Gandhinagar : ડાર્ક વેબ અને ક્રિપ્ટોથી ચાલતા ટેરર ફાયનાન્સિંગ-ડ્રગ્સ રેકેટના 9 હાઈટેક સાગરીતો ઝબ્બે
ગાંધીનગરમાંથી દેશની સુરક્ષા એજન્સીઓને ચોંકાવી દે તેવા સૌથી મોટા ઓપરેશનની સફળતા સામે આવી છે. ગાંધીનગરમાં સક્રિય એવા એક ખૂબ જ મોટા 'ઈન્ટરનેશનલ ડ્રગ્સ નેટવર્ક' અને તેની સાથે જોડાયેલા 'ટેરર ફાયનાન્સિંગ' (આતંકવાદીઓને નાણાકીય સહાય પૂરી પાડવી) રેકેટનો પર્દાફાશ થયો છે. સાયબર સેન્ટર ઓફ એક્સેલન્સ દ્વારા એક અત્યંત ગુપ્ત અને હાઈટેક ઓપરેશન હાથ ધરીને આ આખા નેટવર્કનો સફાયો કરવામાં આવ્યો છે. આ ઓપરેશન દરમિયાન મુખ્ય સુત્રધારો સહિત 9 જેટલા હાઈટેક આરોપીઓની ધરપકડ કરવામાં આવી છે.ટીમે લાંબા સમય સુધી ડિજિટલ ટ્રેકિંગ કર્યું મળતી માહિતી મુજબ, આ આંતરરાષ્ટ્રીય ગેંગ સામાન્ય રીતે પકડી ન શકાય તે માટે અત્યંત ગુપ્ત એવા 'ડાર્ક વેબ' અને 'ક્રિપ્ટો કરન્સી'ના માધ્યમથી પોતાનો કાળો કારોબાર ચલાવતી હતી. ડ્રગ્સના વેચાણમાંથી મળતી કરોડો રૂપિયાની કમાણી ક્રિપ્ટો કરન્સી મારફતે આતંકી સંગઠનો સુધી પહોંચાડવામાં આવતી હોવાનો સનસનાટીભર્યો ખુલાસો થયો છે. ટેકનોલોજીની આડમાં દેશ વિરોધી પ્રવૃત્તિઓ ચલાવતા આ શખસોને પકડવા માટે સાયબર એક્સપર્ટ્સની ટીમે લાંબા સમય સુધી ડિજિટલ ટ્રેકિંગ કર્યું હતું. હાઈટેક ઓપરેશન અને સઘન પૂછપરછ આરોપીઓ અત્યંત આધુનિક ટેકનોલોજીનો ઉપયોગ કરતા હોવાથી સાયબર સેન્ટર ઓફ એક્સેલન્સ દ્વારા પણ તેટલી જ એડવાન્સ હાઈટેક ટેકનોલોજીનો ઉપયોગ કરીને ડિજિટલ ફૂટપ્રિન્ટ્સ ટ્રેસ કરવામાં આવ્યા હતા અને અલગ-અલગ જગ્યાએ દરોડા પાડી 9 કાવતરાખોરોને દબોચી લેવાયા હતા. સુરક્ષા એજન્સીઓ દ્વારા સઘન પૂછપરછ શરૂ હાલમાં આ તમામ ઝડપાયેલા શખસોની સુરક્ષા એજન્સીઓ દ્વારા સઘન પૂછપરછ શરૂ કરી દેવામાં આવી છે. આ ઇન્ટરનેશનલ રેકેટના તાર પાકિસ્તાન, અફઘાનિસ્તાન કે અન્ય કોઈ દેશ સાથે જોડાયેલા છે કે કેમ? તેમજ ભારતમાં અન્ય કોણ કોણ આ લિંકમાં સામેલ છે, તે દિશામાં તપાસનો ધમધમાટ તેજ કરવામાં આવ્યો છે. આગામી દિવસોમાં આ મામલે અનેક મોટા ખુલાસા થવાની સંભાવના છે.આ પણ વાંચો--- Gandhinagar : ભાજપે પદાધિકારીઓની નિમણૂક મુદ્દે આપ્યું મોટું નિવેદન,વાંચો ક્યારે થશે નામો જાહેર
Read Full Story arrow_forward
