Palanpur: બનાસકાંઠામાં ગરમીનો પારો ઉંચકાતા જનજીવન પર અસર
બનાસકાંઠા જિલ્લામાં છેલ્લા ચાર દિવસથી અંગ દઝાડતી ગરમી પડી રહી છે અને ગરમીના પ્રકોપને કારણે જનજીવન પર તેની અસર પડી છે.પશુ-પંખીઓ પણ ગરમીના કારણે આકુળ વ્યાકુળ થતા નજરે પડે છે અને પક્ષીઓ ગરમીના કારણે હવામાંથી સીધા જ નીચે પટકાય છે આવી સ્થિતિ વચ્ચે માનવ જીવન પર તેની અસર જોવા મળી રહી છે. હિટ સ્ટ્રોકના કારણે માથું દુખવું, ચક્કર આવવા, ગભરામણ થવી, ઉલ્ટી અને ઝાડાની બીમારી વધતા પાલનપુર સિવિલ હોસ્પિટલમાં દર્દીનો ધસારો વધ્યો છે.બનાસકાંઠા જિલ્લામાં ગરમીના પ્રકોપના કારણે જનજીવન પર અસર જોવા મળી રહી છે. બપોરના સુમારે રસ્તાઓ સુમસામ જોવા મળે છે અને ઠંડા પીણા અને પાણીની માંગ વધી છે. સાથે સાથે એ.સી. અને એર કુલર જેવા ઉપકરણોનું પણ વેચાણ વધ્યું છે.તો બીજી તરફ વીજ પુરવઠો ક્યાંક ખોરવાઈ જતો હોવાને કારણે લોકોને મુશ્કેલી વેઠવી પડી રહી છે. કેટલાક વિસ્તારોમાં રાત્રિ દરમ્યાન પુરવઠો ખોરવાઈ જતો હોવાની પણ બુમરાણ ઉઠી છે. આમ ગરમીના કારણે લોકો ત્રાહિમામ પોકારી ઉઠયા છે અને બપોરના બહાર નીકળતા લોકો હિટ સ્ટ્રોકના કારણે બીમાર થઈ જતા તેમને હોસ્પિટલનો સહારો લેવો પડી રહ્યો છે.તેના કારણે ખાનગી દવાખાનાઓમાં પણ હિટસ્ટ્રોકના દર્દીનો વધારો જોવા મળી રહ્યો છે તેની સાથે સાથે પાલનપુર સિવિલ હોસ્પિટલમાં પણ હિટસ્ટ્રોકના દર્દીઓનો વધારો થયો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
