android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Godhra: ગોધરામાં રોટરી ક્લબ દ્વારા જરૂરિયાતમંદોને નિઃશુલ્ક ચપ્પલ વિતરણ
calendar_today May 22, 2026

Godhra: ગોધરામાં રોટરી ક્લબ દ્વારા જરૂરિયાતમંદોને નિઃશુલ્ક ચપ્પલ વિતરણ

ગોધરા : ગોધરા શહેરમાં સેવાકીય પ્રવૃત્તિઓ માટે જાણીતી રોટરી ક્લબ દ્વારા શહેરના બસ સ્ટેન્ડ તેમજ ભામૈયા નાયક ફ્ળિયા વિસ્તારમાં જરૂરિયાતમંદ લોકોને નિઃશુલ્ક ચપ્પલ વિતરણ કરાયું હતું. ઉનાળાની ગરમીમાં પગમાં ચપ્પલ વગર ફરી રહેલા ગરીબ અને જરૂરિયાતમંદ લોકો માટે આ સેવા કાર્ય આશીર્વાદરૂપ સાબિત થયું હતું. કાર્યક્રમ દરમિયાન મોટી સંખ્યામાં લાભાર્થીઓએ ચપ્પલ મેળવી રોટરી ક્લબનો આભાર વ્યક્ત કર્યો હતો. આ સેવાકીય કાર્યમાં રોટરી ક્લબના સિનિયર મેમ્બર જોગીન્દર કાલરા, ભરતભાઈ મેહતા,ટ્રેઝરર ભવાની ત્રિપાઠી, તેમજ પ્રોજેક્ટ ચેરમેન ગિરીશભાઈ પટેલ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Himatnagar: રોઝડની ભોલેનાથ ડેરી પર ફ્લાઈંગ સ્ક્વોડના દરોડા
calendar_today May 22, 2026

Himatnagar: રોઝડની ભોલેનાથ ડેરી પર ફ્લાઈંગ સ્ક્વોડના દરોડા

ગુજરાત રાજ્યના નાગરિકોને શુદ્ધ અને સ્વાસ્થ્યપ્રદ ખાદ્યપદાર્થો મળી રહે તે માટે રાજ્ય સરકાર સંપૂર્ણ કટિબદ્ધ છે, પ્રજાના આરોગ્યના હિતમાં ખોરાક અને ઔષધ નિયમન તંત્ર દ્વારા રાજ્યભરમાં સઘન ચેકિંગની ઝુંબેશ ચલાવવામાં આવી રહી છે. જે અંતર્ર્ગત આરોગ્ય રાજ્ય મંત્રીને મળેલી ફરિયાદ બાદ તેમની સૂચના અને માર્ર્ગદર્શન હેઠળ સાબરકાંઠા જિલ્લાના તલોદ તાલુકાના રોઝડ ગામમાં આવેલી 'ભોલેનાથ ડેરી' પર ફ્લાઈંગ સ્કોડ દ્વારા ઓચિંતી તપાસ કરીને મોટી કાર્યવાહી કરવામાં આવી છે. મંત્રીના આદેશ બાદ જિલ્લામાં થયેલી આટલી મોટી કાર્યવાહી બાદ સબ સલામત હોવાનું ગાણું ગાતા અને નાની નાની તપાસ કરીને દેખાડો કરતાં ફૂડ અને ડ્રગ્સ વિભાગના અધિકારી કેવી કામગીરી કરતાં હશે તે વિષય તપાસ માંગી લે છે. એટલુ જ નહીં ગાંધીનગરની ફલાઈંગ સ્કવોર્ડની કામગરીથી સાબરકાંઠા ફુડ અને ડ્રગ્સ અધિકારીનું નાક કપાયું હોવાનું પણ સામે આવ્યુ છે. આ અંગે આરોગ્ય રાજ્ય મંત્રી પ્રફુલ પાનશેરીયાએ સંદેશને માહિતી આપતા જણાવ્યું હતું કે, ફૂડ એન્ડ ડ્રગ્સ વિભાગની ગાંધીનગર ફ્લાઈંગ સ્કોડને મળેલી ચોક્કસ બાતમીના આધારે ભોલેનાથ ડેરી પર અચાનક દરોડા પાડવામાં આવ્યા હતા. પ્રાથમિક તપાસમાં બહાર આવ્યું છે કે, આ ડેરીમાં મોટા પાયે ભેળસેળવાળો માવો બનાવવામાં આવતો હતો. આ ઉપરાંત, કોઈપણ પ્રકારના જરૂરી લાયસન્સ વગર જ સ્વીટ બરફીનું ગેરકાયદેસર ઉત્પાદન પણ થતું હતું. મંત્રીએ વધુમાં જણાવ્યું કે, ફૂડ સેફ્ટી અધિકારીઓએ સ્થળ પરથી કાયદેસરની કાર્યવાહી કરીને ખુલ્લા માવા તથા બરફીના નમૂના લીધા છે, જેને લેબોરેટરીમાં તપાસ માટે મોકલવામાં આવ્યા છે. આ સાથે ડેરીમાંથી અંદાજે રૂ. 5.10 લાખની કિંમતનો 2,548 કિલોગ્રામ ભેળસેળયુક્ત માવાનો જથ્થો જપ્ત (સીઝ) કરવામાં આવ્યો છે. તેમણે ઉમેર્યું કે, તપાસ દરમિયાન ડેરીમાં અત્યંત ગંદકી જોવા મળી હતી. આવી ખરાબ પરિસ્થિતિમાં બનાવેલો અન્ય 550 કિલોગ્રામ માવો લોકોના સ્વાસ્થ્ય માટે ખૂબ જ હાનિકારક હોવાથી, તેનો સ્થળ પર જ તાત્કાલિક નાશ કરવામાં આવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Godhra: રોટરી ક્લબ ગોધરા દ્વારા બીપી અને ડાયાબિટીસ ચેકઅપ કૅમ્પ યોજાયો
calendar_today May 22, 2026

Godhra: રોટરી ક્લબ ગોધરા દ્વારા બીપી અને ડાયાબિટીસ ચેકઅપ કૅમ્પ યોજાયો

ગોધરા : તા.17 મે ના રોજ વિશ્વ હાઈપર ટેન્શન દિવસ નિમિત્તે કેન્દ્ર સરકાર દ્વારા ચલાવાઈ રહેલા એક મહિનાના અભિયાન અંતર્ગત,રોટરી ક્લબ ગોધરા અને GSRTC પંચમહાલ દ્વારા ગોધરા એસ.ટી.બસ સ્ટેન્ડ ખાતે બીપી અને ડાયાબિટીસ ચેકઅપ કેમ્પ યોજાયો હતો. જેનો શુભારંભ પંચમહાલ, દાહોદ અને મહીસાગર એસ.ટી.વિભાગના વડા યોગેશભાઈ પટેલ દ્વારા કરાયો હતો. કેમ્પ દરમિયાન એસ.ટી.ના કર્મચારીઓ તેમજ મુસાફ્રો મળી 250 થી વધુ લોકોએ ચેકઅપ કરાવ્યું હતું.સાથે અસહ્ય ગરમીમાં લોકોને રાહત માટે 500 થી વધુ ORS પાઉચનું વિતરણ પણ કરાયું હતું. આ કાર્યક્રમમાંએસ.ટી.વિભાગના વડા, ડૉ.શ્યામસુંદર શર્મા તેમજ GSRTC ગોધરાના સ્ટાફ્ અને સિવિલ હોસ્પિટલની ટીમે મહત્વપૂર્ણ યોગદાન આપ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward