છોટાઉદેપુરના પાણીબાર ગામે બાબા ઇંદની પરંપરાગત રીતે ઉજવણી થઇ
આદિવાસી બાહુલ્ય ધરાવતા છોટાઉદેપુર જિલ્લાના પાણીબાર ગામે પરંપરાગત બાબા ઇંદ ની ઉજવણી કરવામાં આવી હતી. આ ઉત્સવ આદિવાસી સંસ્કૃતિ, પ્રકૃતિ પૂજા અને પરંપરાઓનું એક અનોખું પ્રતીક છે.આ ઉત્સવમાં આદિવાસી સમાજ દ્વારા પ્રકૃતિના તત્વો ધરતી માતા,આકાશ,વાયુ, અગ્નિ,પાણી સહિત ગામના આદિ દેવસ્થાનોની પૂજા કરી ગામ માં સૌ સાજા માજા રહે, ઢોર ઢાખર તેમજ તમામ જીવો ના કલ્યાણ અર્થે તેમજ ખેતી પાક સારો ઉતરે જેને વાડી લીલી રહે તેવું પણ કહેવામાં આવે છે અને ગામ માં સુખ સમૃદ્ધિ નુ સામ્રાજ્ય બનેલું રહે એવી આસ્થા અને કામના ઓ સાથે આસ્થા ભેર બાબા ઇંદ ની ઉજવણી કરવામાં આવી હતી. ઉત્સવ દરમિયાન આદિવાસી પુરુષો અને મહિલાઓ તેમના પરંપરાગત પોશાકમાં સજ્જ થઈને ઢોલ-નગારા અને વાંસળીના તાલે પર પરંપરાગત નૃત્યો કરે છે. આ સાંસ્કૃતિક પ્રસંગે આસપાસના અનેક ગામોમાંથી મોટી સંખ્યામાં આદિવાસી સમાજના લોકો એકઠા થાય છે, જેથી પરસ્પર ભાઈચારો અને સામાજિક એકતા મજબૂત બને છે.નોતરાને માન આપીને જુદા જુદા ગામના લોકો પોતાના પરંપરાગત આદિવાસી વેશ પરિધાનમાં સજી-ધજીને નૃત્ય કરતાં અને દેવ માટે વિશેષ ભેટ લઈને ઉત્સવમાં ભાગ લેવા આવે છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
