Community News & Updates

Stay informed with the latest happenings, achievements, and announcements from our community.

All News

calendar_today May 14, 2026

દેડિયાપાડાના પેટ્રોલ પંપ ઉપર વાહનોની લાંબી લાઈનો લાગી

ઇરાન- અમેરિકા યુદ્ધની અસર છેક નર્મદા જિલ્લા સુધી પહોંચી છે. મધ્ય-પુર્વની કટોકટીના કારણે પેટ્રોલ ડિઝલની અછત ઊભી થઇ છે જેના કારણે હવે નર્મદા જિલ્લાના દેડિયાપાડાના પેટ્રોલપંપો ઉપર પણ પેટ્રોલ નથીના પાટીલા લાગી ગયા છે અને નિયત પ્રમાણમાં લોકોને પેટ્રોલ- ડિઝલ આપવામાં આવી રહ્યું હોવાથી વાહનોની લાંબી લાઇનો જોવા મળી રહી છે.દેડિયાપાડા તાલુકામાં ત્રણથી ચાર પેટ્રોલ પંપ આવેલા છે.છેલ્લા એક અઠવાડિયાથી પેટ્રોલ પંપ પાસે વાહન ચાલકો ટુ વ્હીલર અને ફેર વ્હીલર ગાડીના ચાલકો અને ટ્રકના ચાલકો અને ટ્રેક્ટરના ચાલકો અને અન્ય વાહન ચાલકો સવારથી પેટ્રોલ લેવા અને ડિઝલ લેવા આવે છે અને આ આકરાં ઉનાળાના ધખધખતા તાપમાં ઉભાં રહેવું પડે છે. પેટ્રોલ પંપના સંચાલકો દ્વારા વાહન ચાલકોને પુરતાં પ્રમાણમાં પેટ્રોલ અને ડીઝલ આપવામાં આવતું નથી લોકોને હાલાકી વેઠવાનો વારો આવ્યો છે. અમેરિકાના યુધ્ધની અસર દેડિયાપાડા સુધી પહોંચી ગઈ છે અને તેને કારણે વાહન ચાલકોને પેટ્રોલ અને ડીઝલ મળતું નથી પેટ્રોલ પંપ ઉપર પેટ્રોલ અને ડીઝલ ન મળતાં વાહન ચાલકો ચિંતિત બન્યા છે. સત્વરે પુરતાં પ્રમાણમાં પેટ્રોલ અને ડીઝલનો જથ્થો વાહન ચાલકોને મળી રહે એવું લોકો ઈચ્છી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 14, 2026

ભરૂચ કલેક્ટર તરીકે ડો.નવનાથ ગવ્હાણેએ ચાર્જ સંભાળ્યો

ડો.નવનાથ ગવહાણેએ આજે ભરૂચ જિલ્લાના નવા કલેકટર તરીકે સત્તાવાર રીતે પદભાર સંભાળ્યો હતો.ડો.નવનાથ ગવહાણે ભરૂચ જિલ્લા કલેકટર કચેરી ખાતે પહોંચતા અધિકારીઓ અને કર્મચારીઓ દ્વારા તેમનું સ્વાગત કરવામાં આવ્યુ હતુ. આ પ્રસંગે બદલી પામેલા કલેકટર ગૌરાંગ મકવાણાએ નવા કલેકટરને જિલ્લા વહીવટ સંબંધિત જરૂરી માહિતી આપી સત્તાવાર રીતે ચાર્જ સુપરત કર્યો હતો. કચેરીના અધિકારીઓ અને કર્મચારીઓની હાજરીમાં ચાર્જ હસ્તાંતરણની પ્રક્રિયા પુર્ણ કરવામાં આવી હતી. ચાર્જ સંભાળ્યા બાદ ડો.નવનાથ ગવહાણેએ જણાવ્યુ હતુ કે, તેઓ ભરૂચ જિલ્લાના નાગરિકોને પારદર્શક, ઝડપી અને અસરકારક વહીવટી સેવાઓ પુરી પાડવા પ્રતિબદ્ધ રહેશે. તેમણે જણાવ્યુ કે, સરકારની જનકલ્યાણારી યોજનાઓનો લાભ સમાજના અંતિમ વ્યકિત સુધી પહોંચે તે માટે તંત્રને વધુ સક્રિય બનાવવામાં આવશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 14, 2026

જંબુસર પંથકમાં પેટ્રોલ-ડીઝલની અછત : વાહનચાલકો પરેશાન

જંબુસર : જંબુસર શહેર તથા આસપાસના વિસ્તારોમાં પેટ્રોલ અને ડીઝલની અછત જેવી પરિસ્થિતિ સર્જાતા વાહનચાલકો, ખેડૂતો તથા ટ્રાન્સપોર્ટ વ્યવસાય સાથે જોડાયેલા લોકો ભારે મુશ્કેલીનો સામનો કરી રહ્યા છે. શહેરમાં આવેલા કેટલાક પેટ્રોલપંપો પર સાદું પેટ્રોલ અને ડીઝલનો જથ્થો ખૂટતા પેટ્રોલ-ડીઝલ ઉપલબ્ધ નથી તેવા બોર્ડ લગાવવામાં આવ્યા છે. આ પરિસ્થિતિના કારણે જરૂરિયાતમંદ લોકોને એક પંપથી બીજા પંપ સુધી રઝળપાટ કરવાનો વારો આવ્યો હતો. જંબુસર નગરમાં જ્યાં પેટ્રોલ અને ડીઝલનો જથ્થો ઉપલબ્ધ હતો તેવા પેટ્રોલપંપો પર વહેલી સવારથી જ વાહનોની લાંબી કતારો લાગી જવા પામી હતી. બાઈકચાલકો, કારચાલકો તેમજ ભારે વાહનોના ડ્રાઈવરો લાંબા સમય સુધી પોતાની વારીની રાહ જોતા જોવા મળ્યા હતા. કેટલાક સ્થળોએ ટ્રાફ્કિ જેવી સ્થિતિ પણ સર્જાઈ હતી. જંબુસરના એક પેટ્રોલપંપ પર જથ્થો ઉપલબ્ધ હોવા છતાં પંપ ઓનલાઈન સિસ્ટમ સાથે જોડાયેલ હોવાથી કંપની તરફ્થી સીધું વિતરણ અટકાવવામાં આવ્યું હોવાની ચર્ચાઓએ જોર પકડયું છે. પંપ સંચાલકો દ્વારા કંપનીના અધિકારીઓ સમક્ષ વારંવાર રજૂઆત કરવામાં આવી રહી હોવા છતાં સમસ્યાનો યોગ્ય ઉકેલ ન આવતા લોકોમાં રોષની લાગણી વ્યાપી રહી છે. કેટલાક પેટ્રોલપંપો પર સામાન્ય પેટ્રોલનો જથ્થોઉપલબ્ધ ન હોવાથી લોકોને મજબૂરીવશ મોંઘું પેટ્રોલ ભરાવવું પડતું હોવાનું પણ જોવા મળ્યું હતું. સામાન્ય લોકોના બજેટ પર તેની સીધી અસર પડી રહી છે. જો આગામી દિવસોમાં પૂરતો જથ્થો ઉપલબ્ધ નહીં થાય તો પરિસ્થિતિ વધુ ગંભીર બનવાની શક્યતા વ્યક્ત કરવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward