android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabadના માંડલમાં સ્ક્રેપ વાડામાં લાગી ભીષણ આગ, લાખોનું નુકસાન થવાની આશંકા
calendar_today May 22, 2026

Ahmedabadના માંડલમાં સ્ક્રેપ વાડામાં લાગી ભીષણ આગ, લાખોનું નુકસાન થવાની આશંકા

અમદાવાદ જિલ્લાના માંડલ તાલુકાના હાંસલપુર ગામ નજીક નાયરા પેટ્રોલપંપથી ટી.પી. રોડ તરફ જતાં માર્ગ પર આવેલા સ્ક્રેપ ભરેલા વાડામાં ભીષણ આગ લાગવાની ઘટના સામે આવી છે. આગ લાગતા જ સમગ્ર વિસ્તારમાં અફરાતફરીનો માહોલ સર્જાયો હતો. કાર મેટ, રબર અને ફોમ જેવા જ્વલનશીલ સામગ્રીના કારણે આગે થોડા જ સમયમાં વિકરાળ સ્વરૂપ ધારણ કરી લીધું હતું.કાળા ધુમાડાના ગોટેગોટા દૂર સુધી દેખાયા આગ વધતા આકાશમાં કાળા ધુમાડાના ગોટેગોટા દૂર દૂર સુધી જોવા મળ્યા હતા, જેના કારણે આસપાસના વિસ્તારોમાંથી લોકો ઘટનાસ્થળે દોડી આવ્યા હતા. સ્થાનિકોના જણાવ્યા મુજબ આગ એટલી ભયંકર હતી કે નજીક જવું પણ મુશ્કેલ બની ગયું હતું. શરૂઆતમાં ફાયર ટીમની હાજરી ન હોવાથી લોકોએ પોતે પાણીનો મારો ચલાવી આગ કાબૂમાં લેવા પ્રયાસ કર્યો હતો, પરંતુ આગ વધુ વિકરાળ બની ગઈ હતી. ફાયર વિભાગે જહેમત બાદ આગ કાબૂમાં લીધી ઘટનાની જાણ થતા ફાયર વિભાગની ટીમ સ્થળ પર પહોંચી હતી અને ભારે જહેમત બાદ આગ પર કાબૂ મેળવવામાં સફળતા મળી હતી. લાંબા સમય સુધી પાણીનો સતત મારો ચલાવી અંતે આગ શાંત પાડવામાં આવી હતી. આગમાં ઓટો કારના મટિરિયલ, રબર અને ફોમ સહિતનો મોટો જથ્થો બળી ગયો હોવાનું સામે આવ્યું છે. પ્રાથમિક અંદાજ મુજબ લાખો રૂપિયાના નુકસાનની આશંકા વ્યક્ત કરવામાં આવી રહી છે. આગ લાગવાનું ચોક્કસ કારણ હજુ સુધી જાણવા મળ્યું નથી અને તપાસ ચાલુ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Unaના ભડીયાદર ગામે દીપડાની દહેશત: 2 દિવસમાં દીપડાનો આ બીજો હુમલો!
calendar_today May 22, 2026

Unaના ભડીયાદર ગામે દીપડાની દહેશત: 2 દિવસમાં દીપડાનો આ બીજો હુમલો!

ગીર સોમનાથ જિલ્લાના ઉના તાલુકાના ભડીયાદર ગામમાં દીપડાના હુમલાની ઘટના સામે આવી છે. ગામના ફળિયામાં યુવક અલ્પેશભાઈ ડાંગોદરા પોતાના ઘરના બાથરૂમમાંથી બહાર નીકળતા જ દીપડાએ અચાનક હુમલો કર્યો હતો. આ ઘટનાથી સમગ્ર વિસ્તારમાં ભયનો માહોલ સર્જાયો હતો અને લોકોમાં દહેશત ફેલાઈ ગઈ હતી.ગળા અને છાતીના ભાગે ગંભીર ઈજા દીપડાના હુમલામાં યુવકને ગળા અને છાતીના ભાગે ગંભીર ઈજાઓ પહોંચી છે. તાત્કાલિક તેને સારવાર માટે સરકારી હોસ્પિટલમાં ખસેડવામાં આવ્યો હતો. માહિતી મુજબ છેલ્લા બે દિવસમાં આ જ યુવક પર દીપડાનો આ બીજો હુમલો હોવાનું સામે આવ્યું છે, જેના કારણે ગ્રામજનોમાં વધુ રોષ અને ભય જોવા મળી રહ્યો છે. ગ્રામજનોએ દીપડાને પાંજરે પૂરવાની માગ કરી ઘટનાની જાણ થતા વન વિભાગની ટીમ હોસ્પિટલ પહોંચી હતી અને પરિસ્થિતિનો અંદાજ લીધો હતો. બીજી તરફ ગ્રામજનોએ દીપડાને ઝડપીને પાંજરે પૂરવા માટે તાત્કાલિક કાર્યવાહી કરવાની માંગ કરી છે. સતત થતા હુમલાઓને કારણે ગામમાં સુરક્ષાનો પ્રશ્ન ઉભો થયો છે અને લોકોમાં ચિંતાનો માહોલ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
વાંચો 23 મેના રોજ બનનારી મહત્વની ઘટનાઓ વિશે
calendar_today May 22, 2026

