5 દેશના પ્રવાસે PM મોદી, UAEની મુલાકાત મહત્વની, ઊર્જા સુરક્ષા અને વ્યૂહાત્મક કરાર પર સૌની નજર
વડા પ્રધાન નરેન્દ્ર મોદી 15 મેના રોજ ચાર યુરોપિયન દેશોની પાંચ દિવસની મુલાકાતે જશે. આ મહત્વપૂર્ણ પ્રવાસ દરમિયાન તેઓ થોડા કલાકો માટે ખાડી દેશ UAE (સંયુક્ત આરબ અમીરાત) માં પણ રોકાશે. ભારતની ઊર્જા સુરક્ષાના દૃષ્ટિકોણથી PM મોદીનું આ માત્ર ત્રણ કલાકનું રોકાણ અત્યંત વ્યૂહાત્મક માનવામાં આવે છે. પીએમ મોદીના આ વિદેશ પ્રવાસ અને યુએઈ સાથેની મુલાકાત વધુ મહ્તવની માનવામાં આવી રહી છે. આ સમયગાળા દરમિયાન ભારત અને યુએઈ વચ્ચે 2 મહત્વપૂર્ણ કરારો પર હસ્તાક્ષર થવાની ધારણા છે. આ કરાર LPG અને વ્યૂહાત્મક પેટ્રોલિયમ ભંડાર સાથે સંબંધિત છે. જો આ કરાર પર હસ્તાક્ષર થશે તો ભારતમાં LPGની તંગી દૂર થશે.UAEમાં પીએમ મોદીના રોકાણમાં 2 કરારની સંભાવનાઈરાન યુદ્ધને કારણે વૈશ્વિક સ્તરે ઊર્જા પુરવઠો ખોરવાયો છે ત્યારે ભારત અને UAE વચ્ચે બે મુખ્ય કરારો પર હસ્તાક્ષર થવાની શક્યતા છે. પીએમ મોદી 15 મેના રોજ ચાર દેશોના યુરોપિયન પ્રવાસ દરમિયાન વચ્ચે ખાડી દેશ UAEમાં રોકાણ કરશે તેમાં ઊર્જા સુરક્ષા સંબંધિત બે કરારો પર હસ્તાક્ષર થશે તેવી નિષ્ણાતોની ધારણા છે. LPG પુરવઠોએ રાંધણ ગેસના સ્થિર પુરવઠા માટેનો કરાર છે. જયારે વ્યૂહાત્મક પેટ્રોલિયમ ભંડાર એ કટોકટીના સમયે તેલનો જથ્થો અનામત રાખવા અંગેનો કરાર છે.ભારતમાં માટે આ કરારો શા માટે મહત્વપૂર્ણUAE ભારત માટે ક્રૂડ ઓઈલનો ચોથો સૌથી મોટો અને LPG-LNGનો બીજો સૌથી મોટો સ્ત્રોત છે. આ કરારથી ભારતને ભૌગોલિક સ્તરે લાભ થશે. હોર્મુઝ સ્ટ્રેટમાં યુદ્ધને કારણે અવરોધો હોવા છતાં, UAE ઓમાનના અખાતમાં આવેલા ફુજૈરાહ બંદર દ્વારા તેલની નિકાસ કરવાની ક્ષમતા ધરાવે છે, જે ભારત માટે સલામત માર્ગ છે. UAE દરરોજ 3.6 મિલિયન બેરલ તેલનું ઉત્પાદન કરે છે. UAE એ તાજેતરમાં તેની તેલ ઉત્પાદન ક્ષમતા વધારવા પર ભાર મૂક્યો છે અને તે આગામી વર્ષ સુધીમાં દરરોજ 5 મિલિયન બેરલ ઉત્પાદનનું લક્ષ્ય ધરાવે છે.વૈશ્વિક કટોકટી અને ભારત પર અસરપશ્ચિમ એશિયામાં ચાલી રહેલા યુદ્ધને કારણે વિશ્વના 20% ક્રૂડ ઓઈલના પરિવહન માર્ગ (હોર્મુઝ સ્ટ્રેટ) પર અસર પડી છે. ભારત તેની જરૂરિયાતનું 90% તેલ આયાત કરતું હોવાથી, આંતરરાષ્ટ્રીય બજારમાં વધતા ભાવ સીધી અસર કરે છે. આથી જ PM મોદીએ તાજેતરમાં નાગરિકોને ઈંધણ બચાવવા પણ અપીલ કરી હતી. વિદેશ મંત્રાલયના જણાવ્યા અનુસાર, PM મોદી UAE ના રાષ્ટ્રપતિ મોહમ્મદ બિન ઝાયેદ અલ નાહ્યાન સાથે ઊર્જા સહયોગ ઉપરાંત પ્રાદેશિક સુરક્ષા અને દ્વિપક્ષીય સંબંધો પર ચર્ચા કરશે. નોંધનીય છે કે UAE માં 4.5 મિલિયનથી વધુ ભારતીયો વસે છે, જે બંને દેશોના મજબૂત સંબંધોનો પુરાવો છે.
Read Full Story arrow_forward
