Community News & Updates

Stay informed with the latest happenings, achievements, and announcements from our community.

All News

calendar_today May 18, 2026

Surat News: સહારા દરવાજા પાસે ખુરશી રિપેરિંગની દુકાનમાં ભીષણ આગ, સામાન બળીને ખાખ

સુરત શહેરમાં ફરી એકવાર આગ લાગવાની ચોંકાવનારી ઘટના સામે આવી છે. સુરતના સહારા દરવાજામાં આવેલી એનટીએમ માર્કેટની સામે એક દુકાનમાં અચાનક જ ભીષણ આગ ફાટી નીકળી હતી.  'ખાટું શ્યામ ખુરશી રિપેરિંગ' નામની એક દુકાનમાં આ આગ લાગી હતી. આ આગને પગલે સમગ્ર વિસ્તારમાં અફરાતફરી મચી ગઈ હતી. આગના ધુમાડાના ગોટેગોટા હવામાં ઉડતા જોવા મળ્યા હતા.ભારે જહેમત બાદ ફાયર બ્રિગેડે આગ પર મેળવ્યો કાબૂ આ આગની દુર્ઘટના અંગે સ્થાનિક લોકો દ્વારા તાત્કાલિક ફાયર વિભાગને જાણ કરવામાં આવી હતી. ફાયર બ્રિગેડની ટીમ માહિતી મળતાં જ વાહનો સાથે ઘટનાસ્થળે દોડી આવી હતી. ફાયર બ્રિગેડની ટીમે તાત્કાલિક ધોરણે પાણીનો મારો ચલાવીને આગ બઝાવવાની કામગીરી શરૂ કરી હતી. ભારે જહેમત બાદ ફાયર ફાઈટરોએ આગ પર સંપૂર્ણ કાબૂ મેળવ્યો હતો અને તેને આજુબાજુની અન્ય દુકાનોમાં ફેલાતી અટકાવી દીધી હતી. સદનસીબે જાનહાનિ ટળી, પરંતુ મોટું આર્થિક નુકસાન આ દુર્ઘટનામાં સૌથી રાહતની વાત એ રહી કે આગની ઝપેટમાં કોઈ વ્યક્તિ ન આવતાં સદનસીબે કોઈપણ પ્રકારની જાનહાનિ નોંધાઈ નથી. જોકે, આગ એટલી વિકરાળ હતી કે ખુરશી રિપેરિંગની દુકાનમાં રાખેલો પ્લાસ્ટિક અને અન્ય તમામ સામાન બળીને સાવ ખાખ થઈ ગયો હતો, જેના કારણે દુકાન માલિકને મોટું આર્થિક નુકસાન વેઠવાનો વારો આવ્યો છે. આગ કયા કારણોસર લાગી તે અંગે હાલ તપાસ ચાલી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 18, 2026

Rajkot : તાવ, શરદી અને ઝાડા-ઉલ્ટીના હજારો દર્દીઓથી હોસ્પિટલો ઉભરાઈ

રાજકોટ શહેરમાં છેલ્લા કેટલાક સમયથી આરોગ્ય ક્ષેત્રે ચિંતાજનક સ્થિતિ ઉભી થઈ છે. શહેરમાં પાણીજન્ય અને મચ્છરજન્ય રોગચાળાએ અજગરી ભરડો લીધો છે, જેના કારણે સ્થાનિક હોસ્પિટલો અને ખાનગી ક્લિનિક્સમાં દર્દીઓની ભારે ભીડ જોવા મળી રહી છે. આરોગ્ય વિભાગના સત્તાવાર આંકડા મુજબ, શહેરમાં સામાન્ય તાવ અને શરદી-ઉધરસ સહિત ઝાડા-ઉલ્ટીના કેસોમાં જંગી ઉછાળો નોંધાયો છે, જેને પગલે રાજકોટ મહાનગરપાલિકાનું આરોગ્ય તંત્ર યુદ્ધના ધોરણે દોડતું થયું છે.સામાન્ય તાવના સૌથી વધુ 819 કેસ નોંધાયા આરોગ્ય વિભાગ દ્વારા જાહેર કરાયેલા ચાલુ સપ્તાહના આંકડાઓ પર નજર કરીએ તો, શહેરમાં સામાન્ય તાવના સૌથી વધુ 819 કેસ નોંધાયા છે. જ્યારે વાયરલ ઇન્ફેક્શન એટલે કે શરદી-ઉધરસના 606 કેસ અને દૂષિત પાણી તથા ખોરાકના કારણે થતા ઝાડા-ઉલ્ટીના 429 કેસ સામે આવ્યા છે. આ ઉપરાંત, મચ્છરજન્ય રોગચાળાની દસ્તક આપતો ડેન્ગ્યુનો 1 કેસ અને પાણીજન્ય ગંભીર બીમારી ટાઈફોડના 3 કેસ નોંધાતા તંત્ર એલર્ટ મોડ પર આવી ગયું છે.  ફોગિંગ અને ક્લોરિન ટેસ્ટિંગ શરૂ રોગચાળાને કાબૂમાં લેવા માટે મહાનગરપાલિકાના ફોગિંગ અને મેડિકલ સ્ટાફે શહેરમાં સઘન ચેકિંગ ઝુંબેશ હાથ ધરી છે. રહેણાંક અને વ્યાપારી વિસ્તારોમાં મચ્છરોના બ્રીડિંગ (ઉત્પત્તિ) ચેક કરવા દરમિયાન ગંભીર બેદરકારી દાખવનારા ૨૪૫ લોકોને નોટિસ ફટકારવામાં આવી છે. આરોગ્ય ટીમોએ 1434 ઘરોમાં ક્લોરિન ટેસ્ટ કર્યા આ સાથે જ મચ્છરોનો ઉપદ્રવ ઘટાડવા માટે શહેરના અલગ-અલગ ૫૦થી વધુ હાઈ-રિસ્ક વિસ્તારોમાં સઘન ફોગિંગ (ધુમાડો) ની કામગીરી કરવામાં આવી છે. નાગરિકોને શુદ્ધ પીવાનું પાણી મળી રહે તે સુનિશ્ચિત કરવા માટે આરોગ્ય ટીમોએ અત્યાર સુધીમાં 1434 ઘરોમાં ક્લોરિન ટેસ્ટ કર્યા છે. આરોગ્ય અધિકારીઓએ લોકોને ઉકાળેલું પાણી પીવા અને વાસી ખોરાક ન ખાવાની ખાસ અપીલ કરી છે.આ પણ વાંચો----     Gandhinagar : ભાજપે પદાધિકારીઓની નિમણૂક મુદ્દે આપ્યું મોટું નિવેદન,વાંચો ક્યારે થશે નામો જાહેર