વાંચો 23 મેના રોજ બનનારી મહત્વની ઘટનાઓ વિશે

23 મે 2026ના રોજ દેશ અને ગુજરાતમાં અનેક મોટી રાજકીય, પ્રશાસનિક અને ધાર્મિક ઘટનાઓ આકાર લેવા જઈ રહી છે. વડાપ્રધાન નરેન્દ્ર મોદી 19મા રોજગાર મેળા અંતર્ગત દેશના 51,000થી વધુ યુવાનોને વર્ચ્યુઅલ માધ્યમથી નિયુક્તિ પત્રો એનાયત કરશે. બીજી તરફ, વૈશ્વિક સ્તરે ભારતની ભાગીદારી મજબૂત કરવા અમેરિકાના વિદેશ મંત્રી માર્કો રુબિયો ચાર દિવસીય ભારતના પ્રવાસે આવી રહ્યા છે, જેઓ ક્વોડ (Quad) દેશોના વિદેશ મંત્રીઓની બેઠકમાં પણ ભાગ લેશે.સ્થાનિક સ્તરે વાત કરીએ તો, ગુજરાતના ખેડા, ભરૂચ, બોટાદ અને બનાસકાંઠા (વાવ-થરાદ) જિલ્લામાં સ્થાનિક સ્વરાજ્યની સંસ્થાઓના પ્રમુખ અને ઉપપ્રમુખની ચૂંટણીઓ યોજાનાર હોવાથી પ્રાદેશિક રાજકારણમાં ભારે ગરમાવો જોવા મળી રહ્યો છે. આ ઉપરાંત, ઉત્તરાખંડમાં હેમકુંડ સાહિબ ધામના કપાટ પણ આવતીકાલથી શ્રદ્ધાળુઓ માટે ખોલવામાં આવશે. PM મોદી 51,000 યુવાનોને આપશે રોજગારની ભેટ, અમેરિકી વિદેશ મંત્રી માર્કો રુબિયો ભારત પ્રવાસે દેશમાં રોજગાર સર્જનને સર્વોચ્ચ અગ્રતા આપવાના ભાગરૂપે વડાપ્રધાન નરેન્દ્ર મોદી 23 મે સવારે 11 વાગ્યે વીડિયો કોન્ફરન્સિંગના માધ્યમથી 19મા રોજગાર મેળાનું ઉદ્ઘાટન કરશે. આ અંતર્ગત કેન્દ્ર સરકારના વિવિધ વિભાગો અને મંત્રાલયોમાં પસંદગી પામેલા 51,000થી વધુ નવયુવાનોને નિમણૂક પત્રો સોંપવામાં આવશે. આ કાર્યક્રમ દેશભરમાં 49 નિર્ધારિત સ્થળોએ આયોજિત કરાશે, જ્યાં કેન્દ્રીય મંત્રીઓ પણ ઉપસ્થિત રહેશે. અમેરિકાના વિદેશ મંત્રી માર્કો રુબિયો ભારત મુલાકાતે આંતરરાષ્ટ્રીય મોરચે, અમેરિકાના વિદેશ મંત્રી તરીકેનો પદભાર સંભાળ્યા બાદ માર્કો રુબિયો તેમની પ્રથમ સત્તાવાર 4 દિવસીય ભારત મુલાકાતે આવી રહ્યા છે. 