Banaskantha: ભરડવામાં અસંખ્ય માછલીઓના મોત
સુઈગામના ભરડવા ગામના લોકોએ ગત ચોમાસામાં ભારે હાલાકી વેઠી હતી. અંદાજે બે મહિના સુધી ગામમાં પાણી ભરાઈ રહેવાને કારણે અનેક પરિવારો પોતાના પાકા મકાનો છોડીને અન્યત્ર સ્થળાંતર કરવા મજબૂર બન્યા હતા. લાંબા સમય બાદ જ્યારે પાણી ઓસર્યા અને લોકોને લાગ્યું કે હવે સ્થિતિ થાળે પડશે, ત્યારે તળાવમાં માછલીઓના સામૂહિક મોતે ફ્રી એકવાર તંત્રની બેદરકારી અને કુદરતની થપાટનો અહેસાસ કરાવ્યો છે.ગામના મધ્યમાં આવેલા શિવજીના મંદિર અને સરકારી આરોગ્ય કેન્દ્રની બિલકુલ નજીક જ આ તળાવ આવેલું છે. તળાવમાં માછલીઓ મરી જવાથી સમગ્ર વિસ્તારમાં અસહ્ય દુર્ગંધ ફેલાઈ રહી છે. સ્થિતિ એટલી ગંભીર છે કે મૃત માછલીઓને કારણે રખડતા શ્વાનોનો જમાવડો વધી ગયો છે, જેનાથી ગ્રામજનો અને ખાસ કરીને બાળકોમાં ભયનો માહોલ છે. આરોગ્ય કેન્દ્રમાં સારવાર લેવા આવતા દર્દીઓ અહીંની દુર્ગંધ અને ગંદકીને કારણે અન્ય બીમારીઓ લઈને ઘરે જાય તેવી ગંભીર પરિસ્થિતિ ઊભી થઈ છે.દુર્ગંધને કારણે લોકોનું ઘરમાં રહેવું પણ મુશ્કેલ બની ગયું છે.ગ્રામજનોનો માગ છે કે તંત્ર દ્વારા આ મૃત માછલીઓનો નિકાલ કરવામાં આવે. જો તાત્કાલિક ધોરણે તળાવની સફઈ અને માછલીઓના અવશેષો દૂર કરવામાં નહીં આવે, તો આખું ગામ ભયંકર રોગચાળાની ચપેટમાં આવી શકે છે.સ્થાનિકોની એક જ માંગ છે કે વહીવટી તંત્ર જનહિતમાં આળસ ખંખેરી તાત્કાલિક કાર્યવાહી કરે અને ભરડવા ગામને આ નરકાગાર જેવી સ્થિતિમાંથી મુક્તિ અપાવે. બનાવના પગલે સરપંચ દ્વારા પ્રાંત અધિકારીને લેખિતમાં રજૂઆત કરવામાં આવી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
