Ahmedabad: ધોલેરા ભાવનગર હાઈવે રક્તરંજીત થયો
ધોલેરા ભાવનગર હાઈવે પર આવેલા ભાલ પંથકના ભરભીડ ટોલનાકાથી અંદાજે એક કિલોમીટર દૂર ત્રણ નંબરની ખાડી પાસે મંગળવારે મોડી રાત્રે માર્ગ અકસ્માત સર્જાયો હતો. બનાવ અંગેની મળતી પ્રાથમિક માહિતી મુજબ, ઓવર સ્પીડમાં આવી રહેલી ફેરવીલ કાર આગળ જતાં કન્ટેનરના પાછળના ભાગમાં જોરદાર રીતે ઘૂસી જતા આ દુર્ઘટના બની હતી.આ ગંભીર અકસ્માતમાં કારમાં સવાર રહેલા વિરેન્દ્રસિંહ કિરીટસિંહ સરવૈયા, બળભદ્રસિંહ રણજીતસિંહ ચુડાસમા અને ઈમ્તિયાઝભાઈ મલેકનું ઘટનાસ્થળે જ દુઃખદ મોત નિપજ્યું હતું. અકસ્માત એટલો ભયાનક હતો કે કારના કુરછા ઉડી ગયા હતા અને ત્રણેય મૃતદેહોને ભારે જહેમત બાદ બહાર કાઢવામાં આવ્યા હતા. ઘટનાની જાણ થતા તાત્કાલિક રાહત અને બચાવ કામગીરી હાથ ધરવામાં આવી હતી. મૃતદેહોને ભાવનગર સર ટી હોસ્પિટલ ખાતે ખસેડવામાં આવ્યા હતા, જ્યાં મોટી સંખ્યામાં લોકો એકત્ર થતા શોકનો માહોલ છવાઈ ગયો હતો. અકસ્માતના બનાવ અંગે સ્થાનિક પોલીસ દ્વારા તપાસ હાથ ધરવામાં આવી છે. અકસ્માતના બનાવ અંગેની વધુમાં મળતી માહિતી મુજબ, ત્રણેય મિત્રો દિલ્હીથી અમદાવાદ આવી ત્યારબાદ ભાવનગર પરત ફરી રહ્યા હતા, ત્યારે આ દુર્ઘટના ઘટી હતી, જેના કારણે તેમના પરિવારજનોમાં શોકની લાગણી છવાઈ ગઈ છે. હાઈવે પર કન્ટેનર સાથે ભયાનક ટક્કરથી કારના કુરછા ઉડી ગયા હતા અકસ્માત દરમિયાન કાર સીધી કન્ટેનરના પાછળના ભાગમાં ઘૂસી જતા કાર સંપૂર્ણ રીતે ક્ષતિગ્રસ્ત બની ગઈ હતી. અકસ્માતની ગંભીરતા એટલી હતી કે ત્રણેય યુવાનોનાં મૃતદેહોને બહાર કાઢવા માટે ભારે મહેનત કરવી પડી હતી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
