Surat: ભાવનગરમાં ટેમ્પો ચાલકની હત્યા કરી1.20લાખ લૂંટનાર કુખ્યાત આરોપીને સુરત પોલીસે અમદાવાદથી દબોચ્યો
વર્ષ 2009માં ભાવનગરના વેળાવદર વિસ્તારમાં એક ટેમ્પો ચાલકની ઘાતકી હત્યા કરી રોકડ રકમની લૂંટ ચલાવી ફરાર થઈ ગયેલા મુખ્ય આરોપીને પોલીસે 17 વર્ષના લાંબા ગાળા બાદ અમદાવાદથી જીવતો ઝડપી પાડ્યો છે.ટેમ્પો ચાલકની હત્યા અને 1.20 લાખની લૂંટઆ ચકચારી કેસની વિગત એવી છે કે, આજથી આશરે 17 વર્ષ પહેલાં ભાવનગરના વેળાવદર પોલીસ મથકની હદમાં એક ટેમ્પો ચાલકને નિશાન બનાવવામાં આવ્યો હતો. લૂંટારૂઓએ ટેમ્પો ચાલકની ક્રૂરતાપૂર્વક હત્યા કરી નાખી હતી અને તેની પાસે રહેલા રૂપિયા 1.20 લાખની રોકડ રકમની લૂંટ ચલાવીને નાસી છૂટ્યા હતા. આ જઘન્ય ગુના અંગે વેળાવદર પોલીસ મથકે ગુનો નોંધાયો હતો, પરંતુ મુખ્ય આરોપી પોલીસ પકડથી સતત દૂર ભાગી રહ્યો હતો અને પોતાની ઓળખ બદલીને જુદા-જુદા શહેરોમાં આશરો લઈ રહ્યો હતો.સુરત પીસીબીની બાતમી અને અમદાવાદમાં ઓપરેશનદરમિયાન, સુરત પીસીબી પોલીસને ચોક્કસ ટેકનિકલ સોર્સિસ અને બાતમીદારો પાસેથી માહિતી મળી હતી કે, આ ગુનાનો વોન્ટેડ આરોપી અમદાવાદમાં છુપાયેલો છે અને સામાન્ય નાગરિકની જેમ જીવન વિતાવી રહ્યો છે. આ બાતમીના આધારે સુરત પીસીબીની ટીમે તાત્કાલિક અમદાવાદમાં દરોડો પાડીને આરોપી નાગેન્દ્ર ઉર્ફે મોનુભાઇ સરોજ ને રંગેહાથ ઝડપી લીધો હતો.આ પણ વાંચો: Banaskantha: ઐતિહાસિક અંબા મહેલ પરિસરમાં આગ લાગતાં અફરાતફરી, ફિલ્મ સિટીના અનેક સેટ અને ઓરડા બળીને ખાખ
Read Full Story arrow_forward
