Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 15 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
વિરમગામ બહુચરાજી હાઇવે પર દસલાણા ગામ પાસેપેટ્રોલ પંપની સામે પડતર ખેતરમાં તીક્ષ્ણ હથિયારના ઘા મારી ઉખલોડ ગામના સંજય હરગોવિંદભાઈ વાઘેલા ઉંમર 32ની હત્યા કરાઈ હતી. યુવાનની લાશ ગત રવિવારે મળતા યુવાનના મોટા ભાઈ કિર્તીભાઇ વાઘેલાએ નાના ભાઈનું ઢીમ ઢાળી દીધાની ફરિયાદ નોંધાવી હતી. પોલીસે તપાસના ચક્રોગતિમાન કર્યા હતા. જેમાં પગેરું માંડલ તાલુકાના ઓડકી ગામના રસિક લિલાજી ઠાકોર નામના ગુનેગાર સુધી પોહચતા પોલીસે તેને તાજેતરમાં દબોચતા હત્યાના રહસ્ય પરથી પડદો ઊંચકાયો હતો. દસલાણા પાસે હાઈવે પર આવેલ ચિકનની દુકાને રસિક લિલાજી ચિકન દુકાનદાર સાથે બોલાચાલી કરતા સંજય વચ્ચે પડયો હતો અને ઝગડો ન કરવા જણાવતા સંજય વાઘેલા અને રસિક લિલાજી વચ્ચે ઉગ્ર બોલાચાલી તકરાર થઇ હતી. જેથી અદાવત રાખીને સમાધાન કરવાના બહાને રસિક લિલાજી ઠાકોરે સંજયને બોલાવી પડતર જગ્યાએ લઈ જઈ છેતરીને હુમલો કરી સંજયના છરીના ઘા પર ઘા ઝીંકી દીધા હતા. બાદમાં ત્યાંથી ભાગી ગયો બનાવ ઘટયાનું રસિક ઠાકોરે પોલીસને જણાવ્યું હતુ. પોલીસે રસિક ઠાકોરની ધ25કડ કરી તેના વિરુદ્ધમાં કાર્યવાહી હાથ ધરી છે. ત્યારે બીજી તરફ્ ગુરુવારે સાંજે મૃતક સંજય વાઘેલાની તસ્વીર સાથે પરિવારજનો, સમાજના ગ્રામજનો વિરમગામ ગ્રામ્ય પોલીસ મથકે આવી પોહચ્યા હતા અને હત્યાના બનાવની પોલીસ સાચી દિશામાં તપાસ કરી હત્યામાં સંડોવાયેલા અન્ય વ્યક્તિઓની ધરપકડ કરી ન્યાય આપે વા માંગ કરી હતી. પરિવાર જનોએ શક સેવી માંગણી કરી હતી કે આ હત્યા 1 વ્યક્તિથી થઈ શકે નહિ અન્ય સાથીદાર વ્યક્તિ સંડોવાયેલા છે. સંજયના બુલેટના આગળના ટાયરની હવા કાઢી નંખાઈ છે. ચાવી અને મોબાઈલ હજુ મળ્યા નથી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
વિરમગામ બાયપાસ કચ્છ હાઈવે માર્ગ પર રહેમલપુર ચોકડી નજીક હોટલ પાસે ગુરુવારે મોડી સાંજે એક મોટરસાયકલને એક વાહનની ટક્કરથી ગમખ્વાર અકસ્માત સર્જાયો હતો.જેમાં મોટરસાયકલ પર સવાર પતિ પત્નીને ગંભીર ઈજાઓ પહોંચતા સર્ગભા પત્ની અને ગર્ભસ્થ શિશુનું મૃત્યુ નિપજ્યું હતુ અને પતિને સારવાર માટે હોસ્પિટલ ખસેડવામાં આવ્યો હતો.બનાવની જાણ પોલીસને થતાં આવી પોહચી તપાસ શરૂ કરી હતી.યુગલ હેબતપુરના હોવાની ઓળખ થતા પરિવારને જાણ કરાઈ હતી.બનાવની પ્રાપ્ત માહિતી મુજબ સંજયભાઈ નટવરભાઈ ઉંમર ત્રીસ ત્રીજા સંતાનના સારા દિવસો ધરાવતી પત્ની ધર્મિષ્ઠાબેનને વિરમગામમાં ડોકટરને બતાવવા શુક્રવારે દવાખાને આવ્યા હતા.બાદમાં સમી સાંજે મોટર સાયકલ પર સવાર થઈ બંને પતિ પત્ની હેબતપુર પાછા ઘરે જવા નીકળ્યા હતા.ત્યારે વિરમગામ બહાર બાયપાસ હાઇવે પર રહેમલપુર ચોકડી વટીને મંઝિલ તરફ્ આગળ વધી રહ્યા હતા ત્યારે જ પાછળ થી કાળ બની આવેલ વાહનની જોરદાર ટક્કર થી અકસ્માત સર્જાયો હતો.વાહન ચાલક વાહન લઈને ભાગી ગયો હતો.આ તરફ્ યુગલ હાઇવે માર્ગ પર પટકાતા ગંભીર ઈજાઓ પહોંચી હતી.અન્ય રાહદારીઓ અને લોકો એકત્ર થઈ ગયા હતા.પોલીસને બનાવની જાણ કરાઈ હતી.યુગલને સારવાર માટે હોસ્પિટલ તરફ્ ખસેડવામાં આવ્યા હતા.પરંતુ કાળ કામ કરી ગયો હતો.ધર્મિષ્ઠા બેન અને ગર્ભમાં ઉછરી રહેલ બાળકનું મૃત્યુ નિપજ્યું હતુ. બનાવની જાણ યુગલના પરિવારજનોમાં થતા હેબતપુર અને સાણંદ તાલુકાના ઉપરદળથી વિરમગામ આવી પોહ્ચતા ભારે વલોપાત વચ્ચે શોક વ્યાપી જવા પામ્યો હતો. આકસ્મિક બનાવથી બે વર્ષના દીકરા સાહિલ અને પાંચ વર્ષની દીકરી પ્રિયાંશીના માથેથી માતાનું છત્ર કાળ ભરખી ગયો હતો. જેથી દુઃખની લાગણી પ્રસરી જવા પામી હતી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward