Community News & Updates

Stay informed with the latest happenings, achievements, and announcements from our community.

All News

calendar_today May 12, 2026

Junagadh News: કેશોદમાં એક યુવાન રાતના સમયે મોબાઈલ ટાવર પર ચડી ગયો, બે કલાક સુધી હાઈવોલ્ટેજ ડ્રામા થયો

કેશોદ શહેરમાં એક ચોંકાવનારી ઘટના સામે આવી છે.ભાવનગરના એક યુવાને મોબાઈલ ટાવર પર ચડીને ભારે હોબાળો મચાવ્યો હતો.શહેરની રાધારમણ સોસાયટી પાસે બનેલી આ ઘટનાને પગલે સમગ્ર વિસ્તારમાં ચકચાર મચી ગઈ હતી અને લોકોના ટોળા ઉમટી પડ્યા હતા. પોલીસ અને ફાયર બ્રિગેડની ટીમ પણ ઘટના સ્થળે દોડી આવી હતી અને યુવાનને નીચે ઉતારવા માટે પ્રયાસો હાથ ધર્યા હતાં. બે કલાક સુધી હાઈ વોલ્ટેજ ડ્રામા સર્જાયો મળતી વિગતો મુજબ, કેશોદ શહેરમાં રાધારમણ સોસાયટીમાં આવેલા એક ઊંચા મોબાઈલ ટાવર પર એક અજાણ્યો યુવાન એકાએક ચડી ગયો હતો.યુવાનને ટાવર પર જોઈને આસપાસના રહીશોમાં ફફડાટ વ્યાપી ગયો હતો.આ બાબતની જાણ વાયુવેગે પ્રસરતા લોકો મોટી સંખ્યામાં એકઠા થઈ ગયા હતા.યુવાન કયા કારણોસર ટાવર પર ચડ્યો હતો તે અંગે પ્રાથમિક તબક્કે કોઈ સ્પષ્ટતા થઈ શકી નહોતી.પરંતુ તેની આ હરકતને કારણે બે કલાક સુધી હાઈ વોલ્ટેજ ડ્રામા સર્જાયો હતો. પોલીસે તેની વધુ પૂછપરછ હાથ ધરી ઘટનાની જાણ થતા જ કેશોદ પોલીસ અને ફાયર બ્રિગેડની ટીમ તાત્કાલિક ઘટના સ્થળે દોડી આવી હતી.પોલીસ અને સ્થાનિકો દ્વારા યુવાનને સમજાવવાના પ્રયાસો હાથ ધરવામાં આવ્યા હતા.આખરે બે કલાકની ભારે જહેમત અને સમજાવટ બાદ યુવાન સુરક્ષિત રીતે નીચે ઉતર્યો હતો.જેના પગલે તંત્ર અને સ્થાનિકોએ રાહતનો શ્વાસ લીધો હતો.યુવાન નીચે ઉતર્યા બાદ પોલીસે તેની વધુ પૂછપરછ હાથ ધરી છે.આ હાઈવોલ્ટેજ ડ્રામા પાછળનું કારણ જાણવા માટે પોલીસે સઘન તપાસ શરૂ કરી છે.હાલમાં આ ઘટના આખા શહેરમાં ચર્ચાનો વિષય બની છે. આ પણ વાંચોઃ Ahmedabad News: આવતીકાલે શહેરના પશ્ચિમ વિસ્તારમાં પાણીકાપ, જરૂરી પાણીનો સંગ્રહ કરવી તંત્રની અપીલ

Read Full Story arrow_forward

calendar_today May 12, 2026

Surat: સુરત એરપોર્ટથી દુબઈની ફ્લાઇટ શરૂ થવા મામલે ફરી ગ્રહણ, દિલ્હી જવા માટે પણ હવે ખિસ્સા ખાલી કરવા પડશે

