Community News & Updates

Stay informed with the latest happenings, achievements, and announcements from our community.

All News

calendar_today May 22, 2026

Pregabalin દવાનો નશા તરીકે દુરુપયોગ રોકવા કેન્દ્ર સરકાર એક્શન મોડમાં!

દેશમાં દવાઓનો નશા તરીકે થતો દુરુપયોગ અટકાવવા માટે કેન્દ્ર સરકારે એક અત્યંત કડક અને મહત્વપૂર્ણ પગલું ભર્યું છે. ખાસ કરીને યુવાનોમાં લોકપ્રિય બનેલી 'પ્રેગાબાલિન' (Pregabalin) દવાના ગેરકાયદેસર વેચાણ અને દુરુપયોગના વધતા જતા કિસ્સાઓને ધ્યાનમાં રાખીને કેન્દ્રીય આરોગ્ય મંત્રાલયે એક નવું ગેઝેટ નોટિફિકેશન બહાર પાડ્યું છે. આ નોટિફિકેશન અનુસાર, હવે પ્રેગાબાલિન દવાનો સમાવેશ ‘ડ્રગ્સ નિયમો 195’ ના શેડ્યૂલ H1 (Schedule H1) માં કરી દેવામાં આવ્યો છે. આ નવા નિયમ બાદ હવે કોઈ પણ મેડિકલ સ્ટોર કે ફાર્મસી આ દવા ડૉક્ટરના સત્તાવાર લખાણ વિના વેચી શકશે નહીં. કેમ લેવો પડ્યો આ નિર્ણય? પ્રેગાબાલિન મૂળભૂત રીતે એક તબીબી દવા છે, જેનો ઉપયોગ ન્યુરોપેથિક પીડા (ચેતાનો દુખાવો), વાઈ (એપીલેપ્સી) અને ફાઇબ્રોમીઆલ્ગીઆ જેવી ગંભીર બીમારીઓની સારવાર માટે કરવામાં આવે છે. જો કે, આ દવાની શામક અસરો એટલે કે ઊંઘ અને નશો લાવવાના ગુણધર્મોને કારણે, છેલ્લા કેટલાક સમયથી યુવા પેઢીમાં તેનો નશાના વિકલ્પ તરીકે દુરુપયોગ ખૂબ વધી ગયો હતો. બજારમાં તેનું ગેરકાયદેસર રીતે અને પ્રિસ્ક્રિપ્શન વિના ધૂમ વેચાણ થઈ રહ્યું હોવાના અહેવાલો સતત સરકારને મળી રહ્યા હતા, જેના કારણે જાહેર સ્વાસ્થ્યના રક્ષણ માટે આરોગ્ય મંત્રાલયે આ તાકીદની કાર્યવાહી કરવી પડી છે. મેડિકલ સ્ટોર્સ માટે કયા નિયમો લાગુ થશે? નવા ગેઝેટ નોટિફિકેશન મુજબ, હવેથી પ્રેગાબાલિન દવાનું વેચાણ માત્ર રજિસ્ટર્ડ મેડિકલ પ્રેક્ટિશનર (RMP) ના માન્ય અને અસલી પ્રિસ્ક્રિપ્શનના આધારે જ થઈ શકશે. આ ઉપરાંત, તમામ રિટેલ કેમિસ્ટ અને મેડિકલ સ્ટોર્સે આ દવાના વેચાણનો સંપૂર્ણ રેકોર્ડ રાખવા માટે એક અલગ રજિસ્ટર (નોંધપોથી) જાળવવી પડશે, જેમાં દર્દીનું નામ, ડૉક્ટરનું નામ અને આપેલી દવાની ચોક્કસ માત્રાની વિગતો લખવી ફરજિયાત રહેશે. એટલું જ નહીં, હવેથી આ દવાના પેકેજિંગ (સ્ટ્રિપ) પર ગ્રાહકોની જાગૃતિ માટે સ્પષ્ટ અક્ષરોમાં ‘H1 ચેતવણી લેબલ’ (H1 Warning) લગાવવાનું રહેશે. સરકારે આપી સ્પષ્ટ ચેતવણી સરકારે સ્પષ્ટ ચેતવણી આપી છે કે જો કોઈ પણ ફાર્માસિસ્ટ કે મેડિકલ સ્ટોર સંચાલક આ નિયમોનું ઉલ્લંઘન કરતા અથવા પ્રિસ્ક્રિપ્શન વિના ચોરીછૂપીથી આ દવા વેચતા પકડાશે, તો તેમની સામે ડ્રગ્સ એન્ડ કોસ્મેટિક્સ એક્ટ હેઠળ કડક કાયદાકીય કાર્યવાહી કરવામાં આવશે, જેમાં લાયસન્સ રદ થવાથી લઈને જેલની સજા સુધીની જોગવાઈ સામેલ છે.  આ પણ વાંચોઃ Rajya Sabhaની ચૂંટણી કેવી રીતે થાય છે? જાણો વોટિંગથી જીત સુધીની સંપૂર્ણ પ્રક્રિયા

Read Full Story arrow_forward

calendar_today May 22, 2026

Pradeep Guptaની મોટી ભવિષ્યવાણી! દેશમાં આગામી 20 વર્ષ સુધી ભાજપનું જ રાજ?

વર્ષ 2014થી શરૂ થયેલો ભાજપનો આ વિજય રથ આગામી સમયમાં પણ જારી રહેશે અને દેશમાં પાર્ટીની સત્તા ઓછામાં ઓછા 20 વર્ષ સુધી ટકી રહેવાની સંભાવના છે. રાજકીય પેઢીની સાયકલ અને ઐતિહાસિક સંદર્ભ પોતાના આ દાવાને તાર્કિક આધાર આપવા માટે પ્રદીપ ગુપ્તાએ દેશના રાજકીય ઇતિહાસ અને જૂની 'ચૂંટણી સાયકલ' નો ઉલ્લેખ કર્યો છે. તેમણે જણાવ્યું કે ભારતીય રાજનીતિમાં અગાઉ કોંગ્રેસે પણ આ જ રીતે એકહથ્થુ શાસન ભોગવ્યું હતું અને દેશની આઝાદી બાદ સતત ૧૯૭૭ સુધી કેન્દ્રમાં સત્તા પર રહી હતી. સામાન્ય રીતે રાજકારણમાં એક આખી પેઢી બદલાય ત્યાં સુધી એટલે કે આશરે ૨૦ વર્ષ સુધી એક પક્ષનો પ્રભાવ ચાલતો હોય છે. આ ૨૦ વર્ષવાળી સાયકલ આજે પણ ભારતીય રાજનીતિમાં એટલી જ પ્રાસંગિક છે, જેના આધારે ભાજપ ૨૦૧૪થી શરૂ કરીને આગામી બે દાયકા સુધી રાષ્ટ્રીય સ્તરે અગ્રણી ભૂમિકામાં રહેશે તેમ કહી શકાય. પ્રાદેશિક સ્તરે ઉત્તર અને પૂર્વ ભારતમાં પકડ આ ઇન્ટરવ્યુમાં પ્રદીપ ગુપ્તાએ પશ્ચિમ બંગાળ, ઉત્તર પ્રદેશ, આસામ અને પંજાબ જેવાં મહત્ત્વનાં રાજ્યોની ચૂંટણીઓ અને ત્યાંના રાજકીય સમીકરણો વિશે પણ વિગતવાર ચર્ચા કરી છે. બંગાળ અને આસામની ચૂંટણીઓના પરિણામો અને પ્રવાહોનો ઉલ્લેખ કરીને તેમણે સમજાવ્યું કે કઈ રીતે ભાજપે ઉત્તર અને પૂર્વ ભારતમાં પોતાની પકડ મજબૂત કરી લીધી છે. આ ભૌગોલિક વિસ્તારોમાં ભાજપ રાજકીય રીતે એટલી હદે એકતરફી પ્રભાવી બની ગઈ છે કે વિપક્ષી દળો માટે તેની સામે ટકી રહેવું કે મજબૂત પડકાર ઊભો કરવો એ એક મોટો કોયડો બની ગયો છે. વિપક્ષની સ્થિતિ અને ભવિષ્યની રાજનીતિ દેશની વર્તમાન રાજકીય પરિસ્થિતિનું મૂલ્યાંકન કરતાં ગુપ્તાએ સ્પષ્ટ કર્યું છે કે વિપક્ષી છાવણીમાં હજુ પણ એવી કોઈ મજબૂત વ્યૂહરચના દેખાતી નથી જે ભાજપના આ પ્રભાવને રોકી શકે. કોંગ્રેસ સહિતના અન્ય વિપક્ષી પક્ષો અત્યારે ભાજપની સંગઠનાત્મક શક્તિ અને લોકપ્રિયતા સામે સંઘર્ષ કરી રહ્યા છે. ૨૦૨૯ની લોકસભા ચૂંટણીને લઈને કરવામાં આવેલી આ ભવિષ્યવાણી દર્શાવે છે કે આગામી વર્ષોમાં પણ દેશની રાજનીતિનું કેન્દ્રબિંદુ ભાજપ જ રહેશે અને પ્રાદેશિકથી લઈને રાષ્ટ્રીય સ્તર સુધી વિપક્ષે સત્તા મેળવવા માટે હજુ લાંબી રાહ જોવી પડી શકે છે. આ પણ વાંચો: Rajya Sabhaની ચૂંટણી કેવી રીતે થાય છે? જાણો વોટિંગથી જીત સુધીની સંપૂર્ણ પ્રક્રિયા