Read Full Story arrow_forward

calendar_today May 18, 2026

Surat : મજૂરના કપડાં પહેરી પોલીસ મુંબઈની ગલીઓમાં ઘૂસી, 8 વર્ષથી ફરાર કુખ્યાત લૂંટારો બેંગલોરી ઝડપાયો

સુરત ક્રાઈમ બ્રાન્ચે મુંબઈની એશિયાની સૌથી મોટી ગણાતી ધારાવી ઝૂંપડપટ્ટીમાં બોલિવૂડ ફિલ્મના દ્રશ્યો જેવા એક અત્યંત ગુપ્ત અને હિંમતભર્યા ઓપરેશનને અંજામ આપ્યો છે. પોલીસે વેશ પલટો કરીને છેલ્લા 8 વર્ષથી કાયદાની આંખમાં ધૂળ નાખીને ભાગતા ફરતા કુખ્યાત લૂંટારા ઈસ્માઈલ ઉર્ફે ઈસ્માઈલ બેંગલોરી બારાઈમામ શેખને દબોચી લીધો છે. સુરત રેલ્વે લૂંટના ગુનાના આ પાકા ઘડા જેવા ગુનેગારને પકડવા માટે સુરત પોલીસે જે નેટવર્ક ગોઠવ્યું તેનાથી મુંબઈ પોલીસ પણ ચોંકી ઉઠી છે.વચગાળાના જામીન મેળવી ફરાર થયો હતો ઘટનાની વિગતો મુજબ, આરોપી ઈસ્માઈલ બેંગલોરી સુરત રેલ્વેમાં થયેલી એક મોટી લૂંટના ગુનામાં જેલમાં બંધ હતો. વર્ષ 2019માં તેણે કોર્ટમાંથી માત્ર પાંચ દિવસના વચગાળાના જામીન મેળવ્યા હતા. જામીન મુક્ત થયા બાદ તે જેલમાં પરત ફરવાના બદલે ફરાર થઈ ગયો હતો. ત્યારથી સુરત પોલીસ તેને શોધી રહી હતી, પરંતુ તે ક્યાંય હાથ લાગતો ન હતો. ઓળખ છુપાવવા ધારાવીની ગીચ ગલીઓ પસંદ કરી શાતિર લૂંટારો ઈસ્માઈલ પોતાની અસલી ઓળખ છુપાવવા અને પોલીસ રેડથી બચવા માટે મુંબઈની અત્યંત ગીચ એવી ધારાવી ઝૂંપડપટ્ટીમાં જઈને સંતાઈ ગયો હતો. તે પકડાઈ ન જાય તે માટે તે કોઈપણ જગ્યાએ નોકરી કે કોઈ ધંધો-રોજગાર પણ કરતો ન હતો. જોકે, સુરત ક્રાઈમ બ્રાન્ચને તેના ચોક્કસ લોકેશનની ગુપ્ત બાતમી મળી ગઈ હતી. ધારાવીની ગલીઓમાં પોલીસ યુનિફોર્મ કે સામાન્ય કપડામાં જાય તો આરોપી ભાગી જાય તેમ હતો. પોલીસ સ્ટાફે મજૂરો જેવા કપડાં પહેર્યા આથી, સુરત ક્રાઈમ બ્રાન્ચના અધિકારીઓએ એક માસ્ટર પ્લાન બનાવ્યો. પોલીસ સ્ટાફે સ્થાનિક પરપ્રાંતીય મજૂરો જેવા ફાટેલા-તૂટેલા કપડાં પહેર્યા અને ધારાવીની ગલીઓમાં મજૂર બનીને રેકી શરૂ કરી. યોગ્ય તક મળતા જ પોલીસે તરાપ મારીને ઈસ્માઈલ બેંગલોરીને આબાદ ઝડપી લીધો હતો. આ ભગીરથ સફળતા બાદ સુરત ક્રાઈમ બ્રાન્ચ આરોપીને સુરત લાવી આગળની કાયદેસરની કાર્યવાહી હાથ ધરી રહી છે.આ પણ વાંચો----     Gandhinagar : ભાજપે પદાધિકારીઓની નિમણૂક મુદ્દે આપ્યું મોટું નિવેદન,વાંચો ક્યારે થશે નામો જાહેર

Read Full Story arrow_forward