Community News & Updates

Stay informed with the latest happenings, achievements, and announcements from our community.

All News

calendar_today May 18, 2026

Amreli News: ચલાલા બસ સ્ટેન્ડ પાસે એસટી બસ અને ટ્રક વચ્ચે અકસ્માત, સદનસીબે જાનહાનિ ટળી

અમરેલી જિલ્લાના ચલાલા પંથકમાંથી માર્ગ અકસ્માતની એક ઘટના સામે આવી છે. ચલાલા બસ સ્ટેન્ડ બિલકુલ નજીક જ એક એસટી (ST) બસ અને ટ્રક વચ્ચે જોરદાર અકસ્માત સર્જાયો હતો. વ્યસ્ત વિસ્તારમાં જ બંને મોટા વાહનો એકબીજા સાથે ભટકાતાં રસ્તા પરથી પસાર થઈ રહેલા લોકોમાં ક્ષણિક અફરાતફરી મચી ગઈ હતી.અકસ્માત થતાં જ લોકોના ટોળેટોળાં ઉમટ્યાબસ અને ટ્રક વચ્ચે થયેલી આ ટક્કરનો અવાજ સાંભળીને આસપાસના સ્થાનિક રહીશો અને રાહદારીઓના ટોળેટોળાં તાત્કાલિક ઘટનાસ્થળે દોડી આવ્યા હતા. જોકે, રાહતના સૌથી મોટા સમાચાર એ છે કે આ અકસ્માતની ઘટનામાં સદનસીબે કોઈ પણ વ્યક્તિને ગંભીર ઈજા થઈ નથી કે કોઈ જાનહાનિ નોંધાઈ નથી. બસમાં સવાર મુસાફરોનો આબાદ બચાવ થતાં સૌ કોઈએ રાહતનો શ્વાસ લીધો હતો.ચલાલા પોલીસે ઘટનાસ્થળે પહોંચી તપાસ શરૂ કરી ઘટનાની જાણ થતાં જ ચલાલા પોલીસ સ્ટેશનનો કાફલો વિલંબ કર્યા વિના ઘટનાસ્થળે પહોંચી ગયો હતો. પોલીસે રસ્તા પર એકઠા થયેલા લોકોના ટોળાને દૂર કરીને વાહનવ્યવહાર પૂર્વવત કરાવ્યો હતો. અકસ્માત કયા કારણોસર સર્જાયો અને કોની બેદરકારી હતી, તે દિશામાં ચલાલા પોલીસે કાયદેસરનો ગુનો નોંધીને આગળની વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 18, 2026

DyCM હર્ષ સંઘવીએ ઓનલાઈન વિગતો ભરી ડિજિટલ 'સ્વ-ગણતરી'માં લીધો ભાગ, નાગરિકોને પણ જોડાવા માટે કરી અપીલ

ભારત સરકાર દ્વારા પૂરી પાડવામાં આવેલી વિશેષ ડિજિટલ સુવિધા 'સ્વ-ગણતરી' (Self-Enumeration) અભિયાન અંતર્ગત નાયબ મુખ્યમંત્રી હર્ષ સંઘવીએ આજે અભિયાનના બીજા દિવસે જ પોતાના નિવાસસ્થાનેથી ઓનલાઈન પોર્ટલ પર પરિવારની વિગતો ભરીને આ રાષ્ટ્રીય કાર્યમાં પોતાનું સક્રિય યોગદાન આપ્યું હતું. નાયબ મુખ્યમંત્રીએ આ પ્રસંગે ગુજરાતના તમામ નાગરિકોને પોતાની રાષ્ટ્રીય ફરજ સમજીને આ ડિજિટલ અભિયાનમાં ઉત્સાહભેર જોડાવા માટે જાહેર અપીલ કરી હતી.સાચી માહિતી આપવા નાગરિકોને અનુરોધ કરાયો આ પ્રસંગે નાયબ મુખ્યમંત્રી હર્ષ સંઘવીએ જણાવ્યું હતું કે, જનગણના-2027 માત્ર વસ્તીની ગણતરી નહીં, પરંતુ દેશના ભવિષ્યના વિકાસ માટેનો એક મહત્વપૂર્ણ આધારસ્તંભ છે. ભારત સરકાર દ્વારા હાથ ધરાતી આ રાષ્ટ્રીય પ્રક્રિયા દ્વારા પ્રાપ્ત થતી માહિતીના આધારે આરોગ્ય, શિક્ષણ, આવાસ, રોજગાર, પરિવહન સહિત વિવિધ જનકલ્યાણકારી યોજનાઓનું અસરકારક આયોજન અને અમલીકરણ શક્ય બને છે. સાચા અને વિશ્વસનીય આંકડાઓ થકી સરકારને નીતિનિર્માણમાં દિશા મળે છે તેમજ સમાજના દરેક વર્ગ સુધી વિકાસના લાભો સમાન રીતે પહોંચાડવામાં મદદ મળે છે. તેમણે ઉમેર્યું હતું કે, 'સચોટ જનગણના એટલે સશક્ત વિકાસનો પાયો' અને દરેક નાગરિકની ભાગીદારી દેશના ઉજ્જવળ ભવિષ્ય માટે અત્યંત જરૂરી છે. ઓટીપી કોઈને ન આપવા સૂચના અપાઈ તેમણે રાજ્યના નાગરિકોને અનુરોધ કરતાં જણાવ્યું હતું કે, 15 મેથી 31 મે દરમિયાન યોજાનારી ‘સ્વ-ગણના’ પ્રક્રિયામાં દરેક પરિવાર સક્રિયપણે જોડાય અને ઘરે બેઠા પોતાના પરિવારની તમામ જરૂરી વિગતો જાતે જ ભરે. ડિજિટલ માધ્યમ દ્વારા સરળતાથી પૂર્ણ થઈ શકતી આ પ્રક્રિયા સરકારને લોકોની વાસ્તવિક જરૂરિયાતો સમજવામાં મદદરૂપ બનશે, જેના આધારે ભવિષ્યમાં વધુ અસરકારક અને લોકોના હિતની યોજનાઓ અમલમાં મૂકી શકાશે. સાથે જ તેમણે નાગરિકોને સાવચેત રહેવા અપીલ કરતાં જણાવ્યું હતું કે, જનગણના દરમિયાન પ્રાપ્ત થતા OTP અથવા અન્ય કોઈપણ ગુપ્ત માહિતી અજાણ્યા વ્યક્તિ સાથે ક્યારેય શેર ન કરવી અને સાયબર સુરક્ષાનો ખાસ ખ્યાલ રાખવો. આ પણ વાંચો : Surat News: નવા જિલ્લા કલેક્ટર તરીકે તેજસ પરમારે વિધિવત રીતે સંભાળ્યો ચાર્જ

Read Full Story arrow_forward

calendar_today May 18, 2026

Mahisagar News: લુણાવાડા રોડ પર કારચાલકે મહિલાને ઉડાવી

મહિસાગર જિલ્લાના મલેકપુર લુણાવાડા રોડ પર એક ગમખ્વાર અકસ્માત સર્જાયો હોવાની ઘટના સામે આવી છે. મલેકપુર ગામના સર્કલ પાસે પૂરપાટ ઝડપે આવી રહેલી એક ઈકો કારના ચાલકે સ્ટેયરીંગ પરથી કાબૂ ગુમાવ્યો હતો અને બાઈક સવારને જોરદાર ટક્કર મારી હતી. આટલું જ નહીં, બાઈક સાથે અથડાયા બાદ કારે રોડની બાજુમાં ઉભેલી એક નિર્દોષ મહિલાને પણ અડફેટે લઈને હવામાં ફંગોળી દીધી હતી. આ ભયાનક અકસ્માતમાં કુલ ત્રણ લોકો ગંભીર રીતે ઈજાગ્રસ્ત થયા છે, જેમને તાત્કાલિક સારવાર અર્થે હોસ્પિટલ ખસેડવામાં આવ્યા છે.અકસ્માતના લાઈવ CCTV દ્રશ્યો આવ્યા સામે મલેકપુર સર્કલ પાસે બનેલી આ સમગ્ર ઘટના ત્યાં નજીકમાં લાગેલા સીસીટીવી (CCTV) કેમેરામાં કેદ થઈ ગઈ છે. સીસીટીવી ફૂટેજમાં જોઈ શકાય છે કે, પૂરઝડપે આવી રહેલી કાર એટલી બેકાબૂ હતી કે, તેણે બાઈકને ઉડાવ્યા બાદ રોડ કિનારે ઉભેલી મહિલાને જોરદાર ટક્કર મારી હતી. આ લાઈવ દ્રશ્યો સોશિયલ મીડિયા પર પણ વાયરલ થઈ રહ્યા છે, જેને જોઈને લોકોના કાળજા કંપાયા છે. લુણાવાડા પોલીસે હાથ ધરી કાયદેસરની કાર્યવાહી અકસ્માત સર્જાતા જ આસપાસના સ્થાનિક લોકો ઘટના સ્થળે દોડી આવ્યા હતા અને ઈજાગ્રસ્તોને મદદ પહોંચાડી પોલીસને જાણ કરી હતી. ઘટનાની માહિતી મળતા જ લુણાવાડા તાલુકા પોલીસનો કાફલો ઘટના સ્થળે પહોંચી ગયો હતો. પોલીસે અકસ્માતનો ગુનો નોંધી, સીસીટીવી ફૂટેજના આધારે ઈકો કારના ચાલક વિરૂદ્ધ કાયદેસરની આગળની કાર્યવાહી હાથ ધરી છે. આ પણ વાંચો - Mahisagar News: મોંઘી ગાડી નહીં પણ નાવડીમાં બેસીને પરણવા પહોંચ્યા વરરાજા, કડાણાના રાઠડા બેટના અનોખા દ્રશ્યો

Read Full Story arrow_forward