Read Full Story arrow_forward

calendar_today May 22, 2026

Dhar Bhojshala: ભોજશાળા પર મુસ્લિમ પક્ષ પહોંચ્યુ SC, હાઇકોર્ટે ગણાવ્યું હતુ મંદિર

મધ્ય પ્રદેશના ધારમાં આવેલા વિવાદિત ભોજશાળા-કમલ મૌલા મસ્જિદ પરિસરનો કાનૂની વિવાદ હવે દેશની સર્વોચ્ચ અદાલત સુધી પહોંચી ગયો છે. મસ્જિદના વહીવટકર્તા કાઝી મોઇનુદ્દીને મધ્ય પ્રદેશ હાઈકોર્ટના તાજેતરના ચુકાદાને પડકારતી અપીલ સુપ્રીમ કોર્ટમાં દાખલ કરી છે.ભોજશાળા મંદિર છે  ઉલ્લેખનીય છે કે, ગત 15 મેના રોજ હાઈકોર્ટે એક સીમાચિહ્નરૂપ ચુકાદો આપતાં ભોજશાળા સંકુલના ધાર્મિક સ્વરૂપને મૂળભૂત રીતે હિન્દુ મંદિર સમાન ગણાવ્યું હતું. અદાલતે સ્પષ્ટ કર્યું હતું કે આ વિવાદિત સ્થળ એક સંરક્ષિત સ્મારક છે, જે વાસ્તવમાં દેવી સરસ્વતી (વાગ્દેવી)ને સમર્પિત મંદિર છે.આજે પહેલીવાર ભોજશાળામાં મહાઆરતી કાનૂની લડાઈ વચ્ચે, ચાલુ શુક્રવારે ભોજશાળા પરિસરમાં પ્રથમ વખત દેવી વાગ્દેવીની ભવ્ય મહાઆરતી અને વિશેષ પૂજા-અર્ચનાનું આયોજન કરાયુ.  અંદાજે 721 વર્ષના લાંબા સંઘર્ષ બાદ આ એવો પ્રથમ પ્રસંગ હશે જ્યારે શુક્રવારના દિવસે ભોજશાળા સંકુલ દેવી સરસ્વતીના જયઘોષથી ગુંજી ઉઠ્યો.. આ ઐતિહાસિક ક્ષણને લઈને સમગ્ર ધાર પંથકના શ્રદ્ધાળુઓમાં ભારે ઉત્સાહ અને તહેવાર જેવો માહોલ જોવા મળી રહ્યો છે.હાઈકોર્ટે વર્ષ 2003નો નમાજનો આદેશ રદ કર્યોઆ પૂર્વે હાઈકોર્ટના જસ્ટિસ વિજય કુમાર શુક્લા અને જસ્ટિસ આલોક અવસ્થીની બહેલી ડિવિઝન બેન્ચે ભારતીય પુરાતત્વ સર્વેક્ષણ (ASI) દ્વારા વર્ષ 2003માં બહાર પાડેલા એ આદેશને ફગાવી દીધો હતો, જે અંતર્ગત મુસ્લિમ પક્ષને ત્યાં શુક્રવારે નમાજ પઢવાની મંજૂરી આપવામાં આવી હતી. હાઈકોર્ટે પોતાના અવલોકનમાં જણાવ્યું હતું કે, મુસ્લિમ પક્ષ મસ્જિદના નિર્માણ માટે વૈકલ્પિક જમીન ફાળવવા રાજ્ય સરકારને વિનંતી કરી શકે છે.