Delhi: 21 મેથી દિલ્હીમાં ટેક્સીઓના પૈડાં થંભી જશે! ભાડા વધારાની માગ સાથે કરશે ચક્કાજામ
દેશની રાજધાની દિલ્હીમાં પેટ્રોલ, ડીઝલ અને સીએનજી (CNG) ના ભાવમાં થઈ રહેલા સતત વધારાથી પરેશાન વાણિજ્યિક વાહન ચાલકો હવે આરપારની લડાઈના મૂડમાં આવી ગયા છે. પોતાની પડતર માંગણીઓ સંતોષવા માટે દિલ્હીના વિવિધ ડ્રાઇવર યુનિયનો દ્વારા આગામી 21 મેથી 23 મે સુધી ત્રણ દિવસની રાષ્ટ્રવ્યાપી હડતાળ એટલે કે 'ચક્કાજામ'ની સત્તાવાર જાહેરાત કરવામાં આવી છે. આ હડતાળના કારણે દિલ્હી અને તેની આસપાસના વિસ્તારોમાં પરિવહન વ્યવસ્થા ખોરવાય તેવી પૂરેપૂરી સંભાવના છે. મુખ્યમંત્રી અને લેફ્ટનન્ટ ગવર્નરને પત્ર આ ત્રણ દિવસીય આંદોલનને સફળ બનાવવા અને પોતાની વાતો સરકાર સુધી પહોંચાડવા માટે ઓલ ઈન્ડિયા મોટર ટ્રાન્સપોર્ટ કોંગ્રેસે વહીવટી સ્તરે સક્રિયતા બતાવી છે. યુનિયન દ્વારા સોમવારે દિલ્હીના લેફ્ટનન્ટ ગવર્નર તરનજીત સિંહ સંધુ અને મુખ્યમંત્રી રેખા ગુપ્તાને સત્તાવાર પત્ર લખીને ડ્રાઇવરોની ગંભીર સમસ્યાઓથી વાકેફ કરવામાં આવ્યા છે અને તેમની માંગણીઓ તાકીદે પૂરી કરવા રજૂઆત કરાઈ છે. ડ્રાઇવરોની મુખ્ય માંગણીઓ અને મુશ્કેલીઓ વાહન ચાલકોની મુખ્ય માંગણીઓમાં ટેક્સી અને ઓટોના મૂળ ભાડામાં વધારો કરવો તેમજ વધતા જતા બળતણના ભાવને ધ્યાનમાં રાખીને રેટ લિસ્ટની નવી સમીક્ષા કરવાનો સમાવેશ થાય છે. ડ્રાઇવરોનું કહેવું છે કે મોંઘવારીના પ્રમાણમાં તેમની આવકમાં કોઈ વધારો થયો નથી, જેના કારણે ઘર ચલાવવું મુશ્કેલ બન્યું છે. 21, 22 અને 23 મેના રોજ કરશે ચક્કાજામ ચાલક શક્તિ યુનિયન'ના ઉપપ્રમુખના જણાવ્યા અનુસાર, "CNG, પેટ્રોલ અને ડીઝલના સતત વધી રહેલા ભાવોને કારણે મધ્યમ વર્ગના વાહનચાલકો માટે તેમના પરિવારનું ગુજરાન ચલાવવું અત્યંત સંઘર્ષપૂર્ણ બની ગયું છે. આ જ કારણે દિલ્હીના અન્ય તમામ સંગઠનો સાથે પરસ્પર સંકલન સાધીને 21, 22 અને 23 મેના રોજ 'ચક્કા જામ'નું આહ્વાન કરવામાં આવ્યું છે." તેમણે લોકોને પણ આ ત્રણ દિવસ દરમિયાન સહકાર આપવા અને વ્યાપારી વાહનોનો ઉપયોગ ન કરવા વિનંતી કરી છે. અસહ્ય ગરમી વચ્ચે બેવડો માર એક તરફ ઈંધણના ભાવ આસમાને છે તો બીજી તરફ દિલ્હીથી લઈને રાજસ્થાન સુધી આકરા ઉનાળાએ તબાહી મચાવી છે, જ્યાં તાપમાન ૪૮°C ની નજીક પહોંચી ગયું છે. આવી ગંભીર સ્થિતિમાં પણ ટેક્સી અને ઓટો ચાલકો લાંબા સમયથી યોગ્ય ભાડું મેળવવા માટે સંઘર્ષ કરી રહ્યા છે. યુનિયનોએ દિલ્હીના તમામ નાના-મોટા વાણિજ્યિક વાહન ચાલકોને અપીલ કરી છે કે તેઓ આ દિવસો દરમિયાન પોતાના વાહનો રસ્તા પર ન ઉતારે અને આ લડાઈમાં સાથ આપે. આ પણ વાંચોઃ Twisha Sharma death: ટ્વીશા શર્મા કેસમાં આવ્યો નવો વળાંક, મોત મામલે CCTV ફૂટેજ આવ્યા સામે..
Read Full Story arrow_forward
