Gandhinagar: સચિવાલય સંકુલમાંથી ઝેરી ગણાતા નાગે દેખા દીધી
શહેરમાં સચિવાલય સંકુલમાં અત્યંત ઝેરી ગણતા નાગ ચઢી આવ્યો હતો. જેનું તાત્કાલિક ધોરણે રેસ્ક્યુ કરાઈને જંગલમાં છોડી દેવાયો હતો. ઉનાળામાં અસહ્ય તાપથી શેકાઈ રહેલી ધરતીનાં કારણે ગરમીનાં પ્રકોપથી બચવા માટે ઠંડકવાળી જગ્યામાં છુપાઈ રહેવા સરિસૃપ રહેણાંક વિસ્તાર તથા સચિવાલય સંકુલમાં દેખાવાનું પ્રમાણ વધ્યું છે. આજે સવારે દસ વાગ્યે સચિવાલય સ્વર્ણિમ સંકુલ-2ની સામે બ્લોક નંબર આઠમાં અત્યંત ઝેરી એવો નાગ દેખાયો હતો. જેને પગલે સલામતી શાખાના અધિકારી દ્વારા તાત્કાલિક સર્પ બચાવની નિઃશુલ્ક સેવા આપતાં નિવૃત્ત બેન્ક મેનેજર પ્રદીપ સોલંકીને બોલાવવામાં આવ્યા હતા. જેઓએ તુરંત ત્યાં પહોંચી સફળતાપૂર્વક નાગ રેસ્ક્યુ કરી વનવિભાગને સાથે રાખી ઝેરી પ્રજાતિના નાગને માનવ વસાહતથી દૂર જંગલ વિસ્તારમાં મુક્ત કર્યો હતો. ઉલ્લેખનીય છે કે ત્રણ દિવસ પહેલા પણ સવારનાં સમયે સ્વર્ણિમ સંકુલ-2ના ગ્રાઉન્ડ ફ્લોર ઉપર અત્યંત ઝેરી સર્પ ખડચિતળો નીકળતા દોડધામ મચી જવા પામી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
