Jhalmuri Seller Threat Call: સલામ વાલેકુમ..બોમ્બથી ઉડાવી દઇશું, ઝાલમુરી વિક્રેતાને મળી ધમકી
પશ્ચિમ બંગાળ વિધાનસભા ચૂંટણી પ્રચાર દરમિયાન વડાપ્રધાન નરેન્દ્ર મોદીએ જે દુકાનેથી ઉત્સાહભેર 'ઝલમુરી' ખરીદીને ખાધી હતી, તે દુકાનના માલિકને હવે સરહદ પારથી જાનથી મારી નાખવાની ધમકીઓ મળી રહી છે.ઝાલમુરી વિક્રેતાને મળી જાનથી મારી નાખવાની ધમકી ઝારગ્રામના સ્થાનિક ઝલમુરી વિક્રેતા વિક્રમ સાઓએ ન્યૂઝ એજન્સી IANS ને આપેલા ઇન્ટરવ્યુમાં ખુલાસો કર્યો છે કે તેમને પાકિસ્તાન અને બાંગ્લાદેશના કેટલાક અજ્ઞાત નંબરો પરથી ધમકીભર્યા ફોન કોલ્સ આવી રહ્યા છે. વિક્રમ સાઓએ આ મામલે સ્થાનિક પોલીસ પ્રશાસનને લેખિત ફરિયાદ આપી જાણ કરી છે, ત્યારબાદ તેમની સુરક્ષા માટે દુકાન પર બે પોલીસ જવાનો તૈનાત કરી દેવામાં આવ્યા છે.હથિયારો બતાવીને બોમ્બથી ઉડાવી દેવાની આપી ધમકીપીડિત દુકાનદારે જણાવ્યું કે, તેમને પાકિસ્તાનથી એક શંકાસ્પદ વીડિયો કોલ આવ્યો હતો. આ કોલમાં સામે રહેલા એક જૂથે તેમને ઘાતક હથિયારો બતાવ્યા હતા અને તેમની દુકાનને બોમ્બથી ઉડાવી દેવાની સીધી ધમકી આપી હતી. આ દ્રશ્ય જોઈને તેઓ અત્યંત ડરી ગયા હતા અને તેમણે તાત્કાલિક ફોન કાપી નાખ્યો હતો.વોટ્સએપ પર આવ્યો સંદેશ: "તમારી દુકાન અમારા ટાર્ગેટ પર છે, અમે તેને ગમે ત્યારે બોમ્બથી ઉડાવી દઈશું."બાંગ્લાદેશથી પણ આવ્યો શંકાસ્પદ કોલવિક્રમ સાઓએ વધુમાં ઉમેર્યું કે, આ સિવાય તેમને બાંગ્લાદેશથી પણ એક ફોન આવ્યો હતો. ફોન કરનારે શરૂઆતમાં "સલામ અલૈકુમ" કહીને વાત શરૂ કરી હતી અને ત્યારબાદ તેમને જાનથી મારી નાખવાની ધમકી આપી હતી. આ આંતરરાષ્ટ્રીય ધમકીભર્યા કોલ્સ અને મેસેજ બાદ વિક્રેતા સાઓ અને તેમનો પરિવાર ભારે દહેશતમાં છે. હાલમાં પોલીસ આ મામલે કયા નંબરો પરથી કોલ આવ્યા હતા તેની ટેકનિકલ તપાસ ચલાવી રહી છે.
Read Full Story arrow_forward
