Community News & Updates

Stay informed with the latest happenings, achievements, and announcements from our community.

All News

calendar_today May 19, 2026

Surat News : બારડોલીમાં તત્કાલિકન PI અને પોલીસ કોન્સ્ટેબલને એક વર્ષની કેદ અને 10 હજારનો દંડ ફટકારાયો

2008માં બારડોલી તાલુકાના અસ્તાન ગામે ચકચારી હત્યાકેસમાં પોલીસે લાશની બારોબાર અંતિમ વિધિ કરાવી પુરાવાનો નાશ કર્યો હતો. અસ્તાન ગામે યુવાનની મળેલી લાશના ગુનામાં આ બેદરકારી દાખવવા બદલ બારડોલીના તત્કાલીન પીઆઈ વીએ પટેલ અને પો.કો.ને એક વર્ષની કેદ અને દંડની સજા ફટકારવામાં આવી છે. પુરાવાના નાશ કરવાની કલમો હેઠળ ગુનો આ કેસની વિગતો અનુસાર, બારડોલીના અસ્તાન ગામની નહેરમાંથી આશિષ દૈવીલાલ નામના યુવકની લાશ શંકાસ્પદ હાલતમાં મળી આવી હતી.આ યુવાનને પૈસાની લેતીદેતીમાં તેના મિત્રએ બિયર પીવાના બહાને બોલાવી આ નહેર પર તેની સાથે મારપીટ કરી તેનું મોત નિપજાવી લાશને નહેરના પાણીમાં નાખી દીધી હતી. પોલીસે આ બનાવમાં હત્યા સહિતનો ગુનો નોંધવાના બદલે લાશને નહેરમાંથી કાઢી બારોબાર અંતિમ વિધિ કરાવી દીધી હતી. મૃતક આશિષના પિતાની ફરિયાદ આધારે ઉચ્ચ પોલીસ અધિકારીઓએ તપાસના અંતે આ બનાવમાં બારડોલીના તત્કાલીન પીઆઈ. એએસઆઈ અને પોલીસ કોન્સ્ટેબલ વિરુદ્ધ હત્યા સહિત પુરાવાના નાશ કરવાની કલમો હેઠળ ગુનો દાખલ થયો હતો. આ કેસમાં ASIનું મૃત્યુ થયું છે આ કેસ સમવારે બારડોલી સેશન્સ કોર્ટમાં ચાલી જતાં કોર્ટે ફરજમાં બેદરકારી બદલ બારડોલીના તત્કાલીન પી.આઈ. વી.એ. પટેલ, પો. કો. મહેન્દ્ર લાલચંદને એક વર્ષની સાદી કેદ અને દંડ ફટકારતો હુકમ કર્યો હતો. આ કેસમાં એ.એસ. આઈ. નટુ ચૌધરીનું અગાઉ મૃત્યુ થયું છે. મરનાર આશિપના પિતા ફરિયાદી દેવીલાલ ભેરૂલાલ પારેખે બારડોલી પોલીસ સ્ટેશનમાં નોંધાવેલી ફરિયાદમાં બારડોલી પોલીસ સ્ટેશનમાં જે તે સમયના પોલીસ ઈન્સ્પેક્ટર વી. એ. પટેલને પણ આરોપી તરીકે દર્શાવવામાં આવેલા હતા. રજૂ થયેલ પુરાવાઓને ધ્યાને લઈ કોર્ટે આરોપી બારડોલી પોલીસ સ્ટેશનના તત્કાલીન પી. આઈ. વી.એ.પટેલ અને પો.કો.મહેન્દ્રભાઈ લાલચંદ પાટિલ સામે ફરજ પ્રત્યે બેદરકારી પુરવાર થતાં 1 વર્ષની કેદ તથા રૂ. 10 હજારનો દંડ મુજબની સજા કરતો હુકમ કર્યો છે. આ કેસમાં સંડોવાયેલા બારડોલી પોલીસ સ્ટેશનના તત્કાલીન એ.એસ.આઈ. નટુભાઈ ચૌધરી અગાઉ મૃત્યુ પામી ચૂક્યા છે. આ પણ વાંચોઃ Petrol Diesel Price: દેશમાં પાંચ દિવસમાં ફરી વધ્યા પેટ્રોલ અને ડીઝલના ભાવ, જાણો કેટલો થયો વધારો

Read Full Story arrow_forward

calendar_today May 19, 2026

Surat News : સાંઇદર્શન માર્કેટના વેપારીનું ઉઠમણું, 19 વેપારીના 1.41 કરોડ સલવાયા

સુરત શહેરમાં રિંગરોડ સ્થિત સાઈદર્શન માર્કેટના વેપારી નિતેશ અગ્રવાલ વિરુદ્ધ વધુ એક ગુનો નોંધાયો છે. ઉઠમણું કરનારા નિતેશ અગ્રવાલે દલાલો સાથે મળી 19 જેટલા વેપારીઓ પાસેથી સાડી, એમ્બ્રોઇડરી જોબવર્ક, ડાયમંડ સ્ટોન વર્ક અને સિલાઈનો માલ પડાવી પોતાની દુકાન અને મોબાઈલ બંધ કરી રફુચક્કર થઈ ગયો હતો. પેમેન્ટની ઉઘરાણી કરવા છતાં વાયદાઓ જ મળતા મળતી માહિતી મુજબ, અમરોલી સૃષ્ટિ રો-હાઉસ પાસે દેવમ એમ્બ્રો પાર્કમાં સિયારામ એમ્બ્રો આર્ટના નામે જોબવર્કનો વ્યવસાય કરતા પવન ધીરુભાઈ ચાંદપરા છેલ્લા કેટલાક સમયથી એમ્બ્રોઈડરીનું કામકાજ કરે છે. આશરે ત્રણેક વર્ષ પહેલાં તેમની મુલાકાત દલાલ સુરેશભાઈ લાખણકયા સાથે થઈ હતી. સુરેશભાઈએ પવનભાઈનો સંપર્ક સલાબતપુરા રિંગરોડ પર સાંઈદર્શન માર્કેટમાં જય જીન ફેબના નામે કાપડનો વેપાર કરતા નિતેશ સાવરમલ અગ્રવાલ સાથે કરાવ્યો હતો. નિતેશ અગ્રવાલે માર્કેટમાં પોતાની સારી શાખ હોવાની અને 45થી 120 દિવસમાં સમયસર પેમેન્ટ ચૂકવી આપવાની ખાતરી આપી શરૂઆતમાં પેમેન્ટ સમયસર ચૂકવ્યા બાદ નિતેશ અગ્રવાલે પવનભાઈની પેઢીમાંથી 48.06 લાખનું એમ્બ્રોઈડરી જોબવર્ક કરાવી માલ મેળવી લીધો હતો. જોકે, પેમેન્ટની ઉઘરાણી કરવા છતાં તે માત્ર વાયદાઓ જ આપતો રહ્યો હતો. દલાલ મુકેશભાઈ બલ્લર વિરુદ્ધ ગુનો પેમેન્ટની મુદત વીતી જતાં પવનભાઈ જ્યારે સાંઈદર્શન માર્કેટ સ્થિત નિતેશ અગ્રવાલની દુકાને પહોંચ્યા ત્યારે ત્યાં તાળું લટકતું જોવા મળ્યું હતું. એટલું જ નહીં. માર્કેટમાં તેમના જેવા અન્ય 18 જેટલા વેપારીઓ પણ પોતાની ઉઘરાણી માટે ત્યાં એકઠા થયા હતા. વેપારીઓએ જયારે નિતેશ અગ્રવાલ, દલાલ સુરેશભાઈ લાખણકીયા અને અન્ય એક દલાલ મુકેશભાઈ પોપટભાઈ બલ્લરના મોબાઈલ નંબર પર સંપર્ક કરવાનો પ્રયાસ કર્યો તો તમામના ફોન સ્વિચ ઓફ આવ્યા હતા. આરોપીઓ આયોજનબદ્ધ રીતે કરોડો રૂપિયાનું ઉઠમણું કરી ભાગી ગયા હોવાનું જણાતાં વેપારીઓ પગ નીચેથી જમીન સરકી ગઈ હતી. આ મામલે અમરોલી પોલીસે પવન ચાંદપરાની ફરિયાદના આધારે નિતેશ સાવરમલ અગ્રવાલ, દલાલ સુરેશભાઈ લાખણકીયા અને દલાલ મુકેશભાઈ બલ્લર વિરુદ્ધ ગુનો નોંધી વધુ તપાસ આદરી છે. આ પણ વાંચોઃ Petrol Diesel Price: દેશમાં પાંચ દિવસમાં ફરી વધ્યા પેટ્રોલ અને ડીઝલના ભાવ, જાણો કેટલો થયો વધારો

Read Full Story arrow_forward

calendar_today May 19, 2026

Dang: પૂર્વ પટ્ટીના વનવિસ્તારમાં લાગી ભયાનક આગ, ભારે જહેમત બાદ વન વિભાગે સ્થિતિ થાળે પાડી

ડાંગ જિલ્લાના પૂર્વ પટ્ટી વિસ્તારના જંગલોમાં ફરી એકવાર દાવાનળ (જંગલની આગ) ની ઘટના સામે આવી છે. ઉત્તર ડાંગ વનવિસ્તાર હેઠળ આવતા ચિંચલી માદલબારીના જંગલમાં અચાનક કોઈ કારણસર ભીષણ આગ ફાટી નીકળી હતી. સૂકા પાંદડા અને પવનના કારણે આગે જોતજોતામાં રૌદ્ર સ્વરૂપ ધારણ કરી લીધું હતું અને જંગલના મોટા વિસ્તારને પોતાની ઝપેટમાં લઈ લીધો હતો.સ્થાનિકો અને વનકર્મીઓનું સંયુક્ત રેસ્ક્યુજંગલમાંથી અચાનક ધુમાડાના ગોટેગોટા અને આગની જ્વાળાઓ નીકળતી જોઈને આસપાસના ગામડાઓમાં રહેતા સ્થાનિક આદિવાસી ગ્રામજનો તાત્કાલિક ઘટનાસ્થળે દોડી ગયા હતા. સ્થાનિકોએ આ અંગે વન વિભાગના અધિકારીઓને ત્વરિત જાણ કરી હતી. ફાયર ફાઇટર કે આધુનિક સાધનો પહોંચી શકે તેમ ન હોવાથી, પરંપરાગત રીતે સ્થાનિક ગ્રામજનોએ ઝાડના ડાખરા અને ડાળીઓ કાપીને તેના વડે આગને ઝૂડીને ઓલવવાનો પ્રશંસનીય પ્રયાસ કર્યો હતો. ત્યારબાદ વન વિભાગના કર્મચારીઓનો કાફલો પણ ઘટનાસ્થળે પહોંચી ગયો હતો અને ભારે જહેમત બાદ આગ પર સંપૂર્ણ કાબૂ મેળવ્યો હતો.આ પણ વાંચો: Surat: લસકાણામાં 'નો એન્ટ્રી' માં ઘૂસેલા 22 ટ્રક-ડમ્પર સામે ગુનો દાખલ, જાહેરનામા ભંગ બદલ વાહનો ડિટેઈન

Read Full Story arrow_forward