Bharuch: ઝઘડિયા તાલુકાના અવિધા ગામે આંગણવાડી જર્જરિત હાલતમાં
ઝઘડિયા તાલુકામાં સરકારી તંત્ર ની વધુ એક લાલીયાવાળી સામે આવી છે. સાસંદ મનસુખ વસાવાએ દત્તક લીધેલા અવિધા ગામે જર્જરિત આંગણવાડીના મકાનને કારણે બાળકો ખુલ્લા વાડામાં બેસવા મજબૂર બન્યા છે. સાસંદે દત્તક લીધેલા ગામમાં જ પ્રાથમિક સુવિધાઓના અભાવને લઈને સવાલો ઉભા થઈ રહ્યા છે.ભરૂચ જિલ્લાના સાંસદ મનસુખ વસાવા દ્વારા દત્તક લેવામાં આવેલા ઝઘડિયા તાલુકાના અવિધા ગામમાં પ્રાથમિક સુવિધાઓની સ્થિતિ સામે સવાલો ઉભા થયા છે. ગામમાં આવેલી આંગણવાડીનું મકાન છેલ્લા પાંચ વર્ષથી જર્જરિત હાલતમાં હોવાના કારણે નાના ભૂલકાઓને મુશ્કેલીનો સામનો કરવો પડી રહ્યો છે. આંગણવાડી કાર્યકર દ્વારા બાળકો માટેનું ભોજન પોતાના ઘરે બનાવવામાં આવતું હોવાની તેમજ આંગણવાડીની બાજુમાં આવેલા મકાનમાં આંગણવાડીની કામગીરી ચલાવવામાં આવતી હોવાનું નજરે પડી રહ્યું છે.સ્થાનિકો લોકોના જણાવ્યા મુજબ જર્જરિત આંગણવાડીના સ્થાને નવી આંગણવાડીની ઇમારત બનાવવા માટેની પ્રક્રિયા લાંબા સમયથી ચાલી રહી છે. પરંતુ કામગીરી આગળ વધતી ન હોવાના કારણે બાળકોને હાલાકી ભોગવવી પડી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
