Community News & Updates

Stay informed with the latest happenings, achievements, and announcements from our community.

All News

calendar_today May 21, 2026

Kutch News: પશ્ચિમ કચ્છ પોલીસ પર ઉઠ્યા સવાલો, નંબર પ્લેટ વગરની કારમાં PSI ફરતા વિડીયો થયો વાયરલ

પશ્ચિમ કચ્છમાં ટ્રાફિક નિયમોના અમલને લઈને પોલીસ વિભાગ સામે સવાલો ઊભા થયા છે. સોશિયલ મીડિયા પર એક વિડીયો વાયરલ થયો છે, જેમાં ટ્રાફિક PSI આર.વી. જોષી નંબર પ્લેટ વગરની કારમાં ફરતા જોવા મળ્યા હોવાનું દાવો કરવામાં આવ્યો છે. આ વિડીયોને લઈને જાહેર સ્તરે ચર્ચા અને વિવાદ શરૂ થયો છે.ટ્રાફિક ડ્રાઈવ દરમિયાન જ નિયમ ભંગના આક્ષેપ માહિતી મુજબ PSI દ્વારા ટ્રાફિક ડ્રાઈવ યોજીને વાહનચાલકો સામે કાર્યવાહી કરવામાં આવતી હતી. ખાસ કરીને બ્લેક ફિલ્મ લગાવેલા વાહનચાલકોને દંડ ફટકારવામાં આવ્યો હતો. પરંતુ જાગૃત નાગરિકે શેર કરેલા વિડીયોમાં PSI પોતે જ નંબર પ્લેટ વગરની કારમાં દેખાતા, “નિયમો માત્ર સામાન્ય જનતા માટે જ છે કે શું?” એવા સવાલો ઉઠી રહ્યા છે. વિડીયો વાયરલ થતા ચર્ચા ગરમાઈ વિડીયો વાયરલ થતાં સમગ્ર વિસ્તારમાં ચર્ચાનો માહોલ સર્જાયો છે. લોકો દ્વારા પોલીસની કામગીરીની નૈતિકતા અને નિયમ પાલન અંગે સવાલો કરવામાં આવી રહ્યા છે. હાલ આ મામલે સત્તાવાર પ્રતિક્રિયા સામે આવી નથી, પરંતુ ઘટનાને લઈને સોશિયલ મીડિયા પર ભારે પ્રતિસાદ જોવા મળી રહ્યો છે. સ્થાનિક નાગરિકો દ્વારા સમાન નિયમો તમામ માટે લાગુ કરવાની માંગ ઉઠી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 21, 2026

Cabinet Meeting : સેવા તીર્થમાં આયોજિત મંત્રીઓની બેઠક સાડા ચાર કલાક ચાલી, વડાપ્રધાન મોદીએ આપ્યા આ નિર્દેશ

