Community News & Updates

Stay informed with the latest happenings, achievements, and announcements from our community.

All News

calendar_today May 12, 2026

Gandhinagar: ઈન્દ્રોડા ગામમાં ઉભરાતી ગટરથી રહીશો પરેશાન

ગાંધીનગર શહેરના ઈન્દ્રોડા ગામમાં છેલ્લા કેટલાક દિવસથી ગટરના પાણી બેક મારે છે. સ્થાનિકો ફરિયાદો મુજબ ઉભરાતી ગટર અંગે ઘણીવખત રજૂઆત કરવા છતાં કાયમી કોઈ ઉકેલ આવતો નથી. સતત ઉભરાતી ગટરને પગલે આસપાસ લોકોને દુર્ગંધ અને ગંદકીથી પરેશાની ભોગવવી પડે છે. તેમાં પણ જો ગટરના ગંદા પાણી પીવાના પાણીમાં ભળશે તો આ વિસ્તારમાં રોગચાળો ફાટી નીકળવાની શક્યતા છે જેને પગલે તંત્ર દ્વારા વહેલી તકે આ દિશામાં પગલાં લેવાય તેવી ઉગ્ર માંગણી ઉઠી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 12, 2026

Gandhinagar: આંગણવાડીમાં પણ હવે વાલી સંમેલનો શરૂ કરાયા

ગાંધીનગર કોર્પોરેશનના આઈસીડીએસ વિભાગ દ્વારા આંગણવાડીઓમાં વાલીઓની ભાગીદારી વધારીને બાળકોના સર્વાગી વિકાસ માટે પ્રયત્નો શરૂ કર્યા છે. જે માટે આંગણવાડીઓમાં પુરી પાડવામાં આવતી વિવિધ સેવા અને પૂર્વ પ્રાથમિક શિક્ષણની પ્રવૃતિઓથી વાલીઓને અવગત કરાવવા બાલક પાલક સર્જન કાર્યક્રમ યોજાયો હતો જેમાં વાલીઓને સાથે રાખીને ખાસ ઉજવણી કરવામાં આવી હતી. મનપા દ્વારા આંગણવાડી કક્ષાએ બાલક પાલક સર્જન કાર્યક્રમનું આયોજન કર્યું છે. જે અંતર્ગત પોર વિસ્તારના આંગણવાડી કેન્દ્ર ખાતે વાલીઓને આમંત્રિત કરીને કાર્યક્રમમાં સહભાગી બનાવાયા હતા. જેનો હેતુ બાળકોના નામાંકન વધારવા સાથે પૂર્વ પ્રાથણિક શિક્ષણના મુખ્ય પ્રવાહમાં સક્રિયપણે જોડવાનો હતો. બાળકો નિયમિત રીતે કેન્દ્રમાં હાજર રહી અભ્યાસક્રમ આધારિત વિવિધ પ્રવૃતિઓમાં જોડાય તે માટે વાલીઓની સક્રિય ભાગીદારો સુનિશ્ચિત કરવામાં આવી હતી. જેને લઈને બાળકો અને વાલીઓને સાથે રાખીને વિવિધ સર્જનાત્મક પ્રવૃતિઓ કરાવવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 12, 2026

Gandhinagar: વૈશાખી વાયરા : 16 દિવસમાં બીજી વખત ગરમીનો પારો 44 ડીગ્રી પહોંચ્યો

ગાંધીનગરમાં ઉનાળાની સિઝનમાં બીજીવાર ગરમીનો પારો 44 ડીગ્રીએ પહોંચી ગયો હતો. ગત વર્ષમાં આખી સિઝનમાં એક જ વાર 44 ડીગ્રી તાપમાન નોંધાયું હતું જ્યારે આ વખતે 26 એપ્રિલના રોજ 44.2 ડીગ્રી બાદ આજે ફરી ગરમીનો પારો 44 ડીગ્રી નોંધાયો હતો. બપોરના સમયે શહેર જાણે કે અગનભઠ્ઠીમાં શેકાયું હોય તે રીતે લોકો ત્રાહીમામ પોકારી ઉઠયાં હતા. કાળઝાળ ગરમીને પગલે બપોરના સમયે શહેરના માર્ગો સૂમસાન થઈ ગયા હતા. રાજ્યમાં વૈશાખી વાયરા વચ્ચે ગરમીનો પારો ઉચકાયો છે, ગરમીનો પારો આજે 44 ડીગ્રી પહોંચી જતાં નગરજનો તૌબા પોકારી ઉઠયાં હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward