Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 18 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
અમદાવાદના હાર્દ સમાન માણેકચોક સોના-ચાંદી બજારમાં છેલ્લા ઘણા સમયથી ધમધમી રહેલી ગેરકાયદેસર ભઠ્ઠીઓ અને કોલસા સપ્લાયનો મુદ્દો હવે જોર પકડી રહ્યો છે. આ ભઠ્ઠીઓના ઝેરી ધુમાડાથી સ્થાનિક રહીશોનું આરોગ્ય જોખમાયું છે અને લોકોને શ્વાસ લેવામાં ભારે તકલીફ પડી રહી છે. જનતાની આ વેદનાને લઈને ખાડિયાના પૂર્વ ધારાસભ્ય ભૂષણ ભટ્ટ આક્રમક મૂડમાં આવ્યા છે. તેમણે આ ગંભીર પ્રદૂષણ રોકવા માટે સીધો રાજ્યના વન અને પર્યાવરણ મંત્રીને પત્ર લખીને આવા તત્વોની યાદી તૈયાર કરી કડક પગલાં ભરવાની માંગ કરી છે.હેલ્થ, સોલિડ વેસ્ટ અને GPCB વચ્ચે ‘ખો’ ની રમત! પત્ર લખ્યા બાદ પૂર્વ ધારાસભ્ય ભૂષણ ભટ્ટે મીડિયા સમક્ષ તંત્રની લાપરવાહી પર આકરા પ્રહારો કર્યા હતા. તેમણે જણાવ્યું કે, "મેં અગાઉ પણ અમદાવાદ મ્યુનિસિપલ કોર્પોરેશન (AMC) ના તંત્રને આ બાબતે પત્ર લખી જગાડવાનો પ્રયાસ કર્યો હતો. પરંતુ અહીં અધિકારીઓ જવાબદારીમાંથી છટકી રહ્યા છે. હેલ્થ વિભાગ કહે છે કે આ કામ સોલિડ વેસ્ટ વિભાગનું છે, જ્યારે સોલિડ વેસ્ટ વિભાગ આ મામલો ગુજરાત પ્રદૂષણ નિયંત્રણ બોર્ડ (GPCB) પર ઢોળીને 'ખો' આપી દે છે. અધિકારીઓની આ આળસના કારણે સ્થાનિક જનતા પીસાઈ રહી છે." ચૂંટણીમાં પ્રચાર કરનારા વિપક્ષી નેતાઓ હવે કામ કરી બતાવે: ભૂષણ ભટ્ટ ભૂષણ ભટ્ટે આ મુદ્દે સ્થાનિક વિપક્ષી નેતાઓ પર પણ સીધો રાજકીય પ્રહાર કર્યો છે. તેમણે કટાક્ષ કરતા કહ્યું કે, "વિપક્ષ એવું પ્રસ્થાપિત કરવાનો નકામો પ્રયાસ કરી રહ્યો છે કે આ ગેરકાયદેસર ભઠ્ઠીઓ અમારા આશીર્વાદથી ચાલે છે. એમને એમની સાચી ઓકાત બતાવવા જ મેં મંત્રીને પત્ર લખ્યો છે. મેં જનતાના હિતમાં લડતની શરૂઆત કરી દીધી છે, હવે જો વિપક્ષ સાચે જ જનતાનો હિતેચ્છુ હોય તો રાજકારણ બાજુ પર મૂકીને આમાં સહયોગ આપે." પૂર્વ ધારાસભ્યના આ આકરા તેવર તેમણે ઉમેર્યું કે, ચૂંટણી વખતે વિપક્ષી ઉમેદવારો આ ગેરકાયદે ભઠ્ઠીઓ અને પ્રદૂષણના મુદ્દાઓ આગળ ધરીને મગરના આંસુ સારી પ્રચાર કરતા હતા, તો હવે એ લોકો માત્ર વાતો કરવાના બદલે મેદાનમાં આવીને કામ કરી બતાવે. પૂર્વ ધારાસભ્યના આ આકરા તેવર અને મંત્રીને લખેલા પત્ર બાદ કોટ વિસ્તારના પ્રદૂષણ માફિયાઓ અને મનપાના કુંભકર્ણ વહીવટી તંત્રમાં ભારે ફફડાટ વ્યાપી ગયો છે. આ પણ વાંચો--- Gandhinagar : ભાજપે પદાધિકારીઓની નિમણૂક મુદ્દે આપ્યું મોટું નિવેદન,વાંચો ક્યારે થશે નામો જાહેર
Read Full Story arrow_forward
રાજ્યના પાટનગર ગાંધીનગરમાં લાંચ રુશ્વત વિરોધી બ્યુરો (ACB) દ્વારા એક સફળ ઓપરેશન પાર પાડીને વર્ગ-2 કક્ષાના મોટા અધિકારીને લાંચ લેતા રંગેહાથ ઝડપી પાડવામાં આવ્યા છે. ગાંધીનગરના ઉદ્યોગ ભવનમાં આસિસ્ટન્ટ ઈલેક્ટ્રિકલ ઈન્સપેક્ટર (વર્ગ-2) તરીકે ફરજ બજાવતા મનીષકુમાર રાવલ નામના અધિકારી ઘ-2 સર્કલ પાસે જાહેર રોડ પરથી લાંચ સ્વીકારતા એસીબીના સકંજામાં આવી ગયા છે. આ હાઈપ્રોફાઈલ ટ્રેપને અમદાવાદ શહેર એસીબીની ટીમે સફળતાપૂર્વક અંજામ આપ્યો છે.NOC ઇશ્યુ કરવા અને પ્રમાણપત્ર માન્ય રાખવા માગી હતી લાંચ ઘટનાની મળતી માહિતી અનુસાર, પેસિવ ફાયર સિસ્ટમના પ્રમાણપત્રને માન્ય રાખવા અને તે અંગેનું એનઓસી (NOC) ઈશ્યુ કરવા માટે અધિકારી મનીષકુમાર રાવલે ફરિયાદી પાસે રૂપિયા 5 લાખની મસમોટી લાંચની માંગણી કરી હતી. ફરિયાદી આટલી મોટી રકમ એકસાથે આપવા સક્ષમ ન હોવાથી, તેમણે હપ્તાવાર (ઈન્સ્ટોલમેન્ટમાં) રકમ ચૂકવવાનો સોદો કર્યો હતો. જોકે, ફરિયાદી લાંચ આપવા ન માંગતા હોવાથી તેમણે આ અંગે અમદાવાદ એસીબીનો સંપર્ક કર્યો હતો. ઘ-2 સર્કલ પાસે રૂ. 50 હજારનો હપ્તો લેતા ધરપકડ ફરિયાદીની વિગતોના આધારે એસીબીની ટીમે ગાંધીનગરના ઘ-2 સર્કલ પાસે એક ખાસ છટકું (ACB Trap) ગોઠવ્યું હતું. સોદા મુજબ જ્યારે ફરિયાદી લાંચની રકમનો પહેલો હપ્તો એટલે કે રૂ. 50 હજાર આપવા પહોંચ્યા અને અધિકારી મનીષકુમાર રાવલે એ રકમ સ્વીકારી, ત્યારે જ ટાંપીને બેઠેલી એસીબીની ટીમે તેમને જાહેર રોડ પરથી જ રંગેહાથ દબોચી લીધા હતા. એસીબીએ લાંચની સ્વીકારેલી રૂ. 50 હજારની રોકડ રકમ જપ્ત કરી છે, અને ભ્રષ્ટાચારી અધિકારી વિરૂદ્ધ ગુનો નોંધી આગળની કાયદેસરની કાર્યવાહી હાથ ધરી છે. આ પણ વાંચો - Gandhinagar : પ્રખ્યા ટેરા નોવાઝ પીઝામાંથી નીકળ્યો વંદો, GMCની ટીમે ત્રાટકીને 3 દિવસ માટે વેચાણ-ઉત્પાદન પર લગાવી રોક
Read Full Story arrow_forward