Rajkot News: જસદણમાં કાળઝાળ ગરમીનો પ્રકોપ; મુંબઈથી આવેલા 66 વર્ષીય વૃદ્ધનું હીટવેવથી કરુણ મોત
રાજકોટ જિલ્લાના જસદણ તાલુકામાં હીટવેવના કારણે એક વૃદ્ધના મોતનો બનાવ સામે આવ્યો છે. મુંબઈથી દર્શનાર્થે આવેલા 66 વર્ષીય બિંદુ કુમાર ધીરજલાલ થોસીયા કોઠી ગામ વિસ્તારમાં બપોરના સમયે રસ્તા પર ચાલતા હતા ત્યારે અચાનક બેભાન થઈ ગયા હતા. વિસ્તારમાં ભારે ગરમી અને ઊંચા તાપમાનને કારણે તેઓની તબિયત લથડ્યાની માહિતી સામે આવી છે.સ્થાનિકોએ હોસ્પિટલ ખસેડ્યા, સારવાર દરમિયાન મોત વૃદ્ધ બેભાન થતા સ્થાનિક લોકો તાત્કાલિક મદદ માટે દોડી આવ્યા હતા. બાદમાં તેમને સારવાર માટે સરકારી હોસ્પિટલ ખસેડવામાં આવ્યા હતા. જોકે સારવાર દરમિયાન તેમનું મોત નિપજ્યું હતું. ઘટનાને પગલે વિસ્તારમાં પણ ચિંતા વ્યક્ત કરવામાં આવી રહી છે, કારણ કે છેલ્લા કેટલાક દિવસોથી સૌરાષ્ટ્ર વિસ્તારમાં ભારે ગરમીનો પ્રકોપ જોવા મળી રહ્યો છે. મૃતદેહ રાજકોટ સિવિલ હોસ્પિટલ ખસેડાયો મૃતકના મૃતદેહને પોસ્ટમોર્ટમ અર્થે રાજકોટ સિવિલ હોસ્પિટલ ખાતે ખસેડવામાં આવ્યો છે. પ્રાથમિક માહિતી મુજબ હીટવેવ અને વધુ તાપમાનના કારણે વૃદ્ધની તબિયત બગડતાં મોત થયું હોવાની આશંકા વ્યક્ત કરવામાં આવી રહી છે. તબીબો અને તંત્ર દ્વારા લોકોને બપોરના સમયે બહાર ન નીકળવા તેમજ ગરમીથી બચવા જરૂરી સાવચેતી રાખવાની અપીલ કરવામાં આવી રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward