતા આ ટેન્કરમાં બેન્જીન નામનું કેમીકલ ભરેલ છે. જે જામનગર રીલાયન્સમાંથી ભરીને ભરૂચ લઈ જતો હતો. ત્યારે ઈકલાખખાન નામના શખ્સે આ હોટલમાં એક 20 લીટરના કેરબામાં કેમીકલના રૂપીયા 1 હજાર મળતા હોવાનું જણાવ્યુ હતુ. જયારે દરોડાના સ્થળે હાજર લીંબડી તાલુકાના અંકેવાળીયાના સાહીલ ફીરોઝભાઈ મુલતાનીની પુછપરછ કરતા હોટલના ભાગીદાર ચુડાના જયરાજસિંહ ભુપતસિંહ રાઠોડ અને જયવીર કાઠીના કહેવાથી તેઓ આ કેમીકલ કાઢતા હતા. પોલીસે કેમીકલ સાથેના ટેન્કર સહિત બન્નેને રૂપીયા 45,29,447ના મુદ્દામાલ સાથે ઝડપી લઈ પાણશીણા પોલીસ મથકે 5 આરોપીઓ સામે ફરિયાદ નોંધાવી છે. અન્ય આરોપીઓને ઝડપી લેવા વધુ તપાસ પીએસઆઈ વી.એમ.કોડીયાતર ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Surendranagar: નાસીકથી રાજકોટ કન્ટેનરમાં જતો દારૂ લીંબડી હાઈવે પરથી પકડાયો

બગોદરા - લીંબડી હાઈવે પરથી દારૂ ભરેલ કન્ટેનર પસાર થનાર હોવાની બાતમી મળતા સુરેન્દ્રનગર જિલ્લા એલસીબી શાખાના સ્ટાફની ટીમે વોચ રાખી હતી. જેમાં રાજસ્થાનના શખ્સને મહારાષ્ટ્રના નાસીકથી દારૂ લઈ રાજકોટ જતા ઝડપી લેવાયો છે. પોલીસે કુલ રૂપીયા 1.26 કરોડનો મુદ્દામાલ જપ્ત કરી ફરિયાદ નોંધી વધુ તપાસ હાથ ધરી છે.સુરેન્દ્રનગર એલસીબી ટીમને લીંબડી હાઈવે પર રાત્રી પેટ્રોલિંગ દરમિયાન બગોદરાથી રાજકોટ તરફ વિદેશી દારૂ ભરેલ કન્ટેનર જતુ હોવાની બાતમી મળતા રાસ્કા-બોડીયા ગામના પુલ પાસે વોચ રાખી હતી. જેમાં બાતમીવાળુ કન્ટેનર આવતા તેમાં તપાસ કરાતા દારૂ મળી આવ્યો હતો. આથી પોલીસે ચાલક રાજસ્થાનના ઝુંઝારામ રીડમલરામ ગોદારાની પુછપરછ કરતા તે નાસીક શાકભાજીનું વાહન લઈને જતો હતો. ત્યારે નાસીક શનીમંદિર પાસે ટ્રાન્સપોર્ટની ઓફીસમાં નોકરી કરતા રમેશકુમારે કન્ટેનરમાં ડ્રાઈવીંગ કરવાની ઓફર કરી હતી. આથી બાદમાં રમેશકુમારનો સંપર્ક કરતા તેણે મુંદ્રા જઈ કન્ટેનર લઈ નાસીક આવવાનું કહ્યુ હતુ. આ કન્ટેનર લઈ ઝુંઝારામ નાસીક જતા રમેશકુમારે તેને લઈ જઈ તેમાં દારૂ ભરી આપ્યો હતો. અને રાજકોટ લઈ જવાનું કહ્યુ હતુ. જેમાં પગારના રૂ. 30 હજાર ઉપરાંત વધારાના પૈસા આપવાની વાત કરી હતી. અને રાજકોટ પહોંચે તે પહેલા ફોન કરી તે જણાવે તેને દારૂ આપવાનો હતો. જયારે કન્ટેનરમાં ખોટી નંબર પ્લેટ લગાવાઈ હોવાનું પણ સામે આવ્યુ હતુ. પોલીસે દારૂની નાની મોટી 31,452 બોટલ, ટ્રક, મોબાઈલ સહિત રૂપિયા 1,26,13,980નો મુદ્દામાલ જપ્ત કરી ઝુંઝારામ, દારૂ મોકલનાર રમેશકુમાર, દારૂ મંગાવનાર, કન્ટેનર ટ્રકનો માલીક, દારૂ મંગાવનાર સામે લીંબડી પોલીસ મથકે ગુનો નોંધ્યો છે. અન્ય આરોપીઓને ઝડપી લેવા વધુ તપાસ પીએસઆઈ કે.ડી.જાદવ ચલાવી રહ્યા છે. જયારે ચોટીલાના નાની મોલડી ગામે ભુપત દાદભાઈ ખાચરના રહેણાક મકાનના ઢાળીયામાંથી પોલીસે રૂપીયા 12,218ની કિંમતની દારૂની 12 બોટલ કબજે કરી છે. આ અંગે ફરિયાદ નોંધી આરોપીને ઝડપી લેવા વધુ તપાસ એચસી કે.એમ.મકવાણા ચલાવી રહ્યા છે. બીજી તરફ નાની મોલડીના જ હરેશ દાદભાઈ ખાચરના ઘરે ફુલછોડના કયારામાંથી છુપાવેલ દારૂની 46 બોટલો કિંમત રૂપીયા 39,828ની જપ્ત કરાઈ છે. હાજર ન મળી આવનાર આરોપીને ઝડપી લેવા વધુ તપાસ ચોટીલા પોલીસ ચલાવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward