Dwarka: ગોમતી નદીમાં ડૂબેલા રાજકોટના યુવકનો મૃતદેહ મોડી રાત્રે મળ્યો, હસતો-રમતો પરિવાર શોકમાં ડૂબ્યો
દ્વારકાના ગોમતીઘાટ ખાતે ગઈકાલે બે પ્રવાસી યુવકો ડૂબવાની બનેલી ચકચારી ઘટનામાં આખરે ભારે આઘાતજનક અંત આવ્યો છે. ગોમતી નદીના ઊંડા પાણીમાં ગરકાવ થયેલા અને લાપતા બનેલા રાજકોટના યુવકની લાશને શોધવામાં ફાયર બ્રિગેડની ટીમને સફળતા મળી છે. મોડી રાત્રે સર્ચ ઓપરેશન દરમિયાન યુવકનો મૃતદેહ મળી આવતા સ્થાનિક વહીવટી તંત્ર અને પરિવારજનોમાં ભારે શોકનું મોજું ફરી વળ્યું છે.પ્રસંગમાં આવેલો આશાસ્પદ યુવાન કાળનો કોળિયો બન્યોમળતી સત્તાવાર વિગતો અનુસાર, મૃતક યુવકની ઓળખ રાજકોટના રહેવાસી જીતુભાઇ પરમાર (ઉંમર વર્ષ ૨૧) તરીકે થઈ છે. જીતુ પોતાના પરિવાર સાથે રાજકોટથી દ્વારકા ખાતે એક સામાજિક પ્રસંગમાં હાજરી આપવા માટે આવ્યો હતો. પ્રસંગ પૂર્ણ થયા બાદ તે અન્ય એક મિત્ર સાથે ગોમતી નદીમાં સ્નાન કરવા અને ન્હાવા માટે ગયો હતો. આ દરમિયાન પાણીના જોરદાર વહેણને કારણે બંને મિત્રો ડૂબવા લાગ્યા હતા. ઘાટ પર હાજર સ્થાનિક તરવૈયાઓએ ત્વરિત પગલાં ભરીને એક યુવકને તો આબાદ બચાવી લીધો હતો, પરંતુ કમનસીબે ૨૧ વર્ષનો જીતુ પરમાર ઊંડા પાણીમાં ગરકાવ થઈ ગયો હતો.મોડી રાત્રે ફાયર વિભાગને મળ્યો મૃતદેહઘટનાની ગંભીરતાને જોતા દ્વારકા ફાયર વિભાગની ટીમે બોટ અને આધુનિક સાધનો સાથે ગોમતી નદી અને દરિયાના સંગમ સ્થાન આસપાસ મેગા સર્ચ ઓપરેશન હાથ ધર્યું હતું. કલાકોની ભારે શોધખોળ અને જહેમત બાદ આખરે મોડી રાત્રે જીતુ પરમારનો નિષ્પ્રાણ દેહ પાણીમાંથી બહાર કાઢવામાં આવ્યો હતો. પોલીસે મૃતદેહને કબજે કરી પીએમ (પોસ્ટમોર્ટમ) અર્થે સરકારી હોસ્પિટલ ખસેડ્યો છે. સામાજિક પ્રસંગની ખુશીઓ વચ્ચે ઘરના આશાસ્પદ જુવાનજોધ દીકરાના મોતના સમાચાર રાજકોટ રહેતા પરિવારને મળતા જ પરિવાર પર આભ તૂટી પડ્યું છે.આ પણ વાંચો: Vadodara: એરપોર્ટ પર ઇન્ડિગો એરલાઇન્સની ઘોર બેદરકારી, રનવે પર ફ્લાઇટમાં અડધો કલાક વીજળી ગુલ
Read Full Story arrow_forward
