Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 22 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
અમદાવાદ શહેરમાં મેટ્રો ટ્રેન સેવા શરૂ થયાના 7 વર્ષ બાદ મુસાફરોની સંખ્યામાં સતત વધારો થઈ રહ્યો છે.મેટ્રોના રૂટ અને સમયગાળામાં વધારો થવા છતાં સ્ટેશનો નજીક પાર્કિંગ સુવિધાના અભાવે અનેક મુસાફરોને મુશ્કેલીનો સામનો કરવો પડી રહ્યો હતો.આ સ્થિતિને ધ્યાનમાં રાખીને મ્યુનિસિપલ કોર્પોરેશન દ્વારા મેટ્રો સ્ટેશનો નજીક પાર્કિંગની સુવિધા વિકસાવવાનો નિર્ણય લેવાયો છે.એએમસીએ શહેરના 14 મેટ્રો સ્ટેશનો નજીક 17 પાર્કિંગ પ્લોટ ફાળવવાનો નિર્ણય કર્યો છે.જ્યાં નાગરિકોને મફ્ત પાર્કિંગ સાથે સીસીટીવી સહિતની સુવિધા ઉપલબ્ધ કરાશે. સીસીટીવી કેમેરા લગાવવાની કામગીરી હાથ ધરાશે કોર્પોરેશનના એસ્ટેટ વિભાગે પૂર્વ અને પશ્ચિમ વિસ્તારોમાં સર્વે કરીને મેટ્રો સ્ટેશનથી 100થી 500 મીટરના અંતરે આવેલા 17 રિઝર્વ પ્લોટ ઓળખી કાઢ્યા છે.આ પ્લોટો એવા સ્થળોએ પસંદ કરાયા છે જ્યાં મુસાફરો સરળતાથી પોતાના વાહનો પાર્ક કરીને મેટ્રો સેવા લઈ શકે.એસ્ટેટ વિભાગના અધિકારી હિતેન્દ્ર મકવાણાના જણાવ્યા મુજબ,પાર્કિંગ પ્લોટોને માત્ર ખાલી જગ્યાઓ તરીકે નહીં રાખવામાં આવે પરંતુ તેને સુવ્યવસ્થિત રીતે ડેવલપ કરાશે.તમામ સ્થળોએ પેવર બ્લોક, પાર્કિંગ માટે માર્ગદર્શક સાઈન બોર્ડ અને સુરક્ષા માટે સીસીટીવી કેમેરા લગાવવાની કામગીરી હાથ ધરાશે. ટ્રાફિકનું દબાણ ઘટાડવામાં મદદ મળશે કેટલાક સ્થળોએ લોકો દ્વારા વાહન પાર્કિંગનો ઉપયોગ શરૂ પણ થઈ ગયો હોવાનું જણાવાયું છે.એએમસીના આયોજન મુજબ નાગરિકોને આ પાર્કિંગ સુવિધા મફ્તમાં ઉપલબ્ધ કરાશે.પાર્કિંગ વિસ્તારમાં વાહનો ધૂળ અને કાદવમાં ન ખૂંપે તે માટે પેવર બ્લોક નાખવામાં આવશે.જ્યારે સુરક્ષાની દૃષ્ટિએ સમગ્ર વિસ્તાર સીસીટીવી કેમેરાથી આવરી લેવાશે.એએમસીના અધિકારીઓના મતે, સ્ટેશન નજીક સુરક્ષિત અને મફ્ત પાર્કિંગ ઉપલબ્ધ થવાથી વધુ લોકો મેટ્રોનો ઉપયોગ કરવા પ્રોત્સાહિત થશે. તેના કારણે શહેરના મુખ્ય માર્ગો પર ટ્રાફિકનું દબાણ ઘટાડવામાં મદદ મળશે.ઈધણ ખર્ચમાં પણ રાહત મળશે. આ પણ વાંચોઃ Cabinet Meeting : સેવા તીર્થમાં આયોજિત મંત્રીઓની બેઠક સાડા ચાર કલાક ચાલી, વડાપ્રધાન મોદીએ આપ્યા આ નિર્દેશ
Read Full Story arrow_forward
અમદાવાદ જિલ્લામાં જિલ્લા પંચાયત તેમજ જિલ્લાના 9 તાલુકા પંચાયતોમાં નવા પ્રમુખોની પસંદગી માટેની પ્રક્રિયા તેજ બની છે. આગામી 25મી તારીખે જિલ્લા પંચાયત તથા તમામ તાલુકા પંચાયતોના નવા પ્રમુખોના નામોની સત્તાવાર જાહેરાત કરવામાં આવશે.તાજેતરમાં યોજાયેલી સ્થાનિક સ્વરાજ્યની ચૂંટણીમાં ભાજપે અમદાવાદ જિલ્લા પંચાયત અને 9 તાલુકા પંચાયતો ધંધુકા,ધોલેરા, ધોળકા, બાવળા,સાણંદ,વિરમગામ, માંડલ, દેત્રોજ અને દસ્ક્રોઈ માં પ્રચંડ બહુમતી સાથે જીત મેળવી છે. આ ભવ્ય વિજયને પગલે હવે પાર્ટી દ્વારા સંગઠનાત્મક મથામણ શરૂ કરવામાં આવી છે. પાર્ટી હાઈકમાન્ડ દ્વારા ચૂંટાયેલા સભ્યોની ક્કસેન્સક્ર પ્રક્રિયા હાથ ધરાઈ રહી છે, જેમાં સભ્યોના મંતવ્યો અને સ્થાનિક સ્તરે સ્વીકાર્યતા આધારે યોગ્ય ઉમેદવારોની પસંદગી કરવામાં આવશે. વિશ્વસનીય સૂત્રોના જણાવ્યા અનુસાર, પ્રમુખ પદ સાથે સાથે ઉપપ્રમુખ અને અન્ય અગત્યના હોદેદારોના નામોની પણ એકસાથે જાહેરાત થવાની શક્યતા વ્યક્ત કરવામાં આવી રહી છે. રાજકીય વર્તુળોમાં આ પ્રક્રિયા અંગે ભારે ઉત્સુકતા જોવા મળી રહી છે. ખાસ કરીને વિવિધ તાલુકાઓમાં સ્થાનિક નેતૃત્વને સ્થાન મળશે કે નહીં તે મુદ્દે ચર્ચાઓ જોર પકડી રહી છે. પાર્ટી દ્વારા સામાજિક અને પ્રાદેશિક સંતુલન જળવાઈ રહે તે રીતે હોદેદારોની પસંદગી કરવામાં આવશે તેવી અપેક્ષા વ્યક્ત કરવામાં આવી રહી છે. આ નિર્ણયોથી જિલ્લાના વિકાસ કાર્યોને નવી દિશા મળશે અને સ્થાનિક શાસનમાં વધુ ગતિઆવશે તેવી આશા વ્યક્ત કરવામાં આવી રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward