Community News & Updates

Stay informed with the latest happenings, achievements, and announcements from our community.

All News

calendar_today May 18, 2026

Vadodara: ગેસ સિલિન્ડરના ભાવ વધતાં શરૂ કરી ચોરી, ક્રાઇમ બ્રાન્ચે શાતિર ગઠિયાને દબોચ્યો

સામાન્ય રીતે વાહન ચોરો કે ઘરફોડ ચોરી કરનારાઓ કિંમતી દાગીના કે રોકડ પર હાથ સાફ કરતા હોય છે, પરંતુ વડોદરામાં એક એવો ચોર ઝડપાયો છે જેણે મોંઘવારીનો ફાયદો ઉઠાવી ગેસ સિલિન્ડર ચોરવાનું વ્યવસ્થિત નેટવર્ક શરૂ કર્યું હતું. વડોદરા શહેર ક્રાઇમ બ્રાન્ચે બાતમીના આધારે ઓપરેશન હાથ ધરીને ગેસ સિલિન્ડરની ચોરી કરતા રીઢા ગુનેગાર અનિલ મહિડાની ધરપકડ કરી લીધી છે.વાહન ચોરીથી કરતો શરૂઆતપોલીસ પૂછપરછમાં આરોપી અનિલની ચોંકાવનારી મોડસ ઓપરેન્ડી (ગુનો કરવાની પદ્ધતિ) બહાર આવી છે. આરોપી પહેલા વડોદરાના અલગ-અલગ વિસ્તારોમાંથી પાર્ક કરેલી મોપેડ (ટુ-વ્હીલર) ની ચોરી કરતો હતો. ત્યારબાદ, પોલીસ પકડથી બચવા માટે તે ચોરીના જ મોપેડનો ઉપયોગ કરતો અને રહેણાંક સોસાયટીઓ કે ઘરની બહાર રાખેલા રાંધણ ગેસના સિલિન્ડરોની ઉઠાંતરી કરી લેતો હતો.ચોરેલા બાટલા હોટેલોમાં વેચી મારતોબજારમાં ગેસ સિલિન્ડરના ભાવ વધુ હોવાથી, આરોપી અનિલ આ ચોરેલા ગેસ સિલિન્ડરો સ્થાનિક નાની-મોટી હોટેલો અને ખાણીપીણીની લારીવાળાઓને સસ્તા કે અડધા ભાવે રોકડેથી વેચી મારતો હતો. હોટેલ સંચાલકો પણ સસ્તા ભાવની લાલચમાં કોઈ પણ પુરાવા વગર આ બાટલા ખરીદી લેતા હતા.ક્રાઇમ બ્રાન્ચે અનિલ મહિડાને ઝડપી પાડી તેની પાસેથી ૨ ચોરેલી મોપેડ અને ૫ નંગ ગેસ સિલિન્ડર સહિતનો મુદ્દામાલ કબજે કર્યો છે. આ ધરપકડ સાથે જ વડોદરા પોલીસે અલગ-અલગ પોલીસ મથકોમાં નોંધાયેલા વાહન ચોરી અને સિલિન્ડર ચોરીના કુલ ૭ ગુનાઓનો ભેદ ઉકેલવામાં સફળતા મેળવી છે. પોલીસ હવે એ દિશામાં તપાસ કરી રહી છે કે કયા હોટેલ સંચાલકો આ ચોરીનો માલ ખરીદતા હતા, તેમની સામે પણ કાયદેસરની કાર્યવાહી થઈ શકે છે.આ પણ વાંચો: World News: માઉન્ટેન હોમ એરબેઝ પર હવામાં બે નેવી ફાઇટર જેટ્સ એકબીજા સાથે અથડાયા, જુઓ કઈ રીતે ક્રૂ મેમ્બર્સનો જીવ બચ્યો

Read Full Story arrow_forward

calendar_today May 18, 2026

Rajkot News: 400 કિલો ચાંદીમાંથી 181 કિલો ચાંદી બિનહિસાબી, તપાસમાં ED જોડાય તેવી શક્યતા