સુરતથી આંતરરાષ્ટ્રીય ઉડાન ભરવાની રાહ જોઈ રહેલા મુસાફરો માટે નિરાશાજનક સમાચાર આવ્યા છે. લાંબા સમયની રાહ જોયા બાદ એર ઈન્ડિયા એક્સપ્રેસ દ્વારા આગામી 17 મેથી સુરત-દુબઈ ફ્લાઇટ શરૂ કરવાની જાહેરાત કરવામાં આવી હતી, પરંતુ હવે ફરી આ કામગીરી સ્થગિત કરી દેવામાં આવી છે.દુબઈ ફ્લાઇટ કેમ અટકી?એરલાઇન્સે અગાઉ બુકિંગ પણ શરૂ કરી દીધું હતું, પરંતુ અસ્થાયી કેપ (Temporary Cap) અને વર્તમાન આંતરરાષ્ટ્રીય યુદ્ધની સ્થિતિને પગલે ઓપરેશનલ મુશ્કેલીઓ ઊભી થઈ છે. આ ટેકનિકલ કારણોસર એર ઇન્ડિયાએ હાલ પૂરતી આ ફ્લાઇટની કામગીરી સ્થગિત કરી દીધી છે, જેના કારણે વેકેશનમાં દુબઈ જવાનું પ્લાનિંગ કરી રહેલા હજારો પ્રવાસીઓ મુશ્કેલીમાં મુકાયા છે.દિલ્હીના ભાડામાં ડબલ વધારોબીજી તરફ, સુરતથી દિલ્હી જતા મુસાફરો પર પણ મોંઘવારીનો માર પડ્યો છે. ઉનાળુ વેકેશન અને ફ્લાઇટની અછતને કારણે સુરત-દિલ્હીના હવાઈ ભાડામાં તોતિંગ વધારો થયો છે. જે ફ્લાઇટનું ભાડું અગાઉ રૂ. 6,000 ની આસપાસ રહેતું હતું, તે હવે વધીને સીધું રૂ. 12,000 થઈ ગયું છે. એટલે કે મુસાફરોએ દિલ્હી જવા માટે બમણા પૈસા ખર્ચવા પડી રહ્યા છે.આ પણ વાંચો: Vadodara: કોર્ટે હિના પેથાણી હત્યા કેસમાં આપ્યો સીમાચિહ્નરૂપ ચુકાદો, આરોપી સચિન દીક્ષિતને આજીવન કેદ

Read Full Story arrow_forward

calendar_today May 12, 2026

Assam CM Oath:હિમંતા બિસવા સરમાની આજે તાજપોશી, બીજી વખત લેશે CMના શપથ

હિમંત બિસ્વા સરમા સતત બીજી વખત આસામના મુખ્યમંત્રી બનવા જઈ રહ્યા છે. સરમા આજે એટલે કે 12 મેના રોજ પોતાના નવા મંત્રિમંડળ સાથે મુખ્યમંત્રી પદની શપથ લેશે.NDAનો કુલ આંકડો 102 બેઠકો સુધી પહોંચી ગયો  126 સભ્યોની આસામ વિધાનસભામાં ભાજપના નેતૃત્વવાળા રાષ્ટ્રીય લોકતાંત્રિક ગઠબંધન (NDA)એ સતત ત્રીજી વખત બે તૃતિયાંશ બહુમત સાથે સત્તામાં વાપસી કરી છે. ભાજપ 82 બેઠકો સાથે સૌથી મોટી પાર્ટી તરીકે ઉભરી આવી છે, જ્યારે તેની સાથી પાર્ટીઓ આસામ ગણ પરિષદ (AGP) અને બોડોલેન્ડ પીપલ્સ ફ્રન્ટ (BPF)એ 10-10 બેઠકો જીતી છે. આ રીતે NDAનો કુલ આંકડો 102 બેઠકો સુધી પહોંચી ગયો છે. શપથગ્રહણ સમારોહમાં ભાજપના ટોચના નેતાઓ હાજર રહેશે પ્રધાનમંત્રી નરેન્દ્ર મોદી, રક્ષા મંત્રી રાજનાથ સિંહ, ગૃહ મંત્રી અમિત શાહ અને નાણાં મંત્રી નિર્મલા સીતારમણ આસામના શપથગ્રહણ સમારોહમાં હાજરી આપે તેવી શક્યતા છે. ઉપરાંત NDA શાસિત 22 રાજ્યો અને કેન્દ્રશાસિત પ્રદેશોના મુખ્યમંત્રી, ભાજપના રાષ્ટ્રીય અધ્યક્ષ નિતિન નબીન સહિત પક્ષના વરિષ્ઠ નેતાઓ, અનેક દેશોના રાજદૂત, ઉદ્યોગપતિઓ અને ધાર્મિક આગેવાનો પણ આ કાર્યક્રમમાં હાજર રહેશે. સરમા સાથે ચાર મંત્રી અને વિધાનસભા અધ્યક્ષ પણ લેશે શપથ હિમંત બિસ્વા સરમાએ સોમવારે જાહેરાત કરી હતી કે તેમની સાથે ચાર કેબિનેટ મંત્રીઓ અને આસામ વિધાનસભાના અધ્યક્ષ પણ મંગળવારે શપથ લેશે. તેમણે માહિતી આપતા કહ્યું, “મને ખુશી છે કે મારા ચાર સાથીદારો પણ માનનીય પ્રધાનમંત્રી શ્રી નરેન્દ્ર મોદીજીની ગૌરવમય હાજરીમાં મારી સાથે મંત્રી પદની શપથ લેશે.” જેઓને મંત્રી પદની શપથ અપાવવામાં આવશે તેમાં રમેશ્વર તેલી, અતુલ બોરા, ચરણ બોરો અને અજયંતા નિયોગના નામ સામેલ છે.આ પણ વાંચો: Rain Alert: દિલ્હી-હરિયાણા સહિત આ રાજ્યોમાં આંધી-તોફાન, રાજસ્થાનમાં ભયંકર લૂનું એલર્ટ

Read Full Story arrow_forward