Ahmedabad News: હવે રાત્રે 11 વાગ્યા સુધી દોડશે મેટ્રો, જાણો નવું ટાઈમટેબલ
અમદાવાદ શહરેમાં ટ્રાફિક અને પ્રદૂષણની સમસ્યા હળવી કરવા તથા પેટ્રોલ-ડીઝલ જેવા કિંમતી ઈંધણની બચત કરવાના હેતુથી અમદાવાદ મેટ્રો રેલ દ્વારા એક મહત્વપૂર્ણ અને આવકારદાયક પહેલ કરવામાં આવી છે. મેટ્રો પ્રશાસન દ્વારા મેટ્રો ટ્રેનના સમયમાં મોટો વધારો કરવાનો નિર્ણય લેવામાં આવ્યો છે. હવે અમદાવાદીઓ મોડી રાત્રે પણ મેટ્રો સેવાનો લાભ લઈ શકશે, જેને પગલે ખાનગી વાહનોનો વપરાશ ઘટશે અને ઈંધણની મોટી બચત થશે.વસ્ત્રાલ અને થલતેજથી છેલ્લી ટ્રેન 10ના બદલે 11 વાગ્યે ઉપડશે નવા કરવામાં આવેલા ફેરફાર મુજબ, મુસાફરો હવે રાત્રે 11 વાગ્યા સુધી મેટ્રો ટ્રેનનો ઉપયોગ કરી શકશે. વસ્ત્રાલ ગામ અને થલતેજ સ્ટેશનથી અત્યાર સુધી જે છેલ્લી ટ્રેન રાત્રે 10:00 વાગ્યે ઉપડતી હતી, તેના બદલે હવે રાત્રે 11:00 વાગ્યા સુધી ટ્રેન ઉપડશે. આ બંને સ્ટેશનોથી મોડી રાત્રે મુસાફરોની સુવિધા માટે ત્રણ નવા રૂટ પર ટ્રેન દોડાવવામાં આવશે. બંને સ્ટેશન (વસ્ત્રાલ અને થલતેજ) થી રાત્રે ઉપડવાનો નવો સમય રાત્રે 10:20 કલાકે રાત્રે 10:40 કલાકે રાત્રે 11:00 કલાકે (છેલ્લી ટ્રેન) APMC, કોટેશ્વર અને ગાંધીનગર રૂટના સમયમાં પણ ફેરફાર માત્ર પૂર્વ-પશ્ચિમ કોરિડોર જ નહીં, પરંતુ ઉત્તર-દક્ષિણ અને ગાંધીનગર રૂટ પર પણ મુસાફરોની અવરજવરને ધ્યાનમાં રાખીને છેલ્લી ટ્રેનના સમય લંબાવવામાં આવ્યા છે: APMC સ્ટેશન: APMC થી મોડી રાત્રે છેલ્લી ટ્રેન 11:10 વાગ્યે ઉપડશે. કોટેશ્વર સ્ટેશન: કોટેશ્વરથી છેલ્લી ટ્રેન રાત્રે 11:00 વાગ્યે ઉપડશે. મહાત્મા મંદિર (ગાંધીનગર): ગાંધીનગરના મહાત્મા મંદિરથી છેલ્લી ટ્રેનનો સમય રાત્રે 08:09 વાગ્યાનો હતો, જેમાં વધારો કરીને હવે રાત્રે 9:00 કલાકે કરવામાં આવ્યો છે. પેટ્રોલ-ડીઝલની બચત સાથે મુસાફરોને મોટી રાહત અમદાવાદ મેટ્રોની આ પહેલથી નોકરીયાત વર્ગ, મોડી રાત્રે બજારોમાંથી પરત ફરતા નાગરિકો અને મુસાફરોને મોટી રાહત મળશે. રાત્રિના સમયે મેટ્રો ઉપલબ્ધ થવાથી લોકો પોતાના પ્રાઈવેટ વાહનો લાવવાનું ટાળશે, જેનાથી પ્રદૂષણ નિયંત્રણમાં મદદ મળશે અને પેટ્રોલ-ડીઝલના ખર્ચમાં પણ મોટો ઘટાડો થઈ શકશે. આ પણ વાંચો - Ahmedabad News: લાંચ લેતા ASI ભાવેશ રાવલ અને GRD સભ્ય ઝડપાયા
Read Full Story arrow_forward
