Surat News: કીડિયાબેટમાં ગેરકાયદે બાયોડીઝલ કૌભાંડનો પર્દાફાશ, 3200 લીટર જથ્થો જપ્ત!
સુરત શહેરમાં ગેરકાયદેસર પ્રવૃત્તિઓ વિરૂદ્ધ પોલીસે કડક વલણ અપનાવ્યું છે, ત્યારે સુરતના પ્રખ્યાત ડુમસ વિસ્તારમાંથી મોટો પર્દાફાશ થયો છે. ડુમસના દરિયાકાંઠા નજીક આવેલા કીડિયાબેટ પર પોલીસે મોડી રાત્રે ત્રાટકીને ઝીંગા તળાવની આડમાં ચાલી રહેલા ગેરકાયદેસર જ્વલનશીલ પ્રવાહી અને બાયોડીઝલના સંગ્રહના મસમોટા કૌભાંડને ઝડપી પાડ્યું છે.ઝીંગા તળાવની આડમાં કાળો કારોબાર ઘટનાની મળતી વિગતો અનુસાર, કીડિયાબેટ વિસ્તારમાં આવેલા એક ઝીંગા તળાવની આડમાં કોઈ પણ મંજૂરી વિના મોટી માત્રામાં જોખમી જ્વલનશીલ પ્રવાહી (બાયોડીઝલ)નો સંગ્રહ કરવામાં આવ્યો હોવાની ચોક્કસ બાતમી પોલીસને મળી હતી. બાતમીના આધારે પોલીસે મોડી રાત્રે અચાનક રેડ પાડતા કૌભાંડીઓમાં નાસભાગ મચી ગઈ હતી. 2.40 લાખની કિંમતનું બાયોડીઝલ જપ્ત, એક પકડાયો પોલીસે આ ઓપરેશન દરમિયાન ઘટના સ્થળેથી નીચે મુજબની કાયદેસરની કાર્યવાહી કરી છે. સ્થળ પરથી ગેરકાયદેસર રીતે રાખવામાં આવેલો કુલ 3200 લીટર બાયોડીઝલનો જથ્થો મળી આવ્યો હતો, જેની આશરે બજાર કિંમત રૂપિયા 2.40 લાખ જેટલી થાય છે. પોલીસે સ્થળ પરથી આ ગેરકાયદે નેટવર્કમાં સામેલ મહેશ પટેલ નામના એક આરોપીની ધરપકડ કરી લીધી છે. કૌભાંડના તાર ક્યાં સુધી જોડાયેલા છે? આ કૌભાંડનો મુખ્ય સૂત્રધાર અને અન્ય એક આરોપી હાલ ફરાર હોવાથી પોલીસે તેને વોન્ટેડ જાહેર કરીને તેની શોધખોળ આદરી છે. નદી અને દરિયાઈ પટ્ટી ધરાવતા આ વિસ્તારમાં ઝીંગા તળાવની આડમાં આટલો મોટો જથ્થો કોને સપ્લાય કરવાનો હતો અને આ કૌભાંડના તાર ક્યાં સુધી જોડાયેલા છે, તે દિશામાં ડુમસ પોલીસે ગુનો નોંધીને વધુ તપાસના ચક્રો ગતિમાન કર્યા છે. આ પણ વાંચો - Surat News: ઓલપાડમાં બે બોગસ ડોક્ટરો ઝડપાયા!
Read Full Story arrow_forward
