Surat News: PM મોદીની અપીલ બાદ મનપા હરકતમાં આવ્યું, હવે આવી રીતે બચાવશે ઈંધણ!
દેશના વડાપ્રધાન નરેન્દ્ર મોદી દ્વારા દેશવાસીઓને પેટ્રોલ અને ડીઝલની બચત કરવા માટે કરવામાં આવેલી અપીલને સુરત મ્યુનિસિપલ કોર્પોરેશન દ્વારા સહર્ષ સ્વીકારી લેવામાં આવી છે. ઈંધણ બચાવવાની આ ઝુંબેશમાં સુરત મનપા દ્વારા એક અત્યંત મહત્વનો અને ક્રાંતિકારી નિર્ણય લેવામાં આવ્યો છે, જે અન્ય સરકારી કચેરીઓ માટે પણ ઉદાહરણરૂપ બનશે.અધિકારીઓને હવે વ્યક્તિગત કાર નહીં મળે સુરત મ્યુનિસિપલ કમિશનર એમ. નાગરાજન દ્વારા લેવામાં આવેલા નિર્ણય મુજબ, હવેથી સુરત મનપાના અધિકારીઓ કે કર્મચારીઓને અલગ-અલગ પ્રાઇવેટ કાર ફાળવવામાં આવશે નહીં. તેના બદલે હવે "કાર શેરિંગ"ની પદ્ધતિ અપનાવવામાં આવશે. આ નિર્ણયનો મુખ્ય હેતુ બિનજરૂરી ઈંધણના વપરાશને અટકાવવાનો અને પર્યાવરણનું જતન કરવાનો છે. એક જ કારમાં 4 અધિકારીઓ કરશે મુસાફરી અત્યાર સુધી જે કામગીરી માટે અલગ-અલગ અધિકારીઓ પોતાની વ્યક્તિગત સરકારી કાર લઈને જતા હતા, હવે તે જ કામગીરી માટે એક જ કારમાં ચાર અધિકારીઓ સાથે મુસાફરી કરશે. આ પ્રયોગથી રોડ પર વાહનોનું ભારણ ઘટશે અને સુરત મનપાના લાખો રૂપિયાના ઈંધણના ખર્ચમાં સીધો ઘટાડો થશે.https://x.com/sandeshnews/status/2054864625468850296 કમિશનર એમ. નાગરાજનનું નિવેદન SMC કમિશનર એમ. નાગરાજનના જણાવ્યા અનુસાર, વડાપ્રધાન મોદીની અપીલને ધ્યાનમાં રાખીને વહીવટી ખર્ચ ઘટાડવા અને ઉર્જા સંરક્ષણને પ્રોત્સાહન આપવા માટે આ પગલું ભરવામાં આવ્યું છે. આ નિર્ણયથી પેટ્રોલ અને ડીઝલના વપરાશમાં નોંધપાત્ર ઘટાડો થશે અને વહીવટી કાર્યક્ષમતામાં પણ વધારો થશે. આ પણ વાંચો - Surat : કારખાનાની બહાર તાળાં મારી અંદર માસૂમો પાસે કરાવાતું હતું 12 કલાક વૈતરું, 7 વર્ષના બાળક સહિત 86 છોડાવાયા
Read Full Story arrow_forward