કોર્ટનું અવલોકનઐતિહાસિક દસ્તાવેજો અને પુરાતત્વીય પુરાવાઓ સ્પષ્ટપણે સાબિત કરે છે કે આ સ્થળ પ્રાચીન સમયમાં સંસ્કૃત શિક્ષણનું એક મોટું કેન્દ્ર હતું અને અહીં દેવી સરસ્વતીનું ભવ્ય મંદિર અસ્તિત્વ ધરાવતું હતું. અદાલતે સુપ્રીમ કોર્ટના ઐતિહાસિક 'અયોધ્યા ચુકાદા'ના કાનૂની સિદ્ધાંતોને આધાર બનાવીને આ આદેશ આપ્યો છે. આ સાથે જ કેન્દ્ર સરકાર અને ASI ને મંદિરના સંચાલન અંગે યોગ્ય નિર્ણયો લેવા નિર્દેશ આપ્યો છે, જોકે સ્મારકની એકંદર જાળવણીની જવાબદારી ASI પાસે યથાવત રહેશે.લંડનથી વાગ્દેવીની પ્રતિમા પરત લાવવા અંગે મહત્વની ટિપ્પણીબ્રિટિશ શાસનકાળ દરમિયાન ભોજશાળામાંથી લંડન લઈ જવાયેલી દેવી સરસ્વતીની મૂળ પ્રતિમાને ભારત પરત લાવવા માટે હિન્દુ પક્ષ દ્વારા લાંબા સમયથી માગ કરવામાં આવી રહી છે. આ મુદ્દે હાઈકોર્ટે ટિપ્પણી કરી કે કેન્દ્ર સરકાર આ માગણીને સત્તાવાર રજૂઆત તરીકે સ્વીકારીને તેના પર યોગ્ય વિચારણા કરી શકે છે.વિવાદની પૃષ્ઠભૂમિ અને ASI સર્વેનો રિપોર્ટઆ સમગ્ર મામલો હિન્દુ પક્ષ દ્વારા દાખલ કરાયેલી વિવિધ અરજીઓ પર આધારિત છે, જેમાં ભોજશાળા પરિસર સંપૂર્ણપણે હિન્દુઓને સોંપવાની અને ત્યાં નમાજ પર પ્રતિબંધ મૂકવાની માગ કરવામાં આવી હતી. આ અરજીઓમાં ૭ એપ્રિલ ૨૦૦૩ના રોજ જાહેર કરાયેલા ASIના એ નોટિફિકેશનને પડકારવામાં આવ્યું હતું, જે હિન્દુઓના પૂજાના અધિકારોને મર્યાદિત કરતું હતું.નોંધનીય છે કે, વર્ષ 2024 માં હાઈકોર્ટના આદેશથી ASI દ્વારા આ આખા સંકુલનો વૈજ્ઞાનિક સર્વે કરવામાં આવ્યો હતો. ASI એ પોતાના સત્તાવાર અહેવાલમાં જણાવ્યું હતું કે વર્તમાન માળખાનું નિર્માણ અગાઉ અસ્તિત્વ ધરાવતા પ્રાચીન મંદિરોના અવશેષો અને સ્થાપત્યના ઘટકોનો ઉપયોગ કરીને કરવામાં આવ્યું છે. આ અહેવાલ અને સ્થળ નિરીક્ષણ બાદ જ હાઈકોર્ટે આ આખરી અને ઐતિહાસિક ચુકાદો આપ્યો છે. 

Read Full Story arrow_forward