કેન્દ્ર સરકારની મંત્રિપરિષદની મહત્વપૂર્ણ બેઠક સેવા તીર્થ ખાતે લગભગ સાડા ચાર કલાક સુધી ચાલી. બેઠક દરમિયાન સરકારના મુખ્ય એજન્ડા, સુધારાઓ અને આગામી વર્ષોના વિકાસ વિઝન અંગે વિસ્તૃત ચર્ચા કરવામાં આવી હતી. મળતી માહિતી મુજબ, વડાપ્રધાન મોદીએ તમામ મંત્રીઓને 2047ના લક્ષ્યને ધ્યાનમાં રાખીને કાર્ય કરવાની સલાહ આપી.માળખાકીય સુધારાઓ પર વિશેષ ધ્યાન આપો વડાપ્રધાને કહ્યું કે દેશ જ્યારે આઝાદીના 100 વર્ષ પૂર્ણ કરશે ત્યારે ભારત કેવી સ્થિતિમાં હશે તે દિશામાં આજથી જ આયોજન કરવું જરૂરી છે. સરકારના દરેક નિર્ણય અને નીતિમાં લાંબા ગાળાનું વિઝન દેખાવું જોઈએ તેવો પણ તેમણે ભાર મૂક્યો હતો. બેઠકમાં ‘Ease of Living’ અને માળખાકીય સુધારાઓ (Reforms) પર વિશેષ ધ્યાન આપવામાં આવ્યું હતું. સામાન્ય નાગરિકોના જીવનને વધુ સરળ અને સુવિધાજનક બનાવવાની દિશામાં સરકાર કામ કરે તેવો સંદેશ આપવામાં આવ્યો હતો. વડાપ્રધાને જણાવ્યું કે સરકારનો હસ્તક્ષેપ ઓછો હોવો જોઈએ, પરંતુ જ્યાં જરૂર હોય ત્યાં યોગ્ય સમયે સહાય અને સુધારાઓ પહોંચવા જોઈએ. આ અભિગમને ‘Minimum Government, Maximum Governance’ની દિશામાં મહત્વપૂર્ણ માનવામાં આવી રહ્યો છે. તમામ મંત્રાલયોએ વિભાગોની કામગીરી રજૂ કરી બેઠક દરમિયાન અડધા ડઝનથી વધુ મંત્રાલયોએ પોતાના વિભાગોની કામગીરી અને યોજનાઓ અંગે પ્રેઝન્ટેશન રજૂ કર્યા હતા. વિવિધ ક્ષેત્રોમાં ચાલી રહેલા સુધારાઓ અને ભવિષ્યના પ્રોજેક્ટ્સ અંગે પણ ચર્ચા થઈ હતી. આ ઉપરાંત વિદેશ મંત્રી એસ.જયશંકરે વડાપ્રધાનની તાજેતરની પાંચ દેશોની મુલાકાત અંગે મંત્રિપરિષદને વિગતવાર માહિતી આપી હતી અને તેના વ્યૂહાત્મક મહત્વ અંગે સમજણ આપી હતી.આ પણ વાંચો : NTA ચીફે સંસદીય કમિટીની સામે કહ્યું 'NEET પેપર લીક થયું નથી, CBI કહેશે ત્યારે સ્વીકારીશું'