રાજકોટમાં મુંબઈથી હવાઈ માર્ગે ગેરકાયદે ચાંદીનો જથ્થો આવતો હોવાની માહિતીને આધારે ગુજરાત એટીએસની સુચનાથી રાજકોટ ક્રાઈમ બ્રાંચ સહિતની ટીમે હિરાસર એરપોર્ટમાં દરોડો પાડતા શંકાસ્પદ 400 કિલો ચાંદી મળી આવી હતી. જેમા વેરીફિકેશન કર્યા બાદ બિન હિસાબી મળી આવેલ 181 કિલો ચાંદી કબજે કરી હતી. જેમા સામાકાઠા વિસ્તારના રણછોડ નગરની બ્લુ ડાર્ટ કુરીયરના કર્મચારીની અટકાયત કરી તેની પુછતાછ કરવામાં આવી છે. ટેકસ ચોરીના મોટા નેટવર્કની આશંકાએ ટોચની એજન્સી ડીજીજીઆઈ, એટીએસ, એસજીએસટી સહિતે તપાસ હાથ ધરવામાં આવી છે. હવે આ કેસમાં SGST સહિત તપાસમાં ED ઝંપલાવે તેવી શક્યતાઓ છે. સ્ટેટ જીએસટીની ટીમોએ સંયુક્ત રીતે તપાસમાં ઝંપલાવ્યું રાજકોટ એરપોર્ટ પરથી વાયુમાર્ગે આવેલો 400 કિલો ચાંદીનો શંકાસ્પદ જથ્થો ઝડપાવવાના ચકચારી મામલામાં સેન્ટ્રલ આઈબી બાદ હવે દેશ અને રાજ્યની સર્વોચ્ચ તપાસ એજન્સીઓ એક્શન મોડમાં આવી ગઈ છે.તપાસ દરમિયાન પ્રાથમિક તબક્કે શંકાસ્પદ જણાતી 181 કિલો ચાંદીનો જથ્થો એજન્સીઓ દ્વારા વિધિવત રીતે કબજે કરવામાં આવ્યો છે.આ આખી હેરાફેરી પાછળ કરોડો રૂપિયાની જીએસટી અને ઈન્કમટેક્સ ચોરીનું મોટું કૌભાંડ હોવાની આશંકા સેવાઈ રહી છે.આ મામલાની ગંભીરતાને જોતાં સેન્ટ્રલ આઈબીની કવાયત બાદ હવે ડીજીજીઆઈ, એટીએસ, ઈન્કમટેક્સ અને સ્ટેટ જીએસટીની ટીમોએ સંયુક્ત રીતે તપાસમાં ઝંપલાવ્યું છે. હવે આ કેસમાં ED પણ તપાસમાં સામેલ થાય તેવી શક્યતાઓ છે. બાકીની ચાંદી અને તેના બિલ અંગેનું ક્રોસ-વેરિફિકેશન એટીએસના એસીપી પરમાર સહિતની ટીમે તપાસ કરતા ઉત્તર પ્રદેશના વારાણસી ખાતે આવેલી સનરાઈઝ પેઢી દ્વારા આ કરોડોની ચાંદીનો જથ્થો વાયા મુંબઈથી રાજકોટના સ્થાનિક સોની વેપારીઓ માટે મોકલવામાં આવ્યો હતો. રાજકોટના સામા કાંઠા વિસ્તારમાં રણછોડનગર પાસે આવેલી ’બ્લુ ડાર્ટ’ કુરિયર કંપની ની ઓફિસનો કર્મચારી ચાંદીની ડિલિવરી લેવા આવ્યો હોય તેની અટકાયત કરી કુરિયર કંપનીની ભૂમિકા અંગે અધિકારીઓ દ્વારા સઘન અને આકરી પૂછતાછ શરૂ કરવામાં આવી છે. ગુજરાત એટીએસની ટીમે પકડાયેલી ચાંદીના જથ્થા સાથે રજૂ કરવામાં આવેલા કેટલાક બિલો અને દસ્તાવેજો શંકાસ્પદ જણાયાછે. સોના-ચાંદીના બજારમાં ટેક્સ ચોરી કરવા માટે બોગસ બિલિંગનો આશરો લેવાયો હોવાની આશંકાએ અધિકારીઓ હવે બાકીની ચાંદી અને તેના બિલ અંગેનું ક્રોસ-વેરિફિકેશન કરી રહ્યા છે. કેટલાક ડોકયુમેન્ટની ચકાસણી કરવામા આવી આગામી સમયમાં રાજકોટના કયા-કયા નામાંકિત વેપારીઓના નામે આ માલ આવ્યો હતો, તેમની પણ સત્તાવાર પૂછતાછ કરવામાં આવશે. રાજકોટ એરપોર્ટ પરથી કાર્ગોમાંથી શનિવારના રોજ કેરિય ગુપ્તચર બ્યુરોના અધિકારીઓએ 400 કિલો ચાંદી ઝડપી પાડવાના પ્રકરણમાં આ બાબતે SGST ઉપરાંત DGGIને પણ GSTની ચોરીની શંકાને લીધે જાણ કરવામા આવી છે અને DGGIના અધિકારીએ એરપોર્ટ પર દોડી ગયા હતા અને કેટલાક ડોકયુમેન્ટની ચકાસણી કરવામા આવી હતી. સ્ટેટ તેમજ કેન્દ્રિય રેવન્યુ એજન્સીઓએ રાજકોટ એરપોર્ટના ચાંદીના પ્રકરણની તપાસમાં ઝંપલાવ્યું છે ત્યારે આ ચાંદીનું પેમેન્ટ કંઈ રીતે કરવામા આવ્યું છે તે દિશામાં પણ તપાસ હાથ ધરવામા આવી છે.જો ચાંદીની ખરીદીમાં હવાલાનો મામલો સામે આવશે તો સંભવિત એન્ફોર્સમેન્ટ ડાયરેકટોરેટને પણ જાણ કરવામા આવશે અને તેઓ હવાલા એંગલની તપાસ કરશે. આ પણ વાંચોઃ Gujarat News: વડોદરા મુંબઈ એક્સપ્રેસ વે ઉપર 120થી વધુની સ્પીડે વાહન હંકારશો તો 1500 રૂપિયાનો દંડ

Read Full Story arrow_forward

calendar_today May 18, 2026

Surat: સચિન GIDC માંથી મોબાઇલ ચોર ઝડપાયો, પોલીસે વણઉકેલાયેલા ગુનાઓનો ભેદ ઉકેલ્યો

સુરત શહેરમાં ખાસ કરીને શ્રમિક અને રાત્રિ દરમિયાન અવરજવર કરતા લોકો પાસેથી મોબાઇલ ફોન ઝૂંટવી લેતી ગેંગ અને અસામાજિક તત્વો સામે સુરત પોલીસે લાલ આંખ કરી છે. સચિન GIDC પોલીસ મથકના ઉચ્ચ અધિકારીઓની સૂચનાથી સ્ટાફ દ્વારા હાથ ધરવામાં આવેલા ખાસ ઓપરેશન દરમિયાન, વિસ્તારમાં કાયદો અને વ્યવસ્થાને પડકારતા મોબાઇલ સ્નેચિંગના એક કુખ્યાત અને રીઢા આરોપીને ઝડપી પાડવામાં પોલીસને મોટી સફળતા મળી છે.ચોરીના મુદ્દામાલ સાથે રંગેહાથ ઝડપાયોસચિન GIDC પોલીસે બાતમીના આધારે વોચ ગોઠવીને જમીલ તૈલી નામના શખ્સની અટકાયત કરી હતી. પોલીસે જ્યારે તેની આગવી ઢબે પૂછપરછ કરી અને તલાશી લીધી, ત્યારે તેની પાસેથી ચોરીના અલગ-અલગ બ્રાન્ડના 3 કિંમતી મોબાઇલ ફોન મળી આવ્યા હતા. આ ઉપરાંત સ્નેચિંગની ઘટનાઓમાં ગુનાહિત હેતુ માટે ઉપયોગમાં લેવાતી 1 મોટરસાયકલ (બાઇક) પણ પોલીસે કબજે કરી છે. પોલીસે જપ્ત કરેલા મોબાઇલ અને બાઇક સહિતના આ સમગ્ર મુદ્દામાલની કુલ કિંમત રૂપિયા 97,000/- આંકવામાં આવી છે.અગાઉ પણ અનેક ગુનાઓમાં સંડોવાયેલો છે આરોપીપોલીસના સત્તાવાર સૂત્રો પાસેથી મળતી માહિતી મુજબ, પકડાયેલો આરોપી જમીલ તૈલી કોઈ નવો ગુનેગાર નથી, પરંતુ મોબાઇલ સ્નેચિંગ અને ચોરીનો રીઢો ગુનેગાર છે. તે અગાઉ પણ સુરતના જુદા-જુદા પોલીસ સ્ટેશન વિસ્તારોમાં લૂંટ, સ્નેચિંગ અને વાહન ચોરી જેવા અનેક ગંભીર ગુનાઓમાં પકડાઈ ચૂક્યો છે અને પોલીસ ચોપડે હિસ્ટ્રીશીટર તરીકે નોંધાયેલો છે. જેલમાંથી છૂટ્યા બાદ તે ફરી સચિન GIDC વિસ્તારમાં સક્રિય થયો હતો. હાલ પોલીસે તેની ધરપકડ કરી ગુનાનો ભેદ ઉકેલ્યો છે અને આ ચોરેલા ફોન તે કોને વેચવાનો હતો તે દિશામાં વધુ તપાસ લંબાવી છે.આ પણ વાંચો: Vadodara: ગેસ સિલિન્ડરના ભાવ વધતાં શરૂ કરી ચોરી, ક્રાઇમ બ્રાન્ચે શાતિર ગઠિયાને દબોચ્યો

Read Full Story arrow_forward