Bharuch: પેટ્રોલ-ડીઝલના ભાવ વધારાને કારણે પંપ પર લાંબી કતાર લાગી
ભરૂચ શહેર જિલ્લામાં પેટ્રોલ પંપો પર વાહન ચાલકોની લાંબી કતારો જોવા મળી રહી છે. અચાનક લોકો તેમના વાહનોમાં પેટ્રોલ-ડિઝલ ફુલ ભરી રહ્યાં હોવાને પેટ્રોલ-ડિઝલની અછત વર્તાઈ રહી છે. વહિવટી તંત્રની સાથે સાથે પેટ્રોલ પંપના સંચાલકો તેમજ ફિલરો દ્વારા વાહન ચાલકોને ગભરાવાની જરૂર નથી, પુરતાં પ્રમાણમાં પેટ્રોલ-ડિઝલનો જથ્થો ઉપ્લબ્ધ હોવાનું જણાવામાં આવી રહ્યું હોવાથી લોકો તકેદારીના ભાગરૂપે પોતાના વાહનોમાં ફુલ ઈંધણ ભરાવી રહ્યાં છે. બીજી તરફ પેટ્રોલ પંપ સંચાલકોને એક વખતમાં 20 હજાર લીટર પેટ્રોલ-ડિઝલનો જથ્થો પુરો પાડવામાં આવશે તેવી સુચના આપવામાં આવી હોવાનું સુત્રોમાંથી જાણવા મળી રહ્યુ છે.ઈરાન-અમેરિકા,ઈઝરાયલ વચ્ચે ચાલી રહેલાં યુદ્ધના કારણે ઈરાન દ્વારા ઓઈલના નિકાસ પર અંકુશ લાવી દીધો છે. જેના કારણે દેશમાં પેટ્રોલ-ડિઝલની કમી સર્જાય તે વાતને નકારી શકાય તેમ નથી. વડાપ્રધાન નરેન્દ્ર મોદીએ દેશમાં હાલમાં ઈંધણનો પુરવઠો પુરતાં પ્રમાણમાં છે પરંતુ સ્થિતીને ધ્યાનમાં રાખી વર્ક ફ્રોમ હોમ,પબ્લિક ટ્રાન્સપોર્ટનો ઉપયોગ કરવા સહિતના સુચનો આપવામાં આવ્યા છે.બીજી તરફ પેટ્રોલ-ડિઝલના ભાવમાં વધારાને લઈને લોકોમાં ગભરાટ ફેલાઈ ગયો છે.ઘણા બધા લોકો જરૂરિયાત કરતાં વધુ માત્રામાં પેટ્રોલ-ડિઝલનો સંગ્રહ કરી રહ્યાં છે. બીજી તરફ પેટ્રોલિયમ વિભાગ દ્વારા દરેક પેટ્રોલપંપ પર 20 હજાર લીટર જેટલું જ પેટ્રોલ-ડિઝલનો જથ્થો મોકલવામાં આવશે તેમ સુત્રોમાંથી જાણવા મળી રહ્યું છે. પંપ પર પેટ્રોલ-ડિઝલ પુરુ થાય તેનો ફોટો મોકલવામાં આવે ત્યારે તેમને બીજો જથ્થો મળશે તેમ ચર્ચાઈ રહ્યુ છે.ત્યારે જિલ્લા પુરવઠા અધિકારી પ્રશાંત ગામીતે જણાવ્યું હતુ કે,જિલ્લામાં પુરતા પ્રમાણમાં પુરવઠો મળી રહ્યો છે. હાલમાં પુરવઠામાં કાપ મુકાય તેવી કોઈ સુચના નથી. ત્યારે લોકોએ કોઈ પણ પ્રકાર ગભરાવાની જરૂર નથી. પેટ્રોલ પંપ સપ્લાય નિયમીત મળી રહ્યો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
