Tharadમાં 2 લાખના મેફેડ્રોન સાથે કોર્પોરેટર સહિત ત્રણ ઝડપાયા
વાવ થરાદ જિલ્લામાં નશાના કારોબાર સામે લાલ આંખ કરનારી એસઓજી પોલીસને એક મોટી સફળતા મળી છે. વાવ-થરાદ હાઈવે પંથકમાં વાહન ચેકિંગ દરમિયાન પોલીસે લાખો રૂપિયાની કિંમતનું કીમતી મેફેડ્રોન (MD) ડ્રગ્સ ઝડપી પાડ્યું છે. સૌથી ચોંકાવનારી બાબત એ છે કે, આ ડ્રગ્સ રેકેટના તાર સ્થાનિક રાજકારણ સાથે જોડાયા છે અને થરાદ નગરપાલિકાના એક સિટિંગ કોર્પોરેટરની ડ્રગ્સ સાથે ધરપકડ કરવામાં આવી છે.વાહન ચેકિંગ દરમિયાન ફૂટ્યો ભાંડો, 66 ગ્રામથી વધુ ડ્રગ્સ જપ્ત ઘટનાની મળતી વિગતો અનુસાર, વાવ-થરાદ એસઓજીની ટીમ વિસ્તારમાં કાયદો અને વ્યવસ્થા જાળવવા તેમજ નશાખોરી ડામવા માટે સઘન વાહન ચેકિંગ કરી રહી હતી. તે દરમિયાન એક શંકાસ્પદ કારને રોકીને તલાશી લેવામાં આવતા તેમાંથી 66.750 ગ્રામ માદક પદાર્થ મેફેડ્રોન ડ્રગ્સ મળી આવ્યું હતું. આ આંતરરાષ્ટ્રીય બજાર કિંમત મુજબ આશરે રૂપિયા 2 લાખની કિંમતનું ડ્રગ્સ હોવાનું સામે આવ્યું છે. કોર્પોરેટર સહિત આ 3 આરોપીઓની થઈ ધરપકડ પોલીસે ઘટના સ્થળેથી ડ્રગ્સની હેરાફેરી અને લેતીદેતીમાં સંડોવાયેલા 3 મુખ્ય શખ્સોને દબોચી લીધા છે, જેમાં મોટા ગજાના નામો ખુલ્યા છે. સુરેશ ત્રિવેદી (કાર ચાલક): જેઓ થરાદ નગરપાલિકાના કોર્પોરેટર હોવાનું સામે આવ્યું છે. બાબુ પઢીયાર (રહે. થરાદ): જેણે આ ડ્રગ્સનો જથ્થો મંગાવ્યો હોવાનું ખુલ્યું છે. રાણારામ ચૌધરી (રહે. સાંચોર, રાજસ્થાન): જે રાજસ્થાન સરહદેથી આ ડ્રગ્સની ડિલિવરી આપવા માટે થરાદ આવ્યો હતો. કાર અને ડ્રગ્સ સહિત રૂ. 7.12 લાખનો મુદ્દામાલ કબ્જે પોલીસે આ સમગ્ર રેડ દરમિયાન 2 લાખ રૂપિયાની કિંમતનું એમડી ડ્રગ્સ, ગુનામાં વપરાયેલી લક્ઝુરિયસ કાર અને આરોપીઓના મોબાઈલ ફોન સહિત કુલ રૂપિયા 7.12 લાખનો મુદ્દામાલ જપ્ત કર્યો છે. આગળની કાર્યવાહી થરાદ નગરપાલિકાના કોર્પોરેટર ડ્રગ્સ સાથે ઝડપાતા સમગ્ર બનાસકાંઠાના રાજકારણમાં અને સ્થાનિક પંથકમાં ભારે ચકચાર મચી ગઈ છે. એસઓજી પોલીસે આ ત્રણેય આરોપીઓને આગળની કાયદેસરની કાર્યવાહી માટે થરાદ પોલીસ મથકે સોંપ્યા છે. થરાદ પોલીસે નાર્કોટિક્સ (NDPS) એક્ટ હેઠળ ગુનો નોંધીને આ ડ્રગ્સ નેટવર્ક ક્યાં સુધી ફેલાયેલું છે, અને અગાઉ તેઓ કેટલા જથ્થાની હેરાફેરી કરી ચૂક્યા છે તે દિશામાં સઘન પૂછપરછ અને તપાસ હાથ ધરી છે. આ પણ વાંચો - Banaskantha News: થરાદ પોલીસ સ્ટેશનમાં રેન્જ IGP પરીક્ષિતા રાઠોડનું સરપ્રાઈઝ ઈન્સ્પેક્શન
Read Full Story arrow_forward