Read Full Story arrow_forward

calendar_today May 21, 2026

વાંચો 22 મેના રોજ બનનારી મહત્વની ઘટનાઓ વિશે

રાષ્ટ્રીય અને રાજ્ય સ્તરે 22 મેના રોજ અનેક મોટી રાજકીય, ન્યાયિક અને વિકાસલક્ષી ગતિવિધિઓ જોવા મળવાની છે. 22 મે, 2026ની હેડલાઇન્સ બનનારી ટોચની મોટી ઘટનાઓ પર એક નજર કરીએ.ગાંધીનગરમાં 'બ્રિક્સ' ન્યાય મંત્રીઓની મહાબેઠકગુજરાતના પાટનગર ગાંધીનગરમાં 22 મે, 2026ના રોજ બ્રિક્સ દેશોના ન્યાય મંત્રીઓની મહત્વની બેઠક યોજાશે. આ બેઠકમાં વ્યાપારી વિવાદોના ઉકેલ માટે 'એડીઆર' (Alternative Dispute Resolution) ઘોષણાપત્ર રજૂ કરવામાં આવશે. વરિષ્ઠ અધિકારીઓની બેઠકમાં મધ્યસ્થતા અને ન્યાયિક સુધારાઓ પર વ્યાપક ચર્ચા થઈ ચૂકી છે, જે અંતર્ગત ન્યાય પ્રક્રિયાને વધુ સુલભ અને વ્યવસાયિક બનાવવાની કટિબદ્ધતા જાહેર કરાશે. પશ્ચિમ બંગાળના મુખ્યમંત્રીનો દિલ્હી પ્રવાસ પશ્ચિમ બંગાળના મુખ્યમંત્રી બન્યા બાદ તેઓ 22 મેના રોજ પ્રથમ વખત દિલ્હીના પ્રવાસે જઈ રહ્યા છે. પોતાના આ મહત્વના પ્રવાસ દરમિયાન તેઓ વડાપ્રધાન, રાષ્ટ્રપતિ, ઉપરાષ્ટ્રપતિ, સંરક્ષણ મંત્રી અને નીતિન નવીન સાથે ઔપચારિક મુલાકાત કરશે, જેના પર રાજકીય વિશ્લેષકોની નજર રહેશે. રેલવેની સોગાત: સાબરમી-જોધપુર એક્સપ્રેસ હવે જેસલમેર સુધી દોડશે ગુજરાત અને રાજસ્થાનના મુસાફરો માટે ખુશીના સમાચાર છે. સાબરમતી-જોધપુર એક્સપ્રેસ ટ્રેનનો રૂટ લંબાવીને હવે તેને જેસલમેર સુધી કરવામાં આવ્યો છે. 22 મેના રોજ કેન્દ્રીય રેલવે મંત્રી અશ્વિની વૈષ્ણવ જોધપુરથી આ ટ્રેન લંબાવવાના રૂટનો વિધિવત શુભારંભ કરાવશે. ખેલમંત્રી મનસુખ માંડવિયાનો 4 દિવસનો ગુજરાત પ્રવાસ કેન્દ્રીય રમતગમત મંત્રી મનસુખ માંડવિયા 22 મેથી ગુજરાતના 3 દિવસના પ્રવાસે આવી રહ્યા છે. તેઓ 22 મેથી રાજકોટમાં વિવિધ કાર્યક્રમોમાં હાજરી આપશે. ત્યારબાદ, 24 મેના રોજ જાહેર કરવામાં આવેલા 'કોમનવેલ્થ ડે' નિમિત્તે રવિવારે અમદાવાદમાં યોજાનારા મુખ્ય કાર્યક્રમમાં રાજ્યના ગૃહ અને રમતગમત મંત્રી હર્ષ સંઘવી સાથે ઉપસ્થિત રહેશે. લદ્દાખ મુદ્દે ગૃહમંત્રી અમિત શાહ અને સોનમ વાંગચુક વચ્ચે બેઠક કેન્દ્રીય ગૃહમંત્રી અમિત શાહે લદ્દાખના નેતાઓને ખુલ્લા મનથી વાટાઘાટો કરવા અપીલ કરી છે. 22 મેની પ્રસ્તાવિત સત્તાવાર વાર્તાલાપ પહેલા, શુક્રવારે મોડી રાત્રે અમિત શાહે લેહ એપેક્સ બોડીના સભ્ય સોનમ વાંગચુક અને અન્ય નેતાઓ સાથે બેઠક કરી હતી. આ બેઠકમાં લદ્દાખના પેન્ડિંગ મુદ્દાઓ અને સકારાત્મક ઉકેલ લાવવા અંગે ચર્ચા થઈ હતી. IRCTC મની લોન્ડરિંગ કેસ: લાલુ પરિવાર પર કોર્ટનો ચુકાદો બિહારના રાજકારણને લઈને દિલ્હીથી મોટા સમાચાર આવી શકે છે. IRCTC મની લોન્ડરિંગ કેસમાં લાલુ પ્રસાદ યાદવ, રાબડી દેવી અને તેજસ્વી યાદવ સહિતના અન્ય આરોપીઓ સામે ચાર્જ નક્કી કરવા બાબતે દિલ્હીની રાઉઝ એવેન્યુ કોર્ટ 22 મેના રોજ પોતાનો મહત્વનો ચુકાદો આપી શકે છે. દિલ્હી રમખાણો: ઉમર ખાલિદની જામીન અરજી પર સુનાવણી દિલ્હી રમખાણોના કેસમાં જેલમાં બંધ ઉમર ખાલિદે વચગાળાના જામીન મેળવવા માટે હાઈકોર્ટના દરવાજા ખખડાવ્યા છે. આ જામીન અરજી પર 22 મેના રોજ હાઈકોર્ટમાં મહત્વની સુનાવણી હાથ ધરવામાં આવશે. આ પણ વાંચો - Gujarat Latest News Updated Live: તલોદની ભોલેનાથ ડેરીમાં 2548 કિલો ભેળસેળયુક્ત માવો સિઝ, ફૂડ લાઇસન્સ સસ્પેન્ડ

Read Full Story arrow_forward