Gandhinagar: માત્ર આવડત પૂરતી નથી, નર્સિંગ સ્ટાફનો વ્યવહાર પણ મધુર હોવો જોઈએ
GMERS મેડિકલ કોલેજ ગાંધીનગર ખાતે આરોગ્ય મંત્રીની ઉપસ્થિતિમાં આંતરરાષ્ટ્રીય નર્સિંગ ડેની ઉજવણી કરવામાં આવી હતી. આરોગ્ય રાજ્યમંત્રી પ્રફુલ પાનશેરીયાએ જણાવ્યું હતું કે, માનવીય સંવેદના સાથે નાગરિકોનેઆરોગ્ય લક્ષી સારવાર પુરી પાડવા માટે નર્સિંગના વ્યવસાય થકી સેવા, સમર્પણ અને શ્રોષ્ઠ વાણી-વર્તન જ નર્સિંગ વ્યવસાયની સાચી ઓળખ છે. માત્ર આવડત હોવી પૂરતી નથી, પરંતુ દર્દી સાથેનો વાણી-વ્યવહાર પણ એટલો જ મધુર હોવો જોઈએ. આરોગ્ય મંત્રીએ ઉમેર્યું હતું કે, દર્દી જ્યારે હોસ્પિટલમાં હોય ત્યારે તે હોદ્દાથી નહીં પણ મનથી પીડાતો હોય છે, ત્યારે નર્સનો પ્રેમભર્યો વ્યવહાર જ દર્દીની અડધી બીમારી દૂર કરી દે છે. કોઈ પણ અપેક્ષા વગર દર્દીઓની સેવા કરવી અને સહ કર્મચારીઓ તેમજ વડીલો સાથે ગરિમાપૂર્ણ વર્તન રાખવું એ જ આ દિવસની સાચી ઉજવણી છે. જો આપણું વર્તન શ્રોષ્ઠ હશે તો ટેકનોલોજીના ગમે તેટલા પરિવર્તનો છતાં માનવતા અને આંતરિક સુખ અકબંધ રહેશે. કાર્યક્રમમાં સિવિલ હોસ્પિટલના સુપ્રિટેન્ડેન્ટ ડો.મીતા પરીખ, આર.એમ.ઓ ડો.વિપુલા પંડયા, નર્સિંગ સુપ્રિટેન્ડેન્ટ ધર્મેન્દ્ર ભોરણીયા સહિત બહોળી સંખ્યામાં નર્સિંગના વિદ્યાર્થીઓ અને હોસ્પિટલનો સ્ટાફ્ હાજર રહ્યો હતો. સમારોહમાં નર્સિંગ વીકની ઉજવણીના ભાગરૂપે યોજાયેલ રમતોત્સવમાં પ્રથમ ક્રમે વિજેતા વિદ્યાર્થીઓને મંત્રીના હસ્તે મોમેન્ટો આપી સન્માનિત કરવામાં આવ્યા હતા. નર્સિંગના વિદ્યાર્થીઓ દ્વારા સાંસ્કૃતિક કાર્યક્રમો રજૂ કરવામાં આવ્યા હતા અને તમામ નર્સોએ માનવતાની સેવાના શપથ ગ્રહણ કર્યા હતા.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
