Deesa: જુનાડીસા ગામે વીજ ધાંધિયાથી ખેડૂતોમાં તંત્ર સામે ભારે આક્રોશ
ડીસા તાલુકાના જુનાડીસા ગામ ખાતે ઉનાળુ સીઝનમાં ખેડૂતો દ્વારા બાજરી, મગફળી, જુવાર તેમજ વિવિધ શાકભાજીના પાકોનું મોટાપાયે વાવેતર કરવામાં આવ્યું છે હાલ પાકો તૈયાર થવાના આરે પહોંચ્યા છે. ત્યારે છેલ્લા કેટલાક સમયથી ગામના ખેત વિસ્તારમાં ગંભીર વીજ ધાંધિયા સર્જાતા ખેડૂતો મુશ્કેલીમાં મુકાયા છે. ખેડૂતોના જણાવ્યા મુજબ અપૂરતા વોલ્ટેજ તેમજ અવારનવાર વીજ પુરવઠો ટ્રીપ થવાને કારણે સમયસર પાકોને પિયત આપી શકાતું નથી. પરિણામે કાળઝાળ ગરમી વચ્ચે ઉભા પાકો મુરઝાવા લાગ્યા છે. બીજી તરફ લો વોલ્ટેજના કારણે ખેતીમાં ઉપયોગમાં લેવાતી મોટરો અને અન્ય વીજ ઉપકરણો બળી જવાની દહેશત પણ ખેડૂતોમાં વ્યાપી છે. જે વીજ સમસ્યાને કારણે ખેડૂતોમાં ભારે રોષ ફેલાયો છે. ખેડૂતો દ્વારા વીજ વિભાગને તાત્કાલિક યોગ્ય અને નિયમિત વીજ પુરવઠો ઉપલબ્ધ કરાવવામાં આવે તેવી માંગ કરવામાં આવી છે. જો વહેલી તકે સમસ્યાનો ઉકેલ નહીં આવે તો ખેડૂતો દ્વારા ઉગ્ર વિરોધ કરવામાં આવે તેવો આક્રોશ ખેડૂતોએ ઠાલવ્યો હતો. ત્યારે ખેડૂતોના હિતમાં વીજ વિભાગ સત્વરે ઘટતા પગલાં ભરે તેવો જનમત પ્રવર્તે છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
