Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
અમદાવાદમાં નાગરિકો માટે વધુ એક સુવિધા ઉભી કરવામાં આવી છે. શહેરમાં સુભાષ બ્રિજ વિસ્તારમાં તૈયાર કરવામાં આવેલી નવી RTO કચેરી હવે વધુ સ્માર્ટ, ડિજિટલ અને વધુ સુવિધા સભર બનશે. આધુનિક ટેકનોલોજી સાથે બનાવવામાં આવેલી આ કચેરી સ્માર્ટ સિટીની દિશામાં વધુ એક નાગરિક લક્ષી સુવિધા તરીકે ઉભરી આવશે. મુખ્યમંત્રીના દિશા નિર્દેશ પ્રમાણે 62 કરોડથી વધુના ખર્ચે આ કચેરીનું નિર્માણ કરાયું છે. અમદાવાદની નવી હાઈટેક RTO ઓફિસ અમદાવાદમાં સુભાષબ્રિજ વિસ્તારમાં આશરે 12787 ચો.મીના બિલ્ટઅપ એરિયામાં આ કચેરી તૈયાર કરાઈ છે. જે સંપૂર્ણ એર કન્ડીશ્નર બિલ્ડિંગ ધરાવે છે. જેમાં બેઝમેન્ટ અને ગ્રાઉન્ડ ફ્લોર સહિત ત્રણ માળનું બાંધકામ કરાયું છે. નાગરિકોને કચેરીમાં વેઈટિંગ કેટલું છે તે જાણવા માટે LED સ્ક્રીનો ઉપલબ્ધ કરાઈ છે. અહીં અલગ અલગ વિભાગોને લગતા કાઉન્ટર ઉભા કરાયા છે. અહીં આધુનિક કંટ્રોલ રૂમ પણ તૈયાર કરાયો છે. જ્યાં લોકોને કામગીરીની પ્રક્રિયા સરળ થશે. 200થી વધુ મુલાકાતીઓ માટે વેઈટિંગ એરિયા આ નવી કચેરીમાં આશરે બે હજારથી પણ વધારે લોકો બેસી શકે તેવી સુવિધા ઉભી કરવામાં આવી છે. હાલમાં 200થી વધુ મુલાકાતીઓ માટે વેઈટિંગ એરિયા તૈયાર કરાયો છે. શહેરના દિવ્યાંગ નાગરિકો માટે પણ હેન્ડીકેપ રેમ્પ અને લિફ્ટની સુવિધા ઉભી કરાઈ છે. ડ્રાઈવિંગ ટેસ્ટ માટે આવતા લોકોને ટેસ્ટિંગમાં થતી મુશ્કેલીઓને દૂર કરવા અહીં AI-આધારિત ઓટોમેટિક ટ્રેક બનાવવામાં આવ્યા છે. આ કચેરીમાં ઉભી કરાયેલી સુવિધાથી લોકોના સમયની બચત થશે અને ડિજિટલ સેવાઓનો લાભ મળશે. આ પણ વાંચોઃ Ahmedabad News: છત્તીસગઢના યુવકે જીવનની પ્રથમ વિદેશ ટ્રીપ મારી અને ગાંજાના નેટવર્કમાં ઝડપાયો
Read Full Story arrow_forward
ગુજરાતમાં છાશવારે આરોગ્યને લઈને લાલીયાવાડી સામે આવતી હોય છે. દવાઓ હોવા છતાં દર્દીઓને નહીં આપવાનો ઈરાદો રાખનારા કર્મચારીઓ સામે સરકાર એક્શનમાં આવી છે. વિસનગરમાં જુનિયર ફાર્માસિસ્ટ સામે આરોગ્ય મંત્રી પ્રફૂલ્લ પાનશેરીયા દ્વારા એક્શન લેવામાં આવ્યા છે. દવા હોવા છતાં દર્દીને નહીં આપનાર આ કર્મચારીની બદલી કરી તેની સામે તપાસની સૂચના અપાઈ છે. કર્મચારી સામે આરોગ્ય મંત્રીની કાર્યવાહી વિસનગરના જુનિયર ફાર્માસિસ્ટ પ્રશાંત શ્રીમાળીએ દવાઓનો જથ્થો હોવા છતાં દર્દી હિતમાં બેદરકારી દાખવી હતી. સમગ્ર મામલો સરકારના ધ્યાને આવ્યા બાદ તેની સામે પગલાં લેવામાં આવ્યા છે. આરોગ્ય મંત્રી પ્રફૂલ્લ પાનશેરીયાએ દર્દીઓના હિતમાં બેદરકારી દાખવનાર કર્મચારી પ્રશાંત શ્રીમાળીની કચ્છમાં બદલી કરી નાંખી છે. આ ઉપરાંત તેની સામે ખાતાકિય તપાસની પણ સૂચના આપી છે. આરોગ્ય સેવા માટે આરોગ્ય વિભાગ પ્રતિબદ્ધ દર્દીઓની દવાઓ હોવા છતાં નહીં આપવામાં આવતી હોવાની ફરિયાદ સરકાર સુધી પહોંચી હતી. આ ફરિયાદને ધ્યાને લઈને આરોગ્ય મંત્રી પ્રફૂલ્લ પાનશેરિયાએ ગાંધીનગરથી તપાસ માટે એક ટીમ મોકલી હતી. આ ટીમ દ્વારા દવાઓનો જથ્થો હયાત હોવાનો સરકારને રીપોર્ટ આપ્યો હતો. દર્દી હિતમાં બેદરકારી દાખવનાર કર્મચારી સામે આરોગ્ય મંત્રી પ્રફુલ પાનશેરીયાએ કડક વલણ દાખવ્યું હતું. તેમણે બેદરકાર કર્મચારી સામે પગલાં લીધા હતાં. દર્દીઓને સમયસર અને ગુણવત્તાસભર આરોગ્ય સેવા માટે આરોગ્ય વિભાગ પ્રતિબદ્ધ હોવાનું પણ તેમણે કહ્યું હતું. આ પણ વાંચોઃ Ahmedabad News: છત્તીસગઢના યુવકે જીવનની પ્રથમ વિદેશ ટ્રીપ મારી અને ગાંજાના નેટવર્કમાં ઝડપાયો
Read Full Story arrow_forward