23 થી 26 મે દરમિયાન તેઓ કોલકાતા, આગ્રા, જયપુર અને નવી દિલ્હીની મુલાકાત લેશે. નવી દિલ્હીમાં તેઓ ભારત, અમેરિકા, જાપાન અને ઓસ્ટ્રેલિયાના વિદેશ મંત્રીઓની 'ક્વોડ' બેઠકમાં ભાગ લેશે, જેમાં સંરક્ષણ, વેપાર, ઉર્જા સુરક્ષા અને ઇન્ડો-પેસિફિક ક્ષેત્રની વ્યૂહરચના જેવા મહત્વના મુદ્દાઓ પર દ્વિપક્ષીય ચર્ચા કરવામાં આવશે. ગુજરાતના રાજકારણમાં ગરમાવો: 4 જિલ્લામાં પ્રમુખ-ઉપપ્રમુખની ચૂંટણી ગુજરાતમાં સ્થાનિક પ્રશાસન સ્તરે 23 મેનો દિવસ નિર્ણાયક સાબિત થશે. ખેડા જિલ્લાની 9 તાલુકા પંચાયતોના પ્રમુખ અને ઉપપ્રમુખ સહિતના હોદ્દેદારોની ચૂંટણી યોજાશે. આ ઉપરાંત ભરૂચ જિલ્લા પંચાયત અને બોટાદ જિલ્લા પંચાયતના પ્રમુખ-ઉપપ્રમુખની ચૂંટણી માટે ખાસ બેઠકો બોલાવવામાં આવી છે. બનાસકાંઠાના વાવ અને થરાદ વિસ્તારની જિલ્લા પંચાયતની બેઠકો પર પણ આવતીકાલે નવા હોદ્દેદારોની વરણી માટે મતદાન અને પ્રક્રિયા હાથ ધરાશે, જેને પગલે પ્રાદેશિક રાજકીય પક્ષોમાં જોરદાર ખેંચતાણ શરૂ થઈ ગઈ છે. અન્ય મહત્વના રાષ્ટ્રીય સમાચાર મુખ્ય ચૂંટણી કમિશનરનો પ્રવાસ: ભારતના મુખ્ય ચૂંટણી કમિશનર જ્ઞાનેશ કુમાર બે દિવસીય ઉત્તરાખંડના પ્રવાસે છે. તેઓ 23 અને 24 મે દરમિયાન ઉત્તરકાશી જિલ્લામાં આગામી ચૂંટણીઓની તૈયારીઓ અને સીઆર (SIR) સંબંધિત કામગીરીની સમીક્ષા બેઠક યોજશે. રાહુલ ગાંધીનો રાજસ્થાન પ્રવાસ: લોકસભામાં વિરોધ પક્ષના નેતા રાહુલ ગાંધી 23 મેથી રાજસ્થાનના પ્રવાસે જશે. તેઓ પુષ્કરમાં આયોજિત 10 દિવસીય તાલીમ શિબિરમાં 50 જિલ્લાના કોંગ્રેસ પ્રમુખોને સંગઠન મજબૂત કરવાના ગુરુમંત્ર આપશે. હેમકુંડ સાહિબના કપાટ ખુલશે: શીખોના પવિત્ર તીર્થધામ હેમકુંડ સાહિબના કપાટ 23 મેના રોજ સવારે શ્રદ્ધાળુઓ માટે ખોલી દેવામાં આવશે. યાત્રા માટેનો પ્રથમ જથ્થો ઋષિકેશથી રવાના થઈ ચૂક્યો છે. સંરક્ષણ મંત્રી દ્વારા ફેક્ટરીનું ઉદ્ઘાટન: દેશના સંરક્ષણ મંત્રી રાજનાથ સિંહ 23 મેના રોજ શિરડી ખાતે નવા સંરક્ષણ કારખાનાનું (ડિફેન્સ ફેક્ટરી) લોકાર્પણ કરશે, જે આત્મનિર્ભર ભારત અભિયાનને વધુ વેગ આપશે. આ પણ વાંચો - IPL 2026: પૂર્વ ભારતીય દિગ્ગજની મોટી ભવિષ્યવાણી! ફાઇનલમાં પ્રવેશ કરશે RCB

Read Full Story arrow_forward