Rajkot : જેતપુરમાં રેગ્યુલેટર ચાલુ રહી જતા ભભૂકી આગ, મહિલા ગંભીર રીતે દાઝ્યા
રાજકોટના જેતપુર શહેરમાંથી એક ચિંતાજનક અકસ્માતના સમાચાર મળી રહ્યા છે. શહેરના રામૈયા હનુમાન વિસ્તારમાં ગેસના બોટલમાંથી ગેસ લીક થવાને કારણે અચાનક આગ ફાટી નીકળી હતી. આ દુર્ઘટનામાં એક મહિલા ગંભીર રીતે દાઝી ગયા છે, જેમને હાલમાં વધુ સારવાર માટે હોસ્પિટલ ખસેડવામાં આવ્યા છે.ચાલુ રેગ્યુલેટરે બર્નર સળગાવવું ભારે પડ્યું ઘટનાની વિગતો મુજબ, જેતપુરના રામૈયા હનુમાન વિસ્તારમાં રહેતા મંજુલાબેન રાઠોડ સવારના સમયે રસોઈ માટે ગેસ સળગાવવા ગયા હતા. અગાઉથી જ ગેસ બોટલનું રેગ્યુલેટર ચાલુ રહી ગયું હોવાથી રસોડામાં ગેસ પ્રસરેલો હતો. જેવું મંજુલાબેને બર્નર ચાલુ કરવા માટે પ્રયાસ કર્યો કે તરત જ ગેસની જવાળાઓ ભભૂકી ઉઠી હતી. આકસ્મિક લાગેલી આ આગમાં મંજુલાબેન ગંભીર રીતે દાઝી ગયા હતા. લોકોએ બચાવ્યા, જૂનાગઢ રિફર કરાયા આગ લાગતા જ મહિલાએ બૂમાબૂમ કરી મૂકી હતી, જેના કારણે આસપાસના લોકો તાત્કાલિક મદદ માટે દોડી આવ્યા હતા. સ્થાનિક લોકોએ ભારે જહેમત બાદ મહિલાને આગમાંથી બહાર કાઢી બચાવી લીધા હતા. ઈજાગ્રસ્ત મંજુલાબેનને તાત્કાલિક જેતપુર સિવિલ હોસ્પિટલ ખાતે ખસેડવામાં આવ્યા હતા. જોકે, તેમની હાલત ગંભીર હોવાથી પ્રાથમિક સારવાર આપીને વધુ સારવાર અર્થે જૂનાગઢ રિફર કરવામાં આવ્યા છે. હાલમાં તંત્ર અને પરિવારજનો દ્વારા મહિલાના સ્વાસ્થ્ય માટે પ્રાર્થના કરવામાં આવી રહી છે. આ પણ વાંચો---- Gandhinagar : પોલીસ હવે આરોપીઓને મુર્ગો નહીં બનાવી શકે, જાહેરમાં સરઘસ કાઢવા, કાન પકડાવવા કે ઉઠક-બેઠક કરાવવા પર લાગી રોક
Read Full Story arrow_forward
