Ahmedabad: કોમનવેલ્થ ગેમ્સની થીમ પર યોજાશે ફિટ ઇન્ડિયા સન્ડે ઓન સાયકલ
વડાપ્રધાન નરેન્દ્ર મોદીના "દિવસમાં અડધો કલાક ફિટનેસનો એક ડોઝ" ના આહવાનને ચરિતાર્થ કરવા માટે દેશભરમાં ચાલી રહેલી સૌથી મોટી સમુદાય ફિટનેસ મુવમેન્ટ હવે તેના એક ઐતિહાસિક પડાવ પર પહોંચી ગઈ છે. 'ફિટ ઇન્ડિયા સન્ડે ઓન સાયકલ' ઝુંબેશના 75માં સંસ્કરણનું ભવ્ય આયોજન અમદાવાદ ખાતે થવા જઈ રહ્યું છે. આ વખતની ઇવેન્ટ ખાસ એટલા માટે છે કારણ કે તેને "2030સુધી ફિટર ઇન્ડિયા પેડલિંગ માટે એક નવું ચિહ્ન" ની થીમ હેઠળ આગામી કોમનવેલ્થ ગેમ્સની તૈયારીઓ અને રમતગમત સંસ્કૃતિને પ્રોત્સાહન આપવાના લક્ષ્ય સાથે જોડવામાં આવી છે. અમદાવાદમાં મુખ્ય ઇવેન્ટની સાથે દેશભરમાં 8000 થી વધુ સ્થળોએ એકસાથે સાયકલિંગ અને હેલ્થ ઇવેન્ટ્સ યોજાશે.રાજકીય, બોલિવૂડ અને સ્પોર્ટ્સ સેલિબ્રિટીઓનો મેળાવડોઅમદાવાદમાં યોજાનારા આ મહાકુંભનું નેતૃત્વ કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયા કરશે, જેમની સાથે ગુજરાતના ગૃહ અને રમતગમત મંત્રી હર્ષ સંઘવી પણ ખાસ ઉપસ્થિત રહેશે. ઇવેન્ટમાં યુવાનોને પ્રેરિત કરવા માટે બોલિવૂડના દિગ્ગજ અભિનેતા આયુષ્માન ખુરાના ઉપરાંત દેશનું ગૌરવ વધારનારા ઓલિમ્પિક અને કોમનવેલ્થ મેડલ વિજેતા ખેલાડીઓ પણ સાયકલ ટ્રેક પર ઉતરશે. જેમાં ભારતીય મહિલા હોકી ટીમની દિગ્ગજ ખેલાડીઓ ગુરજીત કૌર, રજની એતિમારપુ અને સોનિકા ટાન્ડી, જાણીતા શૂટર્સ અંકુર મિત્તલ અને અંજુમ મુદગિલ તેમજ બેડમિન્ટન સ્ટાર તૃપ્તિ મુરગુન્ડેનો સમાવેશ થાય છે.છેલ્લા 12 વર્ષના ભારતીય રમત જગતની સિદ્ધિઓનું પ્રદર્શનઆ કાર્યક્રમ માત્ર સાયકલિંગ પૂરતો સીમિત નહીં રહે, પરંતુ અહીં આવનારા નાગરિકો માટે એક વિશેષ ડિજિટલ અને ફિઝિકલ એક્ઝિબિશન (પ્રદર્શન) નું આયોજન કરાયું છે. જેમાં છેલ્લા 12 વર્ષમાં ભારતે ઓલિમ્પિક, પેરાલિમ્પિક અને કોમનવેલ્થ જેવી વૈશ્વિક સ્પર્ધાઓમાં મેળવેલી ઐતિહાસિક સિદ્ધિઓ દર્શાવવામાં આવશે. આ ઉપરાંત કેન્દ્ર સરકારની મહત્વાકાંક્ષી યોજના 'ખેલો ઇન્ડિયા મિશન' અને મેક ઇન ઇન્ડિયા હેઠળ ભારતમાં રમતગમતના આધુનિક સાધનોના ઉત્પાદનને વેગ આપતી સ્કીમ્સ મોડલ સ્વરૂપે રજૂ કરાશે.રાષ્ટ્રીય સ્તરની ઓનલાઇન ક્વિઝઇવેન્ટના પૂર્વ તૈયારીના ભાગરૂપે 'માય ભારત' (MY Bharat) ડિજિટલ પ્લેટફોર્મ પર રાષ્ટ્રીય સ્તરની ઓનલાઇન ક્વિઝ, રીલ-મેકિંગ અને મશાલ-ડિઝાઇનિંગ સ્પર્ધાઓ યોજાઈ હતી, જેમાં દેશના 1 લાખથી વધુ ઉત્સાહી યુવાનોએ ભાગ લીધો હતો. અત્યાર સુધીમાં આ ઝુંબેશ તેની 74 આવૃત્તિઓ દ્વારા દેશના ૩ લાખથી વધુ લોકેશન્સ પર પહોંચીને 7કરોડથી વધુ લોકોને ફિટનેસ પ્રત્યે જાગૃત કરી ચૂકી છે.આ પણ વાંચો: Rajkot: પડધરીના ખાખડાબેલા ગામના રસ્તે યુવકની હત્યા, કાર પાસેથી મળ્યો મૃતદેહ
Read Full Story arrow_forward
