Community News & Updates

Stay informed with the latest happenings, achievements, and announcements from our community.

All News

calendar_today May 13, 2026

Gandhinagar: દહેગામમાં પેટ્રોલપંપો પર લાઇનો લાગી, સ્ટોક નહી હોવાના પાટિયા લાગ્યા

દહેગામમાં વધુ એકવાર પેટ્રોલ પંપો ઉપર સ્થિતી ડામાડોળ જોવા મળી છે. દહેગામ મોડાસા રોડ પર આવેલા પેટ્રોલ પંપો ઉપર પેટ્રોલ નહીં હોવાના પાટીયા લાગ્યા હતા. સાત ગરનાળા નાયરા પંપ, પાલૈયાના ઇન્ડિયન ઓયલ પંપ ઉપર સ્ટોક પુરો થઇ જતા વિતરણ બંધ કરાયુ હતુ. દહેગામથી બાયડ હાઇવે પર આવેલા બારોટના મોસમપુરા, લિહોડા, કડજોદરા, સલગુડી સહીતના વિસ્તારમાં આવેલા નાયરા તથા બીપીના પંપો પર છેલ્લા બે ત્રણ દિવસથી સ્ટોકના અભાવે વિતરણ જ બંધ હોવાની વિગતો છે. દહેગામ શહેરમાં આજે નાથાલાલ અંબાલાલ ભારત પેટ્રોલીયમના પંપ પર બપોરે સ્ટોક આવતા વાહનોની લાંબી લાઈનો લાગી હતી. જેમાં દુર દુરથી લોકો વાહનોમાં પેટ્રોલ ભરાવા પહોંચી ગયા હતા. જેમાં વાહન ચાલકો ટાંકી ફૂલ કરાવતા નજરે પડયાં હતા. પેટ્રોલની અછત હોય કે ના હોય પરંતુ દહેગામ શહેર અને તાલુકાના કેટલાક પંપો ઉપર પેટ્રોલનો જથ્થો ખૂટી પડે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 13, 2026

Surendranagar: ધોમધખતા રણમાં મીઠું પકવવા અગરિયાઓનો શ્રામ યજ્ઞ

સુરેન્દ્રનગર જિલ્લામાં સોમવારના 45.5 ડિગ્રી બાદ મંગળવારે જિલ્લામાં મહત્તમ તાપમાન 44.5 ડિગ્રી નોંધાયુ હતુ. અસહ્ય ગરમી અને લૂ ફુંકાવાને લીધે જિલ્લાવાસીઓ જાણે અગનભઠ્ઠીમાં શેકાઈ રહ્યા હોય તેવો અનુભવ કરી રહ્યા છે. આકરી ગરમીના લીધે ખાસ કરીને બાળકો અને વૃધ્ધોના સ્વાસ્થ્ય પર માઠી અસર જોવા મળે છે. જિલ્લામાં આગામી 2 દિવસોમાં પણ તાપમાન વધવાની શકયતા હવામાન વિભાગ દ્વારા જાહેર કરી તા. 13 અને 14 મેના રોજ ઓરેન્જ એલર્ટ જાહેર કરાયુ છે. સુરેન્દ્રનગર જિલ્લાવાસીઓ માટે આ વર્ષે ઉનાળો આકરો સાબીત થઈ રહ્યો છે. તા. 11મી મેને સોમવારે જિલ્લામાં ગરમીનો મહત્તમ પારો 45.5 ડિગ્રી નોંધાયો હતો. જે સમગ્ર રાજયમાં સૌથી વધુ હતો. હવામાન વિભાગ દ્વારા સુરેન્દ્રનગર અને કચ્છનો ઓરેન્જ એલર્ટમાં સમાવેશ કરી ગરમીની આગાહી કરાઈ હતી. ત્યારે કચ્છ કરતા પણ સુરેન્દ્રનગરનું તાપમાન વધુ જોવા મળ્યુ હતુ. સુરેન્દ્રનગર શહેર સ્થીત ડીઝાસ્ટર મેનેજમેન્ટ કચેરી ખાતે કાર્યરત યંત્રો દ્વારા તાપમાનની નોંધણી કરાઈ છે. ત્યારે શહેરી વિસ્તારમાં સોમવારે 45.5 ડીગ્રી અને મંગળવારે 44.5 ડિગ્રી તાપમાન નોંધાયુ હતુ. ત્યારે ઝાલાવાડમાં આવેલા કચ્છના નાના રણમાં મીઠુ પકવવાનું કામ કરતા અગરીયાઓની સ્થિતિ તો આથી પણ વધુ દયનીય છે. સામાન્ય ગરમી કરતા રણમાં ગરમીનો પારો રથી 3 ડીગ્રી વધુ જોવા મળતો હોય છે. ત્યારે હાલ પાટડી, ધ્રાંગધ્રા અને હળવદ પંથકમાં આવેલા રણમાં અગરીયાઓ 46-47 ડિગ્રી તાપમાનમાં કાળી મજુરી કરી રહ્યા છે. જિલ્લા વહીવટી તંત્ર દ્વારા બપોરે બાંધકામ વસાહતોમાં કામ કરતા શ્રામીકોને કામ ન કરાવવા જાહેર અપીલ કરાઈ છે. પરંતુ પેટીયુ રળતા શ્રામીકો બપોરના સમયે પણ કામ કરવા મજબુર બનતા હોય છે. હવામાન વિભાગ દ્વારા તા. 13મી અને તા. 14મી મેના રોજ પણ ઝાલાવાડમાં અગન વર્ષાની આગાહી કરીને જિલ્લાનો ઓરેન્જ એલર્ટમાં સમાવેશ કરાયો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 13, 2026

Dhrangadhra: ધ્રાંગધ્રાના ગાજણવાવ ગામના તળાવમાં ન્હાવા પડેલા બે યુવાનના ડુબી જતા મોત

ધ્રાંગધ્રા તાલુકાના ગાજણવાવ ગામના તળાવમાં અમદાવાદથી ધાર્મીક પ્રસંગે આવેલા પાચ યુવાનો ન્હાવા પડતા પાચ માંથી બે યુવાનો ડુબી જતા મોત નીપજ્યુ હતુ અને બાકીના યુવાનોને સારવાર અર્થે ધ્રાંગધ્રાની ખાનગી હોસ્પીટલમાં ખસેડાયા હતા.પ્રાપ્ત વિગતો અનુસાર ધ્રાંગધ્રા તાલુકાના ગાજણવાવ ગામે 7 ગામના પરમાર પરીવારનો ધાર્મીક પ્રસંગ હતો.આ પ્રસંગમાં અમદાવાદ સહિત બહારગામથી મહેમાનો આવ્યા હતા.આમાના પાચ યુવાનો ગામના તળાવમાં ન્હાવા પડયા હતા.એમાના એક યુવાનને પાણીમાં ડુબતો જોઇ બચાવવાનો પ્રયાસ કરતા બીજા યુવાનોએ પણ બચાવવાનો પ્રયાસ કર્યો હતો.જે પૈકીના બે યુવાનો રચીત પરમાર અને મોહીત છાસીયા બંન્નેના પાણીમાં ડુબી જવાથી મોત થયા હતા અને બાકીના વિશાલ,દેવાભાઇ સહિતના ત્રણ યુવાનોને સારવાર માટે ધ્રાંગધ્રાની ખાનગી હોસ્પીટલમાં ખસેડાયા હતા.આમ ધાર્મીક પ્રસંગની આનંદભેર ઉજવણી ચાલી રહી હતી ત્યારે અચાનક યુવાનોના ડુબી જવાથી મોત થયાના સમાચાર મળતાની સાથે જ આનંદનો પ્રસંગ માતમમાં ફેરવાઇ ગયો હતો.હાલ બીજા યુવાનોની સારવાર ચાલુ કરાવી આગળની તપાસ ધ્રાંગધ્રા તાલુકા પોલીસ ચલાવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward