Valsadના ચિચાઈ ગામમાં અનાજ વિતરણ દરમિયાન મારામારી, વીડિયો થયો વાયરલ
વલસાડ જિલ્લાના ચિચાઈ ગામમાં સરકારી અનાજ વિતરણ દરમિયાન મારામારીની ઘટના સામે આવી છે. સરપંચ પતિ દ્વારા દાદાગીરી કરવામાં આવી હોવાના આક્ષેપ સાથે સમગ્ર મામલો ચર્ચામાં આવ્યો છે. સરકારી અનાજ લેવા આવેલા એક ગ્રાહક સાથે રાશન કુપન બાબતે વિવાદ સર્જાતા સ્થિતિ ઉગ્ર બની હતી.ગ્રાહકને માર માર્યાનો આક્ષેપ, વીડિયો થયો વાયરલ માહિતી મુજબ ગ્રાહકે પોતાના રાશન કાર્ડ મુજબ કેટલું અનાજ મળે છે તે અંગે કુપન માંગતા વિવાદ વધ્યો હતો. આ દરમિયાન સરપંચ પતિએ ગ્રાહકને માર માર્યો હોવાનું જણાવવામાં આવ્યું છે. ઘટનામાં ઇજાગ્રસ્ત થયેલા ગ્રાહકને તાત્કાલિક સારવાર માટે હોસ્પિટલ ખસેડવામાં આવ્યો હતો. ઘટનાનો વીડિયો સામે આવતા મામલો વધુ ગંભીર બન્યો છે. પોલીસે ફરિયાદ નોંધી તપાસ શરૂ કરી ઘટનાની જાણ થતા પોલીસ દ્વારા ફરિયાદ નોંધવામાં આવી છે અને સમગ્ર મામલે તપાસ શરૂ કરવામાં આવી છે. વાયરલ થયેલા વીડિયોના આધારે પણ તપાસ આગળ વધારવામાં આવી રહી છે. સરકારી અનાજ વિતરણ જેવી સંવેદનશીલ પ્રક્રિયામાં થયેલી આ ઘટના અંગે સ્થાનિકોમાં પણ ચર્ચા અને નારાજગી જોવા મળી રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
